Te fundit
Është biznes, jo patriotizëm
20 Gusht 2016, 19:52Blog
TEMA
Nga Enkel Demi
Është e vërtetë që kur vinte pasditja, diku nga ora 17.00 radiot e Shkodrës dhe jo vetëm, gjëmonin nga një program që titullohej “Pozdravi”. Po kështu, në Tiranë kishte njerëz që njihnin këngët e Bijelo Dugme, madje një këngë shqip “Rroke mandolinën…” me tekst të Agron Berishës e kishin për zemër. Është po kaq e vërtetë që në fundjavë djemtë dhe vajzat e Tiranës e shkonin natën e thellë me një program të Radio Prishtinës, i cili titullohej “Për të pagjumët e natës”. Është e vërtetë që kur niste diku në drekë “Hit parade” tek Radio Rai njerëzit linin çdo punë. Dëgjonin grupin “Minatori” me të njëjtën endje që dëgjonin AC DC, shpiknin lajme për “Gjurmët” dhe mbanin flokët si Zdravko Çoliç. I eksitonte Lepa Brena, kurse kur përcollën nga “dyshi i jugosllavit” “Tangon e fundit në Paris” mbetën të tronditur nuk dihet për sa kohë. Kështu kanë jetuar disa breza të tërë në izolimin komunist, më pervers të Europës. Janë djegur të ardhme, janë shuar ëndërra dhe natyrisht është përvëluar patriotizmi me një sistem vlerash që nga një anë diktohej prej Revolucionit Kulturor Kinez, nga ana tjetër prej cektësisë e të qënit me një hap me kohën, atje ku koha kishte ndalur dhe ishte bërë kënetë, gjiriz.
Kjo është arsyeja që kur Goran Bregoviç erdhi në Tiranë Sali Berisha e lejoi nëpërmjet TV Klan, Edi Rama i dha çelësin e qytetit dhe salla e Pallatit u mbush ding. Qe plot me nostalgjikë të një breznie që tentoi të ndiqte të renë nëpërmjet radios dhe kabujve të antenave, të cilat fërkoheshin me letër varak që mbështillnin çokollatat.
Ishin të njëjtët nostalgjikë që donin të dilnin në foto me Zdravkon në Hotel Tirana dhe bënin autorironi në rrjete sociale. Ishin të njëjtët nostalgjikë që lanë zërin tek këndonin me Migjenin në të njëjtin Pallat këngët e Gjurmëve. Është breznia e varakut, e cila tash ka ecur para, ka kuptuar se cila është bota e vërtetë, ka bërë më shumë prapësi, por është bërë patriotike shumë më tepër se dikur. Një pjesë të kësaj breznie e gjeje në Francë, tek ndiqnin Kombëtaren dhe mbanin bluzat e Sadikut, Canës, Ajetit, Hysës, Xhakës pa pyetur ku kishin lindur ata. Ishin këta të pacipë që shanin me libër shtëpie Shaqirin dhe Berhamin që qenë në anën e zvicerianëve. Por, po të njëjtët që i duatrokitën në fund çunat e Zvicrrës dhe pinë birra me tifozët helvetë.
Sepse, futbolli tek e fundit është emocion, dalldi, por jo patriotizëm. Është biznes. Të gjithë e kuptojmë që Shaqiri nuk do të luajë me Kosovën kurrë, sepse nuk ka ndër mend të lërë miliona euro sponsorë që ka në Zvicërr. Si ai as Taulanti e plot të tjerë dhe bëjnë shumë mirë. Januzaj nuk kishte si të vishej kuq’ e zi, kur e peshonte gjithë Premier League. Baba e tij e dinte që ishte biznes. Sot, mund të shkojë me Kosovën, sepse nuk rrezikon gjë. Po kështu edhe Graniti mund të ikë po të dojë se nga Shqipëria në Kosovë, kurrgjë nuk ndërron. Gjyshja thoshte: “m…, njëra “k… tjetra”. Por, plot të tjerë nuk do vijnë as në Shqipëri, as në Kosovë, sepse janë ndërmjetësit që i drejtojnë. Menaxherë i quan bota sportive. Kështu që Bunjaki nuk po bën patriotin, por thjesht sipërmarrësin, ashtu si dhe ne do të shkojmë në stadium në Shkodër të shohim, kur të luajë Kosova me bluza kuq’ e zi, sepse jemi shqiptarë, ani se kemi një Kombëtare dhe një Përfaqësuese.
