Te fundit
DOSJA/ Domart Konjari i përfshirë në 8 vrasje dhe trafik droge në gjithë Europën, por Gjykata e liroi në mënyrë skandaloze
15 Mars 2016, 17:00Politika
TEMA
Domart Konjari, i dënuar në Francë me 10 vjet burg dhe i liruar në Shqipëri për shkelje proceduriale, dyshohet se është i përfshirë në 8 vrasje në Shqipëri dhe Francë.
ABC News ka siguruar një kopje të dosjes që autoritetet franceze i kanë sjelle Prokurorisë për Krime të Rënda, ku renditet me detaje e gjithë veprimtaria kriminale e Konjarit në Shqipëri, Francë, Holandë, Belgjikë, Spanjë, Itali dhe Gjermani.
Burimet thonë se Konjari dyshohet se drejtonte rrjetin e trafikut të kokainës, pasi mendohet se ka lidhje direkte me burimin e prodhimit të saj në Amerikën e Jugut.
Si pasoje e këtij rrjeti, influencës në treg dhe shpërndarjes së droges në Europë, hetuesit francezë thonë se kanë ndodhur edhe disa vrasje, ku në dy raste 42 vjeçari Konjari i ka shpëtuar atentateve me armë.
Në dosjen e ardhur pranë Prokurorisë për Krime të Rënda, emri i Konjarit përmendet per perfshirje direkt apo indirekt në disa vrasje si pasoje e rrjeteve të trafikut të kokainës.
Kjo listë fillon me vrasjen e 28 gushtit të vitit 1998, kur është ekzekutuar Gentian Dervishi, i njohur me nofkën “Gent Kadaifi”, pranë “Shkollës së Kuqe”.
Më pas emri i Konjarit del në vrasjen e ndodhur në 2003 në qytetin Renne të Francës, ku u vra në ambientet e Genc Dervishit, shtetasit Erhon Murati për një mosmarrveshje për trafikun e drogës.
Për të vazhduar më pas, me ekzekutimin e 3 gushtit 2005 në kryeqytet, ku është vrarë Fatjon Naxhaku.
Vrasja e tij ndodhi vetëm pak ditë pasi ishte kthyer në Shqipëri, pasi ishte arratisur nga burgu në Spanjë.
Kjo vrasje, thonë francezët, dyshohet se është kryer nga Konjari në shenjë vetëmbrojtje.
Por, ende kjo vrasje në Shqipëri është pa autor.
Si pjesë e këtyre ngjarjeve, ku përfshihet emri i 42- vjeçarit që u lirua nga burgu, është edhe vrasja me 16 plumba e francezit Gilbert Slik në vitin 2007 në Marsejë.
Ndërkohë, në qershor të 2010, Domart Konjari i shpëtoi një atentati në Madrid, ku mbetet i vrarë shoferi i tij.
Vetëm një muaj pas këtij atentati të dështuar ndaj Konjarit, vritet në dalje të burgut në Aliacante të Spanjës francezi Alain Coelier, i njohur si “Alani i vogël”.
Ky i fundit njihet si kapo i bandës së grabitjeve të viteve 1980 në Francë, por që në vitin 2006 u arrestua së bashku me Juan Ponsoda me anijen me vela të një kompanie shqiptarësh, që vinte nga Venezuela dhe brenda saj ishin fshehur 3.4 tonë kokainë.
Po në korrik të 2010 ekzekutohet në makinë ne Tirane, Franc Konomi, që njihej si një nga njerëzit më të afërt të Domart Konjarit.
Dyshimet për këtë vrasje, sipas autoriteteve franceze, janë mosmarrveshjet e bandave rivale për dërgimin e kokainës në Spanjë.
Emri i 42 vjeçarit Konjari në dosjen franceze lidhet edhe me ekzekutimin e Gentian Gashit në nëntor të 2011 në Durrës.
Dosja e vrasjeve ku përfshihet direkt apo indirekt veprimtaria e Domart Konjarit, mbyllet me ekzekutimin e Edmond Dervishit më 14 korrik të 2013 në Tiranë.
Të gjithë këto vrasje, hetuesit francezë dyshojnë se kanë të bëjnë me aktivitetin e trafikut të kokainës, dhe jane të lidhura me emrin e Domart Konjarit, i cili u lirua nga Gjykata për arsye proceduriale.
4 komente në “DOSJA/ Domart Konjari i përfshirë në 8 vrasje dhe trafik droge në gjithë Europën, por Gjykata e liroi në mënyrë skandaloze”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ESHTE E QARTE,SE GJYKATA DO KETE MARRE NJE SHUME TE MAJME PARASH.LE TE JENE SI TE DUAN PROCEDURAT,PER KETE NJERI KRIMINEL QE KA VRARE KAQ NJEREZ,NUK MUND TE LIROHET NGA BURGU SIKUR SKA BERE ASGJE.GJYKATA QE E KA LIRUAR,KA MERRE PARASYSHE CDO GJE,DUKE U THENE SE ESHTE E KORUPTUAR.PARATE(EURO) JANE TE EMBLA DHE TA PRISHIN MENDJEN.Kemi vertete gjyqesor te koruptuar,qe kur vjene puna,bejne note ne nje gote me uje.
Me mire e kane bere qe e kane lene te lire se do te kene mundesi qe ta shfarrosin se per ndryshe do te ishte plakur ne burg. Ne tufin kane ngelur ca vende bosh te perroi dhe me nje rast sorrat do te bejne feste per kte bajge.
Këta lloj gjykatësish mund të ndalen vetëm me tritol ose ndonjë plumb në kokë.Jo vetëm Shqipëria ,por edhe bota po zien nga bëmat e tyre,kurse këta majmunë,akoma mendojnë paratë si të shtojnë pasuritë.
Gjykates i duhen fonde per reformen ne drejtesi.