5001 Arsye

Intervistë me drejtorin e ŠKODA-s në Shqipëri Z. Bledar Kozma.

Kozma: Kohët e fundit ju keni filluar një fushatë e cila synon heqjen nga qarkullimi të makinave të vjetra? Si funksionon dhe si është pritur ky komunikim?

Për herë të parë në Shqipëri, në Tetor 2016 marka ŠKODA filloi komunikimin e fushatës ‘5001 Arsye’ ku ne në Porsche Albania vlerësonim makinat e përdorura të klientëve tanë (të cilët do të zgjidhnin modelin Yeti) fiks 5,000 Euro. Qëllimi primar i fushatës është përcjellja në treg të filozofisë ŠKODA ku mjedisi luan një rol shumë të rëndësishëm.

Mekanizmi është shumë i thjeshtë. Çdo klient që interesohej për një nga ŠKODA Yeti-t që ne kishim në gjendje, nëse sillte makinën e vjetër (të çdo moshe, çdo marke dhe çdo gjendjeje) përfitonte 5,000 Euro zbritje në çmimin e makinës së re. Makina e vjetër çregjistrohej dhe shkonte për riciklim në një nga pikat e autorizuara në vend.

Formula është aplikuar shumë në vende të tjera Europiane, me ndryshimin e vetëm që bonusi për heqjen e makinës së vjetër vinte nga vetë qeveria, dhe ne e prisnim që ky komunikim të kishte jehonë në treg, por rezultati shkoi edhe përtej skenarit tonë më optimist.

Pas rreth 4 javësh komunikim, ne kemi marrë mbi 430 telefonata, 30,464 vizitorë në faqen www.skoda.al ku është botuar lajmi i ofertës, 218,600 lexime të lajmit në profilin tonë në facebook, 132  biseda në panairin e makinave “Autosallon 2016” dhe shumë e shumë vizita në sallon.

Shumë klientë përfituan nga oferta dhe sollën makinat e tyre. Në grupin e parë ne kishim 24 ŠKODA Yeti, 2.0 TDI 4×4,  të cilat u rezervuan shpejt pas fillimit të komunikimit.

Ju përmendët, që në vendet e tjera Europiane, iniciativat për kalimin nga makina e vjetër në atë të re ofrohen nga vetë qeveria. E në fakt vetëm para pak ditësh, u njoftua në media për nismën e qeverisë Shqiptare për të nxitur shitjen e makinave të reja duke hequr nga qarkullimi makinat e vjetra. Buxheti i njoftuar për këtë projekt kapte shifrën 15 milion Euro. Si e shihni këtë nisëm? A mendoni se është ndikuar nga komunikimi i juaj?

Nismat pozitive vlen të përgëzohen edhe kur mund të jenë pak të vonuara. E kemi ndjekur me vëmendje lajmin për nxitjen që mendohet ti bëhet tregut të makinave të reja dhe eleminimin e makinave të vjetra, por deri më sot nuk kemi shumë detaje për modalitetet e suportit të qeverisë.

Përsa i përket pjesës së dytë të pyetjes, nëse komunikimi që ne kemi patur ka ndikuar në këtë nisëm, mund vetëm të them që koha e njoftimit përkon me komunikimin që ne kemi patur dhe në Porsche Albania na pëlqen të mendojmë se kemi ndikuar sadopak në këtë nisëm.

Ju bëtë një përmbledhje të reagimit që tregu ka patur ndaj fushatës tuaj. Përveç entuziastëve, a ka patur skeptik për këtë ofertë?

Po. Si çdo nisëm e parë, mungesa e informacionit dhe referencave të mëparshme ka nxitur skeptikët të vinin në dyshim përfitimet reale të ofertës.

Për fat të mirë, personat e parë që u interesuan ishin ata që kishin kohë që mendonin të zgjidhnin ŠKODA Yetin, dhe kishin një ofertë financiare nga ne. Në momentin e parë ata na kontaktuan dhe morën ofertën e re (nëse sillnin makinë e përdorur tek ne). Llogaritjet e mëtejshme ishin të thjeshta.

Gjithashtu shumë klientë zgjodhën të analizonin ofertën duke e krahasuar atë me ofertën nga websitet zyrtare ŠKODA kudo në Europë. Me ofertën tonë ata konfiguronin një makinë të njëjtë dhe më pas krahasonin çmimet.

Përse zgjodhët pikërisht modelin Yeti?

ŠKODA Yeti është një ndër modelet kryesore të markës tonë dhe përgjatë viteve edhe modeli më i shitur nga ŠKODA në Shqipëri. Në segmentin e SUV kompakte, Yeti renditet i pari në vend dhe kërkesa për të ka qenë konstante. Falë bashkëpunimit të ngushtë me fabrikën në Çeki, ne arritëm të siguronim një përfitim të prekshëm për klientët tanë për këtë model.

ŠKODA padyshim zë një pjesë të rëndësishme të tregut të makinave të reja në vend. Si pritet pozicionimi i markës në fund të këtij viti?

Viti ende nuk është mbyllur por projeksionet për këto dy muaj të fundit duket se do vazhdojnë prirjen e viteteve të fundit duke e renditur ŠKODA-s si markën më të shitur në tregun e makinave të reja në vend.

Me mbi 17% pjesë tregu, padyshim që ŠKODA vazhdon të kryesojë renditjen në treg. Falë besimit që klientët tanë kanë tek marka dhe performacës së shkëlqyer të makinave në rrugët Shqiptare, zgjedhja e ŠKODA-s vazhdon të jetë ‘Simply Clever’.

Tregjet financiare tronditen, dollari ne renie te lire

07:48 Sociale

Trump duket se do te jete presidenti i ardhshem i SHBA. Ndiqni rezultatet LIVE

08:14 Sociale

Mustafa Nano në Zululand: Olsi ma jep mua emrin tënd, të të jap timin

20:54 Sociale

Ndotet Bovilla, një pjesë e Tiranës pa ujë të pijshëm

20:39 Sociale

FOTO LAJM/ Shkodra nën ujë, Voltana hedh valle… në Londër

20:21 Sociale

VIDEO/Forcat e Armatosura shpëtojnë një familje në fshatin Luz në Fushë-Krujë

19:00 Sociale

FOTOT/ Beteja me “tërbimin e natyrës”: 24 orë të tjera të vështira

18:54 Sociale

Bashkim Fino i sëmurë, Qeveria mbulon një pjesë të shpenzimeve të kurimit të tij

16:28 Sociale

VIDEO/ Debat mes Bumçit dhe Bregut në Bruksel për hapjen e negociatave, Aldo largohet i nervozuar. Më herët u zu me eurodeputetët

15:57 Sociale

FOTO/ Vendi përmbytet, Bujar Nishani...

15:44 Sociale