Edhe Bushati, Berat, ka qenë në plazh me peshqir të Crvena Zvezdës, sepse i përket të njëjtës brezni që më pas bëri prapësi të mëdha. Edhe unë dikur kisha simpati për Partizanin e Beogradit, se luante Fadil Vokrri, pa e ditur që tifozët e kësaj skuadre ishin shkuar legenave, por falë Zotit Fadili iku shpejt në Francë dhe më pas në Turqi. Kështu ka qenë edhe atëherë, thjesht biznes.
9 komente në “Është biznes, jo patriotizëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shume I skate deri ne te g jitha detajet.
Nje gje kuptova – qe gjyshen e Ke te zgjuar por pak NGA poshte te cpuar
O Enkel
me mire mos shkruaj
me gojen si bythe
hic fare mos luaj!
Bojn mire me ardh . Pse Rakitic zgjodhi Kroacine?
Boll ma me te qenit skllav i parase dhe padronit!
Te gjithe kta futbollista qe permende s’kan me nevoje per para !
Enkel,e mban veten per mendje ndritur dhe na tregon prralla qe iu ka ikur koha.Biznesin te gjithe e kuptojme,por kur behet fjale per ta renditur Shqiperine dhe Kosoven ne eliten e futbollit europian apo atij boteror,eshte pikerisht ndjenja e te qenurit shqiptar qe te shtyn te kontribuosh,sic ndodhi ne europianin e sivjetshem.Me pelqen traineri italian De Biazi qe me sqimen e tij jep shembullin e vet se si luftohet per te arritur suksesin e madh. Merr shembullin e tij pastaj shkruaj tek Mero.
Ti mos vidh opinionet e komenteve tona o enkel,se keto i kemi thene ne komente!
Pse nuk thua qe populli shqiptar është një popull injorant, nuk ndegjon asnjë popull tjetër në botë një muzikë të një populli tjetër pos shqiptari (përjashtim hitet që arrin shkallën botëror) dhe atë muzikë që historikisht është vrasës i shqiptarëve jo vetëm në Kosovë dhe është muzika e atij populli qe urren deri në çmenduri popullin shqiptar pa kursim ju te Shqipërisë.
Nuk merret asnjë vend tjetër me futbollistët që do luajnë apo jo për vendin e prejardhjes pos shqiptari.
Donald Trump ka lindur në Amerikë por prindërit i ka gjerman të lindur në Gjermani të emigruar në Amerikë POR ASNJË GJERMAN NUK E QUAN GJERMAN.
Pra shkurt të thuash z. Enkel Demi POPULLI SHQIPTAR ËSHTË INJORANT QE PËRBUZ DHE URREN VETVETEN DHE SHPRESON QË POPUJT TJER TË JEN BUDALLENJ SI NË.
Futbolli eshte biznes deri tek njefare kufiri, ke te drejte. por per çeshtjen ne fjale, kur diskutojme perfaqsimin e nje kombi jane politikanet ata qe mbajne pergjegjsi per perçarjen dhe jo bashkimin e tij
Mire atehere se ishte koha ishim te izoluar dhe per hir te se vertetes Cervena Zvezda apo Hajduku i Splitit luanin nje futboll klasi europian sa per muziken kur nje dicka e ke te ndaluar ne Shtepine tende do ta kerkosh diku perjasht Shtepise tek fqinji pershembull ashtu ishte ajo kohe por me e keqja eshte sot me kete ndryshim te Shqiperise ka akoma trupeshq qe ndigjojn muzike greke ku eshte ndryshimi midis asaj apo Pozdravit dikur eshte po i njeti armik si grek si serb