Te fundit
Ndryshojnë rregullat për dietat e punonjësve shtetëror, nuk preken policët
4 Maj 2016, 19:54Sociale
TEMA
Qeveria ka vendosur të ndryshojë ligjin për dietat e punonjësve të administratës shtetërore.
Në bazë të vendimit të ri, punonjësit që do të jenë të detyruar të shkojnë për shërbim gjatë ditëve zyrtare të punës, brenda vendit do të trajtohen financiarisht vetëm për transportin, duke mos përfituar dieta të tjera për një distancë më pak se 50 km larg vendit të punës.
Ndryshimet, megjithatë nuk prekin punonjësit e Policisë së Shtetit, të Gardës së Republikës së Shqipërisë, të Shërbimit për Çështjet e Brendshme dhe Ankesat (SHÇBA), të Shërbimit Informativ Shtetëror, të Agjencisë së Inteligjencës dhe Sigurisë së Mbrojtjes, të njësisë mamografike të lëvizshme, pranë Institutit të Shëndetit Publik, të Forcave të Armatosura të Republikës së Shqipërisë.
Sipas vendimit, trajtimi financiar i punonjësve për përballimin e shpenzimeve të shërbimit bëhet i diferencuar, sipas distancës së shërbimit nga qendra e punës.
Kështu, për shërbime në një largësi deri në 50 km jashtë qendrës së punës, trajtimi financiar i punonjësit përfshin vetëm shpenzimet e transportit, në rastin kur transporti nuk realizohet nga vetë institucioni. Nga ky rregull përjashtohen punonjësit e institucioneve të mësipërme.
Për largësitë mbi 50 km, kur punonjësi kthehet brenda ditës, trajtimi financiar i tij përfshin dietën ditore, në masën 500 (pesëqind) lekë në ditë, si dhe shpenzimet e transportit, në rastin kur transporti nuk realizohet nga vetë institucioni. Përjashtohen nga ky rregull punonjësit që dërgohen për shërbime në një largësi mbi 50 km, jashtë qendrës së punës, dhe që zgjatin mbi tri ditë pune, në bazë të programit të miratuar nga titullari apo zyrtari përgjegjës që autorizon shërbimin, sipas legjislacionit të posaçëm në fuqi.
Për shërbime në një largësi mbi 100 km, jashtë qendrës së punës, trajtimi financiar i punonjësit përfshin:
pesëqind) lekë në ditë, kur shërbimi zgjat më shumë se një ditë.
Për efekt të llogaritjes së dietës, në këtë rast, data e nisjes dhe ajo e kthimit llogariten një ditë e plotë.
Në çdo rast, kur transporti nuk realizohet nga vetë institucioni, shpenzimet e transportit do të njihen kundrejt dokumentit tatimor përkatës, por jo më shumë se tarifa përkatëse, sipas distancës kilometrike të linjës, e miratuar në vendimin nr.146, datë 26.2.1998, të Këshillit të Ministrave, “Për tarifat e transportit të udhëtarëve”, të ndryshuar.”.
2 komente në “Ndryshojnë rregullat për dietat e punonjësve shtetëror, nuk preken policët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kshu si paska nisur, do ta bejme me kontribut vullnetar punen jashte rrethi. Ose qeverism vetem shqiprine e mesme, krahinat me largesi mbi 50km ti shpallim me autonomi te gjere
Sa mire qe kursejne para nga dietat!!
Tani po qe spo u japin me asnje arsye per te punuar, se boll rrogat qe i kane beter, po per 500 leke kush shkon me sherbim. I bi me mire me lyp.
Tani ne do permiresohet administrata rritua rrogat qe te punojne me shume, mos numero qindarka kot. Po per me pak se 50 km do shkojne vet ne kembe?
Po pse per kaq para mbeti shteti?