Nga aministia përfiton edhe... i dënuari me burg përjetë

Admir Tafili, i dënuar me burgim të përjetshëm dhe aktualisht i pandehur në një proces gjyqësor ku akuzohet për porositjen e vrasjeve me pagesë nga burgu, përfiton nga amnistia.

Gjykata për Krimet e Rënda vendosi dje të pushojë një nga akuzat që rëndonin mbi Tafilin, në zbatim të ligjit “Për dhënie amnistie”, i cili hyri në fuqi katër ditë më parë. Akuza, nga e cila “u zhvesh” i pandehuri, është ajo e “vetëgjyqësisë”. “Gjykata pranon pjesërisht kërkesën e Tafilit për pushimin e procedimit penal të nisur ndaj tij për akuzën e ‘vetëgjyqësisë’, kryer në bashkëpunim”, është shprehur Gjykata me vendim të ndërmjetëm. Po dje, Gjykata ka pranuar edhe kërkesën për pushim të çështjes gjyqësore për dy prej të pandehurve të së njëjtës dosje.

Të pandehurit Besnik Daci dhe Kalem Hykaj akuzoheshin në këtë proces vetëm për veprën penale të “vetëgjyqësisë”, vepër që i përkiste kategorisë së veprave, të cilat amnistoheshin nga amnistia e miratuar në fund të dhjetorit të vitit të kaluar.

Sipas “Panorama”, Tafili do të vijojë të jetë pjesë e gjykimit të nisur ndaj tij te Krimet e Rënda, për shkak të akuzave të tjera që rëndojnë mbi të, si ajo e “krijimit të grupit të strukturuar  kriminal”. Sipas Prokurorisë për Krimet e Rënda, Tafili ishte pjesë e një grupi kriminal të angazhuar në vrasje me pagesë.

Seanca e djeshme gjyqësore në ngarkim të të akuzuarve të kësaj dosjeje u zhvillua me dyer të mbyllura për publikun, bazuar në një vendimmarrje të ndërmjetme të Gjykatës në seancën e parafundit. Shkak i mbylljes së dyerve ishte faza e procesit, ku do të merrej në pyetje i pandehuri Kristi Pine, i cili është bashkëpunëtor dhe i penduar i drejtësisë.

Pas vendimit të ndërmjetëm në lidhje me pushimin e akuzës për tre të pandehurit Tafili, Daci dhe Hykaj për shkak të amnistisë, seanca nuk u zhvillua normalisht prej mungesës së njërit prej avokatëve mbrojtës. Seanca e radhës, ku pritet të dëgjohen edhe thëniet e të penduarit Pine, do të zhvillohet më 30 janar.

82 apo 92 viktima?

09:10 Kronika

Tërhiqet Adriatik Llalla, pezullon emërimin e zv.prokurorit të Përgjithshëm pas presioneve të mazhorancës

09:12 Kronika

Atentat në Shkodër, plagoset me armë zjarri 26-vjeçari

17:58 Kronika

Burri e rrihte sistematikisht, ajo e falte. Por këtë herë…

16:07 Kronika

Spekullimi i 'La Repubblica' mbi terrorizmin në Shqipëri, ministri Tahiri kërkon përgënjeshtrim: Dizinformim dhe gënjeshtër, të dhënat zyrtare thonë të kundërtën

11:30 Kronika

Heqja e mandatit/ Gjyqtarët që kanë në dorë fatin e Selamit e Tahirit

10:07 Kronika

VIDEO/ Shqiptari bën "heroin" në Athinë, por sa nuk humbet jetën

20:52 Kronika

AKSIDENTI/ Flasin familjaret e viktimes: Harri Lena ishte në shtëpinë tonë dhe pagoi shpenzimet e varrimit. E falenderojmë, tani të vihet drejtësia!

18:14 Kronika

Ekzekutim mafioz në Vlorë, ja kush është viktima

18:55 Kronika

Si dështoi votimi elektronik më 2013. Kush u pagua nën dorë nga njerëzit e Berishës?

17:51 Kronika