Manjani: Prona shkon jo tek i zoti, por tek më i zoti

Kreu i Ministrisë së Drejtësisë, Ylli Manjani tha se besimi i publikut karshi gjykatave është i ulët dhe se gjyqtarët duhet të punojnë më shumë në këtë drejtim. Gjatë analizës vjetore të Gjykatës së Apelit në Tiranë, Manjani u shpreh se përgëzonte statistikat e nxjerra gjatë analizës vjetore, por shtoi se këto statistika nuk vlejnë asgjë karshi çështjeve të qytetarëve.

Manjani: Jashtë kësaj salle këto statistika nuk vlejnë, ose vlejnë zero. Statistikat janë si garuzhdat bosh që ushqejnë njerëzit. Në sallën e gjyqit, diskutohen të drejtat e njeriut. Përpara hallit të individit, statistika e përgjithshme për fat të keq nuk ngjit. Unë pajtohem plotësisht me kritikën që i bëhet dy pushteteve të tjera që krijojnë pushtetin gjyqësor. Kritika për kritikë vetëm shton mllefin dhe sigurisht jam përpjekur si ministër i Drejtësisë të mos jem mes këtij kanali akuzash, por zëdhënës ose përçues i opinionit publik ndaj të gjithë atyre që shkruajnë ankesa çdo ditë pranë Ministrisë së Drejtësisë dhe në mediat e shkruara.

Sot në mëngjes dëgjova një zonjë që ishte në prag katastrofe mendore për shkak të pretendimeve të saj. Unë nuk i hyj nëse ka të drejtë apo jo, pasi janë vendime gjyqësore. Si kjo zonja ka plot. Rastet individuale janë shumë të rëndësishme. Në qoftë se Gjykata e Apelit rrëzon një vendim në themel dhe në qoftë se para rrëzimit të këtij vendimi, 50% i palës së humbur kishte prirje të mos besonte drejtësinë, pas rrëzimit, edhe 50% tjetër bashkohet dhe bëhet 100% kundër gjyqtarëve. Ky nuk është argument juridik. U bëj thirrje gjyqtarëve që të jenë pak më protektiv ndaj publikut.

Më tej, ministri ngriti disa shqetësime, ku si çështje të parë përmendi kreditë e këqija, duke theksuar se shpesh vendimet e gjykatave kanë shkaktuar ngërç me përmbarimin.

Manjani: Shumë shpejt do t’i propozojë qeverisë një paketë ligjore, i cili përforcon rolin e përmbaruesit, pasi mesazhi është ky: kush ka marrë kredi duhet ta kthejë pas, kokërr më kokërr. Vërtet marrëveshja është private, por interesi është publik. Nuk kemi ndërmend të cedojmë, sepse mund të ketë pasoja më vonë. Çështja e kredive të këqija duhet adresuar me përparësi. Si çdo titull ekzekutiv tjetër, duhet zbatuar. Ftesa ime është: ju lutem të lejojmë përmbarimin të zbatojë vendimet. Nuk mbrohet debitori duke i thënë mos paguaj kredinë!

Çështja e dytë që Manjani përmendi është respektimi i orareve të gjykimit, çështje që e ka ngritur edhe shumë herë të tjera. Ai tregoi edhe një rast specifik për këtë.

Manjani: Dy inspektorë të mi, rastësisht u gjendën në një gjykatë javën që shkoi, në një bisedë me një gjyqtare, e cila zyrtarisht kur po zhvillonte bisedën, ishte anëtare e një trupi gjykues. Nuk më erdhi as ankesë zyrtare dhe as palët, por inspektorët. Nuk po i hyj fare edhe rasteve të Gjykatës së Apelit të Tiranës. Orari i gjykimit është ABC-ja e çdo takimi. Edhe kur i riu del për qejf, ka një orar, jo më gjykimi.

Shqetësimi i tretë ishte ai i afateve të gjykimit, ku ministri bëri apel që të përshpejtohen procedurat.

Manjani: Nëse në Gjykatën e Apelit arrin të gjykojë shpejt, unë jam i bindur se perceptimi ndryshon shumë shpejt. Askush nuk do të dijë që gjyqtari është i ngarkuar. Sigurisht që gjyqtarët janë të ngarkuar, por askush nuk duhet ta dijë këtë.

Tema e radhës është ajo e pronësisë.

Manjani: Mesazhi që prona nuk po shkon tek i zoti, por tek më i zoti, është një histori e vjetër. Unë jam koshient që zyra e Regjistrimit të Pasurive të Paluajtshme nuk është 100% aty ku duhet. Gjykatat tentojnë të anashkalojnë listën e ekspertëve të licencuar nga shteti.

Një person që ka mbaruar mjekësi nuk mund të jetë detyrimisht ekspert mjeko-ligjor në qoftë se nuk është licencuar nga shteti. Na ka ndodhur në një gjykatë që merren dy mjekë dhe hedhin poshtë të gjitha aktet e ekspertimit me firmë dhe me vulë të njohur nga shteti dhe kjo ishte në dëm të një spitali privat. Do t’i bëjmë edhe inspektimet.

VIDEO/ Autobusi urban merr flakë në Durrës

10:19 Kronika

Vrau bashkëshorten, gjykata lë në burg gardistin

10:02 Kronika

Familja e tifozit që vdiq në stadium: Do ta gjejmë vetë policin që e shtyu!

09:29 Kronika

DOSJA e Prokurorisë: Leonardi hapi derën, Arturi e goditi me thikë

21:34 Kronika

FOTOT/ Ceremonia e lamtumirës për dy pilotët që humbën jetën në Shkodër

19:17 Kronika

Range Rover, BMW X5 - X6, Audi A6 - A8 e Benz Mercedes, sekuestrohen 19 automjete luksoze, 11 të arrestuar

17:36 Kronika

VIDEO/ Sjellja skandaloze e policit, pyet shoferin "si e do gjobën?"

17:24 Kronika

Homazhe për dy pilotët që humbën jetën në Pallatin e Kongreseve

12:32 Kronika

Skandali i Panamasë: Në listë edhe Diveroli, ortaku i “Sypeshkaqenit”

11:52 Kronika

Berisha baltos dy pilotët e vdekur/ Pas mermerit të Kodhelit, i akuzon për trafik droge. Komentuesit e masakrojnë

11:40 Kronika