PROFIL/ Kush është sekretari i ri i Shtetit amerikan, i "infiltruari" i Putin

Trump ka zgjedhur më në fund sekretarin e ri të Shtetit: ai është Rex Tillerson.

Miliarderi amerikan e nisi si një inxhinier në Exxon-Mobil dhe pas një karriere të suksesshme u bë president i kompanisë. Tani do të duhet të lërë këtë detyrë në kompaninë e përhapur në 50 shtete, për të mbuluar postin e sekretarit të Shtetit duke zëvendësuar John Kerryn. Një rol që do ta shëtisë në mbarë botën dhe do të duhet të ruajë marrëdhëniet e mira me një sërë shtetesh si dhe të promovojë interesat e SHBA-së në botë.

Një punë shumë e vështirë, por Tillerson mund të jetë i avantazhuar nga fakti se ka një eksperiencë disavjeçare falë kontakteve në botën e financës dhe industrisë. Megjithëse nuk ka një maturi politike, ai ka një eksperiencë si negociator falë marrëveshjeve që e kanë çuar në çdo cep të botës.

“Shkathtësia e tij si dhe njohja e gjeopolitikës e bëjnë një zgjedhje të shkëlqyer për sekretarin e Shtetit. Ai do të punojë në favor të stabilitetit rajonal dhe do të përqendrohet në interesat e sigurisë kombëtare të Amerikës”, thuhet në njoftimin e publikuar nga zyra e Trump.

Për zgjedhjen e Tillerson ndikoi shumë James Baker, ish shefi i stafit të presidentit Regan dhe sekretari i Bushit të parë. Emërimi i Tillerson,, që duhet konfirmuar nga Senati, rrezikon të hapë një betejë në Kongres për shkak të lidhjeve të tij me Putin.

Sipas mediave amerikane ka zëra se duan ta sabotojnë emërimin e tij.

Tillerson ka pasur marrëdhënie biznesi dhe miqësore me Putin dhe ka mbajtur një pozicion të prerë kundër sanksioneve vendosur Rusisë.

Pavarësisht se Putin dhe Trump simpatizojnë njërit-tjetrin, raportet mes dy vendeve ngelen të tendosura. CIA deklaroi s eRusia kishte ndërhyrë në zgjedhjet amerikane ndërkohë që Trump tha se “janë akuza qesharake nga njerëz që thanë se Saddam Hussein kishte armë të shkatërrimit në masë”.

Tillerson ka firmosur qindra marrëveshje ndërkombëtare si shef i Exxon-Mobil, por ato që hapin më shumë diskutime janë ato që ka firmosur me Rusinë e Putin.

Më e fundit është një marrëveshje e tij me Putin në 2011, më saktë me Rosneft, kompaninë naftënxjerrëse ruse. Sipas Uashington Post,  pas firmosjes së marrëveshjes Tillerson festoi me havjar dhe shampanjë në Manhattan me mikun e Putin, Igor Sechin.

Më vonë mori “Urdhrin e Miqësisë”, titulli më i lartë rus dhënë për shtetas të huaj.

Rusia e ka mirëpritur emërimin e Tillerson me një deklaratë zyrtare. “Mirëpresim vendimin për emërimin e Tillerson si sekretar të Shtetit në kabinetin Trump. Jemi gati të punojmë me çdo partner të interesuar për të zhvilluar marrëdhënie pa kushte me Rusinë”, tha nga Beogradi ministri i Jashtëm rus Lavrov.

“Qoftë Trump, qoftë Tillerson, nuk janë shprehur kundër përmirësimit të marrëdhënieve mes Amerikës dhe Rusisë. Janë njerëz pragmatistë dhe besojmë se ky pragmatizëm do të jetë një themel i mirë për bashkëpunimin mes dy vendeve”, shtoi Lavrov. / Il Giornale

Përgatiti Amarildo Lumani, TemA

http://www.ilgiornale.it/news/mondo/trump-ha-scelto-segretario-stato-petroliere-tillerson-1342115.html

FOTOT/ Kasaphana e “Ndëshkuesit” shkon në nivel rekord: Nuk mund të më ndalni! (Pamje të rënda)

15:20 Bota

VIDEO/ Pamje rrënqethëse: Një grua që digjet dhe të vdekur të shtrirë mbi gjakun e tyre në Aleppo

14:40 Bota

Një rival i ri për Putin!

14:35 Bota

FOTOT/ Masakër në Aleppo nga Siria dhe Rusia: “Fëmijët po digjen të gjallë!”

14:04 Bota

VIDEO/ Snajperë, bomba dhe robotë: Beteja e egër kundër ISIS

12:34 Bota

Putin nuk do ta takojë Trump-in para inaugurimit

12:18 Bota

Të gjithë njerëzit e Vladimir Putin në "Shtëpinë e Bardhë"

10:18 Bota

Numër rekord i gazetarëve të burgosur, Turqia mban vendin e parë

09:59 Bota

Senati heton “ndërhyrjen e Rusisë” në mbështetje të Trump-it

09:56 Bota

Itali, kryeministri i ri prezanton kabinetin qeveritar: Ja kush janë ministrat e rinj

20:50 Bota