Te fundit
Debate në komision për marrëveshjen e CEZ, Spaho i PD: Je torollak. Shalsi: Ik ore mashtrues
12 Tetor 2016, 19:48Politika
TEMA
Nuk ka kaluar në qetësi mbledhja e sotme e Komisionit Parlamentar për hetimin abuzimeve me energjinë elektrike të kompanisë çeke me qeverinë shqiptare të kohës së Berishës.
Deputetët Edmond Spaho dhe Eduard Shalsi, përkatësisht të PD dhe të PS u përfshinë në debate të ashpra gjatë mbledhjes së komisionit hetimor për marrëveshjen e CEZ-it.
Deputeti socialist, njëherësh nënkryetar i këtij komisioni, Eduard Shalsi kërkoi llogari nga Edmond Spaho i PD, i cili është kryetar, se pse nuk e mblodhi komisionin prej më shumë se 1 muaji, që nga nisja e sesionit të ri parlamentar.
Ndërkohë që deputeti demokrat Spaho iu drejtua Shalsit se po sillet si torollak dhe se i gjithmonë i bën pis mbledhjet, ndërsa Shalsi iu përgjigj duke e quajtur mashtrues.
Debatet në komision:
Eduard Shalsi: Komisioni nuk është mbledhur 1 muaj rresht për çështjet e tua personale. 1 muaj rresht asnjë mbledhje. Bëre një mbledhje pa kuorum javën e kaluar.
Edmond Spaho: Gjithmonë i ke bërë pis mbledhjet. Je torollak.
Eduard Shalsi: Ik ore mashtrues. Mos e banalizo muhabetin. Do që të shpalosim fjalorin tani?
Edmond Spaho: Ta mbyllim mbledhjen?
Eduard Shalsi: Ç’është kjo mbledhje ordinere? E përmende 7 herë që ka qenë Shalsi, ka qenë Shalsi, në një kohë kur për një muaj rresht nuk e mblodhe komisionin për çështje personale.
Edmond Spaho: Atëherë ik nga kjo sallë.
Eduard Shalsi: Mblodhe komisionin pa kuorum. Si mund ta mbledhësh komisionin pa kuorum?
Florion Mimia: Z.Kryetar a ka mundësi të vijojmë mbledhjen?
Gent Strazimiri: A ka mundësi (i drejtohet Vasilika Hysit) t’i thuash atij që ke në krah, që thotë se plehrat nuk janë mbledhje, të pushojë dhe të dëgjojmë kryetarin? E të vijojmë mbledhjen. Për të, plehrat nuk janë mbetje…
Shalsi: Aty e ke hallin ti…vazhdo.
Edmond Spaho: Ndërpresim mbledhjen e komisionit.
Lini një Përgjigje
Më të lexuarat
24 oret e fundit
Javen e fundit
Blog Tema
