Pesë kompani shqiptare janë bashkuar në një konsorcium për të ndërtuar një park fotovoltaik ku do të prodhohet energji nga era në zonën e Devollit përkatësisht në fushën e Maliqit.

Kompanitë GAMMA SOLAR”, “ALFA ENERGY”, “BETA ENERGY”, “DELTA SOLAR” dhe “SOLARIS”kanë shprehur interesin dhe kane paraqitur aplikimin në Ministrinë e Industrisë dhe Energjetikës për ndërtimin e parkut të energjisë më erë që pritet të prodhojë 50 MW energji elektrike.

Këto lloj investimesh që nuk janë koncensionare kalojnë një procedurë miratimi të veçantë që rregullohet me një vendim të posaçëm të Këshillit të Ministrave, raporton Monitor.

Dy kërkesa të ngjashme janë bëre me herët këtë vit për ndërtimin e parqeve energjetike në Vlorë në dhe Himarë.

Përpjekjet e mëparshme për të investuar në ndërtimin e burimeve të reja energjetike nga era kanë dështuar për shkak të kontestimeve që ato kanë pasur për ndikimin në mjedis.

Në vitin 2011,Moncada ishte një tjetër projekt në fushën e energjisë së rinovueshme, nga era, i cili ka mbetur vetëm në letër. I projektuar për të qenë si shoqëria më e madhe e prodhimit të energjisë nga era në Europë, projekti synoi ndërtimin e centraleve të erës në Karaburun dhe në Llogora, me një vlerë gati 800 milionë euro investime. Gjithashtu në projekt ishte parashikuar edhe ndërtimi i linjës së transmetimit të energjisë në Itali. Ndikimi në mjedis dhe mungesa e mjeteve financiare kanë qenë faktorët kryesorë që çuan projektin drejt shuarjes.

Por teksa Ministria e Energjetikës ka futur në proces aplikimin e tretë për ndërtimin e kapaciteteve të prodhimit të energjisë nga era nuk ka finalizuar ende asnjë nga këto investime.

2 komente në “Pesë kompani bashkohen për ndërtimin e parkut 50 MW që do prodhojë energji nga era në Devoll”

argar says:

1 Dhjetor, 2016 12:05 te 12:05 pm

Dhe park fotovoltaik (nga dielli) dhe prodhim energjie era nuk shkon (shiko paragrafin e pare.)

I keni qejf ti ngatarroni pak gjerat.

Përgjigjjuni
Fredi says:

1 Dhjetor, 2016 16:34 te 4:34 pm

Nese eshte Park Fotovoltaik, atehere eshte per energjine e diellit dhe jo te eres.

Nese eshte park per te shkrytezuar energjine e eres, quhet park EOLIK!!!!!!

Comprende????

Përgjigjjuni