Te fundit
Të përbuzësh Shqipërinë për një copë tokë!
31 Maj 2016, 21:05Blog
TEMA
Nga Baton Haxhiu
Nuk ka nevojë të ndërtohet një sulm për Vetëvendosjen dhe Shpend Ahmetin, duke e përbuzur Shqipërinë për një copë tokë.
E lexova me kujdes deklaratën e LDK-së, por edhe heshtjen e PDK-së, pas bojkotimit të këtyre dy partive që i kanë bërë sot seancës së Kuvendit Komunal të Prishtinës, ku pritej të diskutohej për ndarjen e një parcele për ndërtimin e Ambasadës së Shqipërisë në Kosovë.
Duhet të jesh shumë i paditur, i pacipë, i kotë dhe dashakeq të shkruash diçka të tillë. Edhe më keq, të jesh në një vend që s’e meriton.
Deklarata e shpërndarë në media kishte një qëndrim të pakuptimtë, të ashpër, duke e goditur Vetëvendosjen dhe Shpend Ahmetin. Kritiken e kishte adresuar në media dhe konkretisht aludonte në një dështim të Kryetarit të Prishtinës, duke gjetur arsye ndërrimin e parcelës në Lakërishtë të dedikuar për LDK-në me një vendim që ishte marrë në vitin 2007, në tokë për Ambasadën e Shqipërisë.
Fleta poseduese e parcelës, ndërkaq, nuk është bartur në emër të LDK-së. Ajo qëndron ende në pronësi të Komunës së Prishtinës.
Vetëm katër ditë kanë mbetur para mbledhjes së përbashkët të dy Qeverive, asaj të Kosovës dhe të Shqipërisë.
Asamblistët e Komunës së Prishtinës që vijnë nga LDK dhe PDK gjejnë arsye banale për ta sulmuar Shpendin, duke e poshtëruar Shqipërinë. Sikur nuk ka pasur asnjë temë tjetër për ta kritikuar dhe për të biseduar për hallet e qytetarëve.
E kanë gjetur si mollë sherri Shqipërinë!
Nëse shikohet prapavija e kësaj historie, për kaq vite sa është dhënë parcela në Lakërishtë, ndërtesa e LDK-së është dashur të ndërtohet dhjetë herë deri më tash. Përfaqësuesit e LDK-së më kohë kishin deklaruar se nuk kanë para për të ndërtuar një projekt dedikuar partisë. Edhe pse, për dhjetë vjet, gjatë okupimit, kanë blerë dy ndërtesa dhe një shtëpi me taksat e shqiptarëve të Kosovës.
Brenda një viti, me deklarimet e tij, koalicioni LDK-PDK, në Komunën e Prishtinës, ka përdorur të gjitha mjetet për ta ndërtuar një bllokim ndaj Kryetarit të Prishtinës. Kjo mund të konsiderohet betejë politike brenda interesave dhe hakmarrjes edhe për humbjen e Isa Mustafës.
Arriti të godasë shumë VV dhe Shpend Ahmetin për faktin se e quajti të papërgjegjshëm dhe jo profesional. Atë që profesionistët e këtij profesioni, politikës, e quajnë humbje të etikës profesionale në emër të interesave partiake.
Deri këtu mund të quhet në rregull, sepse Shpendi duhet ta gjejë mënyrën për t’u mbrojtur.
Nuk dua që të flas për modelet ndikuese në lobim dhe bllokim, edhe pse këto koncepte janë të varura nga personat dhe interesat konkrete.
Do mundohem ta shpjegoj shkeljen e rëndë morale që ka bërë LDK me deklaratën e sotme për media, si dhe PDK me heshtjen dhe bojkotimin e saj.
Ka futur në sherr truallin dedikuar Shqipërisë për Ambasadë, kundër Shpend Ahmetit dhe Vetëvendosjes.
