Te fundit
Sulmi në Gjermani, 3 shqiptarë mes viktimave
23 Korrik 2016, 09:04Kronika
TEMA
3 shqiptare janë mes viktimave të sulmit terrorist të ndërmarrë ditën e premte në një qendër tregtare në Mynih të Gjermanisë.
Ata janë , Dijamant Zabergja, Sabin Sula dhe Armela Segashi. Që të dyja vajzat shqiptare nuk arritën t’u mbijetojnë plagëve të marra nga çmenduria e ndërmarrë, sipas autoriteteve gjermane, nga një i ri iranian, teksa për të riun nga Kosova ka lajmëtuar familja e tij se ka vdekur pa zbardhur rrethanat.
Sipas policisë gjermane, autori është një 18-vjeçar iranian, i cili jetonte në Mynih, ndërsa motivet e ngjarjes ende janë të paqarta. Trupi i pajetë i autorit është gjetur rreth 1 kilometër larg vendit të ngjarjes. Mediat raportojnë se ai ishte vetëvrarë me një plumb në kokë.
Një operacion i gjërë i policisë nisi menjëherë pas njoftimeve se sulmi në qendrën tregtare “Olympia-Einkaufszentrum” ishte kryer nga tre persona, por më vonë policia gjermane tha se autori kishte vepruar i vetëm.
Të shtënat nisën në restorantin “McDonald” që ndodhet në qendrën tregtare. Një tjetër zëdhënës i policisë së Mynihut e ka përshkruar incidentin si “një sulm të mundshëm terrorist”, teksa fliste për një radio gjermane.
Pas sulmit, sistemi i transportit në kryeqytetin bavarez u pezullua, ndërsa stacioni qendror hekurudhor u evakuuar. Disa orë më vonë transporti publik u rihap sërish. Me mijëra persona mbetën të bllokuar pas gjendjes së emergjencës duke mos pasur mundësi të rikthehen në shtëpitë e tyre u është ofruar strehim nga banorët vendës.
Presidenti amerikan Barack Obama ka folur shkurtimisht për ngjarjen në Gjermani, e më pas ofroi ngushëllimet e tij për viktimat e mundshëm si dhe u angazhua për mbështetje ndaj Gjermanisë, në atë që ai e përshkroi si një prej aleatëve më të afërt të Amerikës./TCH
1 komente në “Sulmi në Gjermani, 3 shqiptarë mes viktimave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gazetari eshte kjo qe beni ju? I merrni shkrimet ashtu siç jane nga faqe te tjera te internetit dhe i afishoni ketu. Ne kete rast keni perdorur nje shkrim nga analfabetet funksionale te Top Cannel-it. Ata jane aq injorante sa qe nuk e dine qe McDonald nuk eshte restorant. Por jane po aq injorante qe kosovaret i emeron si shqiptare. Nuk jane shqiptare ore shpellare te gazetarise! Shkruani ashtu siç eshte e verteta. Nga emrat e permendur me siper nuk dallohet dot qe te jene dy femra. Nga ta kuptojne ne qe jane dy femra?
Redaktoni shkrimet perpara se ti afishoni!