FOTOT/ Bashkia vë dorë edhe tek "Myslym Shyri"

Një tjetër lagje e Tiranës ka nisur të rikualifikohet. Blloku i pallateve dhe shtëpive private mes “Rrugës së Kavajës” dhe Rrugës “Myslym Shyri” po marrin dita-ditës një pamje të re urbane. Kryetari i Bashkisë së Tiranë, Erion Veliaj, i cili inspektoi punën e nisur prej pak javësh për rikualifikimin urban të zonës, vuri theksin te 50 kantieret e hapura në të gjithë qytetin dhe angazhimi i bashkisë për t’iu përgjigjur qytetarëve me investime.

“Kjo është një nga zonat model të Tiranës kur vjen puna te pagesa e taksave dhe korrektesën e treguar ndaj bashkisë. Pas shumë viteve erdhi koha që bashkia t’i kthejë investimin dhe t’i tregojë qytetarëve se me këtë rikualifikim i shtojmë vlerën çdo banese. Mjafton të shikosh rreth e qark e të kuptosh që këtu ka nevojë për dorë kudo, në fasada, trotuare, këndet e lodrave dhe në infrastrukturën e parkimit”, tha ai. Veliaj shtoi se bashkia po punon maksimalisht për të garantuar kushte sa më të mira, edhe pse është e vështirë të zhbëhet gjithçka që nuk është bërë si duhet në këto 25 vjet. Por, ai garantoi se përfundimi i punimeve në këtë bllok, si edhe në 50 kantieret ku po punohet aktualisht, garanton standardet e duhura për një jetesë normale.

“Këtu jemi në 1 nga 50 kantieret që kemi hapur në Tiranë, ndaj u kërkoj qytetarëve mirëkuptim, teksa po punojmë në 38 segmentet mes “Myslym Shyrit” dhe “Rrugës së Kavajës”. Megjithatë i garantoj që, siç ka ndodhur në çdo lagje tjetër, kur projekti të ketë përfunduar, do të jetë si dita me natën me situatën që kemi pasur këtu”, deklaroi ai. Kryebashkiaku tha se bashkia po punon hap pas hapi për të mos dëmtuar punët e kryera më parë, të cilat janë jo vetëm kosto financiare shtesë, por edhe shtim problematikash për qytetarët. Për këtë, ai theksoi se në fillim po punohet për shtrirjen e rrjetit të ujësjellësit, ujërave të zeza, telefoni, ndriçim, dhe më pas do të kalohet me infrastrukturën në sipërfaqe.

“Mbaj mend se si ka qenë kjo lagje 1 vit më parë kur ishim në fushatë. Ndoshta nuk i zhbëjmë dot të gjitha çudirat shqiptare që janë bërë në 25 vitet e fundit me ndërtimet pa leje, megjithatë më vjen mirë që për herë të parë po respektojmë rendin e gjërave; fillimisht punojmë me nëntokën, që mos të shqepet menjëherë sapo të jetë mbaruar investimi për kanalizimet e ujërave të zeza dhe ujërave të shiut, për kanalizimet e ujësjellësit dhe tubacionet e ujit, që pastaj kur të mbarojë edhe puna në sipërfaqe të mos i kthehemi më, por të vazhdojmë me problemet e tjera të zonës”, u shpreh Veliaj. Ai garantoi se bashkia do të marrë në konsideratë të gjitha propozimet e banorëve, por kërkon bashkëpunimin e tyre për të respektuar hapësirat publike, të cilat rrisin vlerën e zonës dhe shtëpive të tyre.

“Është mirë që të tërhiqen vetë nëse kanë bërë shtesa pa leje, në të kundërt do të ndërhyjë bashkia. Kemi pasur modele në gjithë Tiranën ku qytetarët janë treguar shumë bashkëpunues, e kanë kuptuar që 25 vitet e rumpallës morën fund dhe nuk mund të vazhdosh më që, në

kurriz të ambientit publik, të shohësh vetëm interesin tënd vetjak. Kjo do të thotë më shumë mirëkuptim, më shumë tolerancë për tjetrin, më shumë bashkëpunim me investimet e bashkisë”, deklaroi Veliaj. Kryebashkiaku tha se bashkia po punon në çdo lagje të Tiranës me synimin për të garantuar një qytet më të mirë nesër.

Përveç rikualifikimit urban të këtij blloku banesash, Veliaj shtoi se në njësinë 7 do të ndërtohet edhe një shkollë e re. “Do të fillojmë ndërtimin e disa shkollave të reja, duke qenë se mësimi me dy turne është kthyer në problem. Tani që kemi sistemuar çerdhet dhe kopshtet, ka ardhur radha e shkollave. Nëse vazhdojmë me këtë frymë, pra investime në infrastrukturë, por edhe në kulturë, me një mentalitet të ri, do kemi Tiranën e ëndrrave tona”, u shpreh ai.

Rikualifikimi urban i bllokut të kufizuar nga rrugët “Muhamet Gjollesha”, “Myslym Shyri”, “Rruga e Kavajës” parashikon ndërtimin e sistemit të rrjetit të ujësjellës-kanalizimeve, rikonstruktimin e rrugëve dhe të trotuareve për këmbësorët, por edhe vendosjen e sinjalistikës rrugore horizontale dhe vertikale. Bashkia do të mundësojë infrastrukturën e duhur edhe për lëvizjen e personave me aftësi të kufizuar apo edhe karrocat e fëmijëve. Pjesë e projektit që shtrihet në një hapësirë rreth 12 ha është edhe krijimi i gjelbërimit të nevojshëm, duke vendosur shkurre, pemë dekorative apo edhe lulishte.

VIDEO/ A do t'i besonit një politikaneje, të cilës nuk ia keni parë kurrë fytyrën?

20:46 Sociale

Hakmarrja e natyrës, skenat apokaliptike të tajfunit "Megi"

20:17 Sociale

VIDEO/ Tronditëse: Tentojnë ta shtypin me makinë, policët vrasin një të pastrehë të sëmurë mendërisht

20:41 Sociale

Investimet e huaja, Greqia në vend të parë Hollanda në të dytin

19:28 Sociale

Ekonomi: Turizimi malor, potencial për frekuentim gjithë vitin

19:27 Sociale

Protesta / Qytetarët para Kryeministrisë, votë kundër importit të plehrave

19:26 Sociale

Asambleja e PS, Rama: Rritje pagash dhe pensionesh

19:24 Sociale

Kristi Pinderi i zhgënjyer nga Rama për martesat gay, kërkon legalizimin e prostitucionit

19:24 Sociale

FOTO LAJM/ Edi Rama proteston kundër ligjit të mbetjeve

18:40 Sociale

FOTOT/ Rama “mahnitet” nga ndryshimi i Fierit

18:27 Sociale