Te fundit
I jepte makinës më 150 km në orë, arrestohet shoferi pasi tentoi të korruptonte policin
26 Shtator 2016, 18:55Kronika
TEMA
Një 31-vjeçar është vënë në pranga nga policia në Lushnje pasi i ka ofruar ryshfet punonjësit të policisë rrugore pasi u konstatua të lëvizte me 150 km në orë.
Sipas policisë, shtetasi i arrestuar është Anastas Gallani, banues në lagjen “1 Maji” të Fierit.
Njoftimi i policisë:
Më datën 26.09.2016, në aksin rrugor Lushnjë-Rrogozhinë, shtetasi Anastas Gallani, duke udhëtuar me mjetin tip “Volsëagen”, me targë AA 033 IB, është konstatuar nga Policia Rrugore Lushnje se po lëviste me shpejtësi tej normave të lejuara, 150 km/h.
Në momentin që punonjësi i policisë po përpilonte gjobën, është afruar drejtuesi i mjetit, shtetasi Anastas Gallani dhe i ofron 2000 lekë punonjësit të policisë së qarkullimit rrugor për ta falur për shkeljen e bërë.
Punonjësi i Policisë së Qarkullimit Rrugor ka bërë kapjen në flagrancë dhe shoqërimin e tij në Komisariat.
Materialet do i kalojnë Prokurorisë pranë Gjykatës së Shkallës së Parë Lushnje për veprën penale “Korrupsion aktiv i personave që ushtrojnë funksione publike” parashikuar nga Neni 244 i Kodit Penal.
Lini një Përgjigje
Më të lexuarat
24 oret e fundit
Javen e fundit
Blog Tema