Kush ishte kontribuues i ndërtimit të këtij koncepti dhe të një situate, gati të pakthyeshme, në marrëdhëniet Shqipëri-Kosovë: Situatë turpi për të gjithë asamblistët që s’kanë pikë dinjiteti në betejën e brendshme politike.
Duke lexuar deklaratën e LDK-së, ku brenda saj është edhe PDK me heshtjen dhe bojkotin e saj, tejet i befasuar, po mundohem ta bëj një sqarim për dy Kryetarët, Isa Mustafën dhe Kadri Veselin.
Para luftës, gjatë okupimit, Kosova ka pasur selinë e Ambasadës në Tiranë. Ka përdorur gjithë infrastrukturën e saj politike dhe diplomatike. Kosovës iu hapen mundësitë për të përfituar nga ndihma direkte e Shqipërisë. LDK ka pasur fatin të jetë e ndihmuar konkretisht në rregullimin ligjor dhe asistencën materiale e profesionale në Shqipëri, në Tiranë.
Shqipëria mori për detyrë jo vetëm të rikonstruktonte gjithçka që vinte nga Kosova, por edhe të krijonte prej fillimit organizmat qe kishin për të marrë përsipër shpërndarjen – mbikëqyrjen e një koncepti politik të shpërndarë nëpër botë.
Tirana mendoi që mënyra e tillë e ndihmës do të krijonte një ndihmesë për Kosovën.
Kosova trashëgoi një ndihmë të pakrahasueshme dhe përdori truallin shqiptar për luftë çlirimtare.
Çka mund të bëjë një vend vëllazëror për një popullatë të shtypur, kur të gjithë ishin kundër dhe Serbia ishte me kthetra mbi ne?
Pas gjithë kësaj, Shqipëria doli e para, pas shpalljes së pavarësisë, t’ia falte Kosovës Ambasadën në qendër të Tiranës. Vlera e saj mund të jetë më shumë se 5 milionë euro. Mos të flasim për lobimet e shumta që Shqipëria ka bërë për Kosovën.
Na del një grup i turpshëm asamblistësh që po mbron Prishtinën dhe një copë tokë të saj nga Shqipëria. Aq më keq, që këtë truall e përdorin për ta sulmuar Vetëvendosjen dhe Shpend Ahmetin. Nuk ka nevojë të ndërtohet një sulm për Vetëvendosjen dhe Shpend Ahmetin, duke e përbuzur Shqipërinë për një copë tokë.
Ju s’jeni as për qytetin, as për ne, as për Kosovën dhe as për shqiptarët. Ju, thjesht, jeni të mjerë. Me ju, qyteti nuk duhet të vazhdojë, sepse s’keni as kod normal komunikimi, as dijeni dhe as moral.
Ju guxoni të fusni në sherr Shqipërinë për një copë toke.
Ju, asamblistë, duhet ta dini se nuk është fjala për një copë tokë, sepse ajo copë toke sado e vogël të jetë, është një ndjenjë për Shqipërinë dhe për shqiptarët. As këtë nuk dini ta dalloni.
Ikni nga aty ku jeni. Ju s’meritoni, nëse nuk e kuptoni se sa të ndjeshme janë këto situata.
Ikni, se na turpëruat.
7 komente në “Të përbuzësh Shqipërinë për një copë tokë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Baton.Ne shqiptarët e të dy krahëve duhet të shkojmë drejt një itegrimi të plotë në të gjitha fushat , pavarësisht nga emrat e dy shteteve .Praktikisht ne duhet të barazojmë poltikat ekonomike , energjitike , shkollat, kulturën, politikën e mbrojtjes, të sigurisë , transportet, doganat, politikën e jashtëme, përgatitjen e profesionistëve , de fakto , pra ne duhet të bëjmë shkrirjen graduale pa zhurmë , me zgjuarsi , ndoshta pa dhënë edhe informacion ..Ndoshta nuk duhet shumë demokraci në këtë proçes por veprim konkret .Kështu që ambasadat ndoshta do të mbeten formale.
