INVESTIGIMI/ 2 zarfa për një leje ndërtimi në Himarë!

Edhe pse sezoni veror zgjat vetëm 3 muaj, për të marr një leje ndërtimi sezonale duhet t’i bësh mirë llogaritë. Përveç dokumentacionit të plotë, duhet të dorëzosh dhe dy zarfe, një për nëpunësin e drejtorisë së shërbimeve dhe një tjetër për titullarin e Bashkisë Himarë, që firmos lejen e ndërtimit.

Fiks Fare zbardhi sot skemën e marrjes së një leje ndërtimi provizor në plazh nga Bashkia e Himarës në prag të sezonit turistik

Një emigrant shqiptar qe vjen nga Italia për të investuar në Borsh, tregon sesi në Bashkinë e Himarës pervec dokumentacionit, i kërkojnë  të dorëzojë edhe dy zarfe me para. Ai bashkë me bashkëshorten e tij italiane ishin kthyer në Shqipëri për të hapur një biznes sezonal veror në zonën  bregdetare të Borshit.

Jerin Kruja u paraqit fillimisht në Njësinë Administrative të Lukovës, ku në datën 2 mars 2016 dorëzoi një kërkesë për leje ndërtimi sezonal. Në planin e biznesit sezonal përfshihej ndërtimi i një kampingu, i një bari veror, si dhe një kënd lojrash për fëmijë. Pasi nuk mori asnjë përgjigje, ai iu drejtua Bashkisë së Himarës, ku mori vesh se kërkesa e tij e parë për lejen sezonale nuk ishte regjistruar, praktikisht nuk ekzistonte. Ai bën një kërkesë të dytë për leje ndërtimi sezonale në Bashkinë e Himarës.

Pasi dorëzon të gjitha dokumentat e kërkuara nga nëpunësit e Bashkisë së Himarës, Jerin Kruja vendos të filmojë çdo gjë pasi dyshon në afërsinë që tregon me të një inxhinier i drejtorisë së shërbimeve pranë Bashkisë Himarë.

Sokrat Kreku është inxhinieri që i tregon Jerin Krujës për dokumentat që duhet të dorëzojë dhe i thotë të mos shqetësohet se çdo gjë do të rregullohet. Gjithashtu i rekomandon që mund të kthehet në Itali dhe të vijë sërisht pas 20 apo 30 ditësh, kur leja të dalë.

Biseda zhvillohet në zyrën ku ai punon, në drejtorinë e shërbimeve të Bashkisë së Himarës. Inxhinieri Kreku është një nga personat që miraton lejet e ndërtimeve sezonale në zonën e plazhit.

Gjatë bisedës në zyrën e tij, inxhinieri i Bashkisë kur qytetari e pyet se sa janë kostot për këtë leje që ai kërkon të marrë, i përgjigjet se nuk mund t’i japë një shifër të saktë, pasi më parë dueht të bisedojë me zyrtarin që firmos lejen e ndërtimit.

Vetëm pasi të marrë OK nga titullari që do të firmosë lejen, mund t’i thotë se sa shkon pagesa, pasi “mund të ta hedhë firmën tjetri, por ka një kosto”.

Inxhinieri i Bashksië duke parë habinë e emigrantit që vinte nga Italia, i kujton se “Në Shqipëri kështu funksionon”

Ai madje i sjell si shembull edhe rastin e një çifti tjetër emigrantësh po nga Italia, të cilët kishin të njëjtin problem, nxjerrjen e një lejeje provizore ndërtimi.

“Zonja që erdhi nga Italia e kishte parashikuar vetë. Tha këto janë të tuat, këto janë për atë dhe ashtu u bë, as që bëra pazar, asgjë.Qe nga shtatori deri sa mori ate (vendimin e lejes)  vijne një here ne muaj per ate ceshtje dhe mbaroi punë. Dhe dokumentin ja k u e ka, këtë dokumentin që po kërkon ti”, i tregon inxhinieri i drejtroisë së shërbimeve të Bashkisë së Himarës

Pas këtij takimi në zyrën e Bashkisë, biseda me inxhineirin Kreku u la e hapur, ata ranë dakord që do të bisedojnë në telefon për çdo gjë. Dy ditë më pas Jerin Kruja telefonon Sokrat Krekun dhe ky i fundit i thotë se këto biseda nuk bëhen në telefon dhe e fton që të takohen. Gjatë bisedës telefonike, punonjësi i Bashkisë edhe pse ngurron që t’i japë shifrën që duhet të paguajë qytetari për lejen e ndërtimit, i kujton atij edhe një herë se në këtë bisedë nuk është i vetëm dhe pasi të marrë aprovimin, ai do ta lë në dorën e Jerinit çdo gjë…

Disa ditë më vonë, dy zotërinjtë takohen përsëri, por bisedat këtë herë, janë krejt të ndryshme nga hera e parë kur kanë folur. Sokrat Kreku, ashtu siç tregohet dhe në videon e filmuar nga vetë qytetari, mban një qëndrim formal, duke i kërkuar këtij të fundit një sërë dokumentash të tjera për të plotësuar. Ai i thotë se për lejen duhet të presë në muajin maj, kur të merret vendimi. Arsyeja pse nuk po e ndihmojnë është fakti, se këtë bisedë Jerim Kruja e kishte bërë me shumë persona në Borsh. “Të thashë që do të ndihmoja, por kur më merr mua gjithë Borshi, tërhiqem”, e mbyll bisedën punonëjsi i Bashkisë

