Te fundit
FOTOT/ Të gjithë "qajnë" Aleppon, por drama e madhe po ndodh këtu
19 Dhjetor 2016, 13:20Bota
TEMA
Konflikti në Siri ka tronditur mbarë botën dhe të gjithë shtiren sikur u vjen keq, por askush nuk ndërhyn.
Ndërkohë që në Aleppo janë përqendruar gjithë sytë e botës, një tjetër dramë e madhe ndodh në Sudan.
Përplasja e ushtrisë me rebelët ka sjellë mijëra viktima.
7- vjeçarja Nyajima akoma e kujton kohën kur ushtarët erdhën në fshatin e saj. Luftimet po afroheshin çdo ditë.
“Shumë njerëz në fshatin tonë janë vrarë,” thotë ajo. Ushtarët na e vodhën të gjithë ushqimin duke mos na lënë asgjë përveç enëve. Kështu, i morëm ato dhe u nisëm drejt Kampit për Mbrojtjen e Civilëve (POC).” Ky kamp drejtohet nga paqeruajtësit e OKB-së UNMISS. “Ishte një rrugëtim i gjatë. Një natë fjetëm në rrugë. Fustani që po mbaj veshur është i vetmi që më ka mbetur,” tregon ajo.
Nyajim është vetëm një ndër mijëra fëmijët që janë zhvendosur për shkak të luftës së vazhdueshme në Sudanin Jugor.
Një raport i kohëve të fundi i UNICEF-it vlerëson se numri i tyre shkon në 900 mijë fëmijë,që kur ka shpërthyer konflikti në vitin 2013 midis forcave besnike të presidentit Salva Kiir dhe atyre që mbështesin ish-presidentit Riek Machar, shkruan Tesheshi.
Fëmijët janë viktimat kryesore të këtij konflikti. Raportohet se 17 mijë prej tyre janë rekrutuar nga forcat e armatosura dhe grupet e armatosura, të cilët kërkojnë ushtarë fëmijë për të ushqyer konfliktin. Gjithashtu, 14 mijë të tjerë rezultojnë të zhdukur apo pa njeri dhe mbi 2 mijë të tjerë janë vrarë apo gjymtuar gjatë kësaj periudhe.
Kuptojeni me gjuhën e fotove realitetin e atjeshëm:
Lini një Përgjigje
Më të lexuarat
24 oret e fundit
Javen e fundit
Blog Tema