Si Shqiptar me duhet te them se eshte per te ardhur keq. S’kam cfare te shtoj me shum. Artikulli flet shum drejte.
Pak here ne keto vitet e fundit kam lexuar artikull me te mire, te mbrujtur me ndjenjen e atdhedashurise, me te fisme, dhe te mbareshtruar me nje mori fakte te pakontestueshme. Ata qe s’e dine se pa Shqiperinë, kurre s’do te kishte shqiptare ne Kosove, e aq me pak nje Kosove te lire, jane kombmohuesit e bukëpëshkalët me te medhenj te kombi tone, dhe argatet me te peshtire Serbise, dhe jo vetem! Me pikellim e dhembjen me te madhe po e shikoj kete cudi: si ore, nuk po iu vie turp ketyre bukeshkaleve nga cetniket e Beogradit, te cilët me bombardimet 78 diteshe te NATO-s u perzunë nga Kosova, kurse sot, gure s’po lene pa levizur per t’u instaluar serish ne Kosoven tone martire! O bukeshkale, ju placin syte e ballit, juve, “patrioteve partiake”! Ne vend se ta ruani Kosoven prej Serbise qe po e grabite Veriun tone, ju jeni rrekur ta prisni degën ku eshte i ulur i tere kombi shqiptar! Shqipëria ne varferine e vete te skajshme (per kushtet Evropiane), pak vite me pare, na strehoi 800.000, njerez, kurse ju pafytyresisht po grindeni per nje pellembe toke per Nënën Shqiperi!
Mjere per Kosoven tone se kush i perfaqeson!
Te lumtë, Baton!
Ju lumtë, Vetevendosje!
Ne Kosove thone:
“Mos mbetesh qe te qaje Rahoveci”.
Nje tjeter thote:
“Po qane me lote krokodili”.
Te dya keto thenje i pershtaten z. Baton Haxhiu.
Batoni dy here e permendi kohen e paraluftes, po ne ate kohe Batoni aranzhonte takime te UDB-asheve serbe me Mahmut Bakallin.
Pra Batoni per ate kohe nuk guxon fare te flase.
Nese dikush ka te drejte te analizoje ceshtjen e trollit dhe pronat ne Komunen e Prishtines jane te tjeret, me se paku Batoni.
Thike me teha, e cila helmon, po perdore perfidi Baton, mundohet qe permes kritikave ta qet Shqiperine ne nje sprove te rende!!!!!
Nese duhet te akuzohet dikush se eshte kunder Shqiperise atehere ai eshte “zogu i zi”, i cili fluturonte nga Prishtina per Beograd sa here qe i merrte malli UDB-asht per te.
Fare nuk eshte e vertete ajo qe aludon Batoni. Per LDK-ne nuk flas sepse nuk i kam njohur, nuk i njoh, por as qe do t’i njoh ndonjehere, po flas per PDK-ne me bindje te thelle se ata te gjithe, ama te gjithe e duan Shqiperine shume me shume sesa Batoni. Pra dokrra jane keto qe thone zerat grindavece.
Kryetari i Prishtines, se bashku me kete tipit…. paftyresin e kane ta madhe (ne fuqin e 10-te ) ne raport me patriotizmin e tyre per Shqiperine dhe shqiptarine.
Ju ne Tirane keta lloje i quani legena. Ju mjaftojne legenat e juaj te Tirones, mos importoni edhe legena jashte kufinjeve te Shqiperise londineze.
Baton,mos u merzit.Lidhja eshte ne rrenje,eshte ne gjak.Sa vjet kaluam te ”shkeputur” por nuk harruam.Leri politikanet sepse ne e pergjithesi jane nje ”specie shoqerore”ne degjenerim.
Faleminderit i nderuar Baton Haxhiu per kete shkrim me vlera patriotike. Rrofshin SHQIPTARET kudo jetojne dhe punojne. Rrofte SHQIPERIA heroike.