Përurohet busti i Papa Françeskut në Tiranë, Veliaj: Shembull frymëzimi për të gjithë

Papa Françesku përjetësohet në Tiranë. Është përuruar sot në trekëndëshin e gjelbërt përballë Kambanës së Paqes, përkatësisht ngjitur me trotuarin e Bulevardit “Dëshmorët e Kombit”, monumenti i Papa Françeskut në kujtim të vizitës që ai zhvilloi në 21 shtator të 2014 në Tiranë. Busti i tij është zbuluar sot gjatë një ceremonie të posaçme nga Presidenti i Republikës, Bujar Nishani, kryetari i Bashkisë së Tiranës, Erion Veliaj si dhe Nunci Apostolik në Tiranë, Arqipeshkvi Ramiro Moliner Iglès.

Presidenti Nishani vlerësoi lart figurën e Papa Françeskut dhe në mënyrë të veçantë marrëdhëniet që ai ka krijuar me shqiptarët. “Jam edhe i emocionuar sepse sot edhe në cilësinë e kryetarit të shtetit shqiptar dhe si qytetar i këtij vendi mbushem me krenari kur mendoj se kemi fatin të jemi të gjithë dëshmitarë se si busti i Atit të Shenjtë po përurohet e përjetësohet pikërisht këtu pranë Kambanës së Paqes, aq më tepër para ish muzeut të Diktatorit ideologjia e dështuar e së cilit dikur u përpoq të shembte kisha e xhami dhe të burgoste e vriste klerikë e besimtarë, të pafajshëm” – tha Nishani në fjalën e tij.

Kryetari i Bashkisë së Tiranës, Erion Veliaj e nisi fjalën e tij pikërisht me unanimitetin që treguan të gjitha forcat politike të përfaqësuara në Këshillin Bashkiak në miratimin e vendimit për vendosjen e këtij busti në këtë vend si shenjë e vlerësimit të figurës së Papa Françeskut. “Nuk e di nëse ka ndonjë vendim tjetër të Këshillit Bashkiak që të jetë marrë në mënyrë aq unanime dhe aq pa hezitim sa vendimi për të nderuar sado modestish Atin e Shenjtë përmes këtij gjesti. Përtej tensioneve, përplasjeve e sherreve që kemi për shumëçka, nuk mund të mos ishim në një mendje për një çështje si kjo”, u shpreh kryebashkiaku.

Gjithashtu Veliaj theksoi se ardhja e Papa Franceskut në Shqipëri ishte padyshim një moment i bukur për të gjithë shqiptarët, pavarësisht përkatësive fetare, kjo pasi sipas tij mesazhi që ai dha nuk lidhej ekskluzivisht me ndonjë besim fetar, por shkonte në zemër të filozofisë e moralit të secilit prej besimeve: mesazhi i vëllazërisë, harmonisë, bashkimit e solidaritetit. “Ne shqiptarët kemi pasur e kemi një histori të vështirë. Por asnjë nga këto vështirësi nuk i gjen rrënjët e saj tek feja. Ajo që mund të ishte një arsye për ndarje, ka rezultuar në fakt në Shqipëri një faktor bashkimi. Ati i Shenjtë me të drejtë e quajti vëllazëri fetare. Një fjalë që ne s’e kishim përdorur kurrë për të përshkruar diçka që thjesht e marrim si të mirëqenë. Por që në fakt është përshkrimi më i duhur i asaj çka kanë arritur të ndërtojnë shqiptarët. Historia e Shqipërisë, e vjetër dhe e re, është plot me shembuj të kësaj vëllazërie. Rilindja jonë kombëtare theksonte bashkimin. Dekadat e pas pavarësisë theksuan bashkimin. Në dekadat e errëta e tragjike të komunizmit shqiptarët ishin sërish të bashkuar përballë një regjimi që bëri gjithçka për të zhdukur besimin” – tha Veliaj.

Më tej kryetari i Bashkisë e cilësoi Atin e Shenjtë si një njeri i rrallë që flasin hapur, pa doreza, dhe godasin mu në zemër probleme si ekstremizmi e konflikti, por edhe në mesazhet sociale që ai përcjellë, si varfëria, pabarazi dhe nevoja për solidaritet. Mesazhe që sipas Veliajt janë në fokusin edhe të punës së përditshme të Bashkisë që ai drejton, duke mbështetur më shumë politikat për më të pamundurit e qytetit. Busti është vepër e autorit  Qazim Arifi dhe është realizuar falë bashkëpunimit mes Bashkisë së Tiranës dhe Ambasada e Selisë së Shenjtë në Tiranë. Me vendosjen e këtij busti në këto mjedise krijohet një memorial në vlerësim të personaliteteve të shquara të Vatikanit, siç është Papa Gjonpali i II, që është bekuesi i simbolit të Këmbanës së Paqes dhe Papa Françeskut për vlerat e tij.

Erion Veliaj zbardh planin: Si do të jetë sheshi i ri “Skënderbej”

08:16 Sociale

VIDEO/ Fytyra e "vuajtur" e Ristanit kur flitet për pijen

08:29 Sociale

Ja si u ndërtua "Liqeni Artificial" i Tiranës

21:39 Sociale

Janar, përsëri pati rritje të kredive me probleme

21:37 Sociale

Prokuroria konfiskon pasuritë e biznesmenit Dashamir Gjoka

21:35 Sociale

Veliaj: Do të nisim punën ne sheshin Skënderbej, Tirana me qendrën më të bukur ne rajon

21:33 Sociale

Refugjatët kalojnë lumin drejt Maqedonisë, por ushtria i kthen sërish pas

21:30 Sociale

Kriza e refugjatëve, Shqipëria nuk do të lejojë kalimin tranzit drejt BE

20:59 Sociale

"Të luash mes rrënojave," fëmijët kthehen në fshatin ukrainas të shkatërruar nga bombardimet

19:35 Sociale

Momenti i arrestimit të personit që sulmoi Donald Trump

19:33 Sociale