Qytetari ankohet se kthimi i përgjigjes nëse kërkesa e tij do të miratohet apo jo në mes të muajit maj e pengon për fillimin e investimit, pasi sezoni turistik fillon në atë periudhë dhe investimi është i pamundur të realizohet në kaq pak kohë

Pas ankesës së këtij qytetari, gazetarët e Fiks Fare iu drejtuan Bashkisë së Himarës, kur drejtori i drejtortisë së shërbimeve, z. Arqile Bolloni, sqaron se personi që ka aplikaur për leje ndërtimit, z Jerin Kruja ka mungesa në dokumentacion dhe se nuk ka dorëzuar dokumentin e pronësisë së truallit. Ndërkohë që vartësi i tij, që është njohur me dosjen dhe ka bërë edhe bisedat e mëparshme me qytetaritn, tregon për gazetarët se ky dokument është dorëzuar pranë kësaj drejtorie.

Në  Bashkinë e Himarës deri tani janë bërë kërkesat për 50 leje sezonale shfrytëzimi.

Drejtori i shërbimeve të Bashksië së Himarës tregon se në mes të muajit maj do të dalin përgjigiet për lejet e ndërtimit, ndërkohë që sezoni turistik fillon dhe këtyre bizneseve nuk u jepet mundësi që të fillojnë investimin

Në bisedën e parë  mes Jerin Krujës dhe inxhinierit të Bashkisë së Himarës thuhet:

Inxhinieri: Po tani unë djali, nuk mund t’i them më jep direkt idenë tënde pa marrë ok përfundimtar, se në fund fare firmos kryetari i Bashkisë.

Inxhinieri: Ti jeton në Itali?

Qytetari: Unë jetoj pra në Itali…

Inxhinieri: Ti jeton në Itali, unë kam studiuar dhe jetuar në Greqi.

Qytatari: Unë s’po di ça të bëj… se i kam…

Inxhinieri: Tani, ke punë urgjente në Itali?

Qytetari: Si?

Inxhinieri: Ke punë urgjente në Itali, që të pret urgjentisht?

Qytetari: Po kam punë urgjente , kam…

Inxhinieri: Data është 25 , nuk mund të rrish ti 20 ditë ose një muaj sa të bëhen dokumentat gati të rrish ti c’do ditë të presësh. Po ik o zotëri në Itali, bashkë me familjen tënde mbaro punët e tua që ke. Njëkohsisht komunikojmë nëpërmjet telefonit dhe nga Italia.

Qytetari: Jam mësuar të dij? Sa është, sa s’është. Kështu jam mësuar unë t’i bëj llogaritë plako. Dua të di se edhe unë kam ato…

Inxhinieri: Po nuk bisedova me atë që do të vejë firmën tek ty se sa mund të shkojë, nuk të jap dot. Mund të të jap nga ana ime … kjo për mua x lekë, mbasi ti ke marrë ok-in se sa shkon, se në Shqipëri kështu funksionon .Se mund të ta japë lejen, të ta hedhë firmën tjetri, po ka një kosto.

Qytetari: Me një fjalë duhet të marrë drekën ai tjetri?

Inxhinieri: Ki besim…

Pas dy ditësh qytetari telefon inxhinierin e Bashkisë

Inxhinieri: Jerin, bëj pak durim deri nesër, do të kthej përgjigjë

Qytetari: Kështu me hamëndje nuk e di ti? Nuk e ke parasysh?

Inxhinieri: Jo, jo nuk fliten këto kështu… Mbi të gjitha mund ta lë dhe në dëshirën tende, mbasi të marr ok-in, mos ki merak.

Qytetari: Si me dëshirën time, mbasi të marr ok?

Inxhinieri: Ore mos u shqetëso tani , unë po të them ki durim..

Qytetari: Nuk e kuptova ça do të thotë.

Inxhinieri: Do flasim nga afër…

Të fshehtat e jashtëzakonshme të Laçit

20:18 Sociale

Ekuador, 272 të vdekur nga tërmeti 7.8 ballë

20:16 Sociale

Padoan në FMN: Shqipëria, ngritje e qëndrueshme

20:14 Sociale

Rehabilitimi i lumit të Tiranës, Veliaj: Përfundon në vjeshtë

20:13 Sociale

Rektorati i Tiranës dënon aktin e kërcënimit të kandidatit dhe rekorit aktual të UT

20:10 Sociale

Reporteri shpëton personin që po mbytej

20:07 Sociale

A është ky trafiku më i çmendur në botë?

20:04 Sociale

Ekstremistët Turq sulmojnë ushtarin Amerikan

20:02 Sociale

Zululand/ Paparisto e Muç Nano njëzëri: Nëse do isha në vend të Mynyr Konit do të shkoja në Prokurori, jo në zyrat e politikës

19:52 Sociale

VIDEO/ Titulli kampion, Ja kalendari i Partizanit deri në përballjen direkte me Skëndërbeun

16:29 Sociale