Te fundit
Skandali dhe mjerimi i konviktit në Shkodër: Fëmijët hanë fasule çdo ditë, flenë me ‘bomba’ në dhoma
26 Janar 2017, 20:46Sociale
TEMA
Nxënësit e Shkollës së Mesme Profesionale “Arben Broci” në Shkodër hanë fasule përditë. Skandali u zbulua gjatë një investigimi nga emisioni “Fiks Fare”. Gazetarët vëzhguan disa ditë konviktin e kësaj shkolle, ku fëmijët vuanin nga i ftohti dhe ngroheshin me bombola gazi, duke rrezikuar jetën.
Në konvikt mungonte uji, ndërsa problemi kryesor ishte ushqimi. Ushqimi kryesor në menynë javore ishte fasulja, e cila iu servirej çdo ditë fëmijëve.
“Bomba” në dhomat e nxënësve
Ekipi i “Fiks Fare” konstatoi se, kushtet e konviktit të Shkollës së Mesme Profesionale “Arben Broci” ishin të vështira. Disa nxënës u ankuan për mungesën e ngrohjes. Në çdo dhomë kishte bombola gazi, ndërsa nxënësit thonë se kanë shumë ftohtë dhe se bombolat i kanë shumë frikë.
Nga ana tjetër, magazinieri thotë se ka të tjera bombola gazi në magazinë, që janë shumë të rrezikshme. Një nga nxënësit i kërkon magazinierit një bombol, por ai i thotë se nuk ka kokë për të dhe nuk ka ku ta marrë.
“Fiksi” filmoi dhjetëra dhoma të nxënësve, teksa në secilën prej tyre kishte nga një “bombë”. Gazetarët intervistuan drejtorin e Shkollës së Mesme Profesionale, i cili iu tha se nuk iu ka ngelur gjë tjetër, veçse të presin nga momenti në moment që këto “bomba” të shpërthejnë.
“Nuk kemi mënyrë tjetër ngrohjeje”, thotë ai.
“Përditë hamë fasule dhe pimë çaj”
Krahas problemit të ngrohjes, nxënësit e Shkollës së Mesme Profesionale “Arben Broci” ankohen edhe për ushqimin skandaloz që serviret në konvikt. Ata thonë se iu japin përditë vetëm fasule.
“Hamë përditë fasule. Kemi ndonjëherë makarona dhe në mëngjes kemi çaj e djathë”, thonë ata, ndërsa shtojnë se fasulet nuk iu janë hequr përgjatë të gjithë vitit.
Nisur edhe nga kjo meny, gazetarët e “Fiks Fare” pyetën kuzhinieren e konviktit, së cilës i thanë se përse duhet që fëmijët të hanë vetëm fasule. Ajo thotë se këto i sjellin.
“Këto më sjellin, këto u gatuaj”, shprehet ajo. Kamera e “Fiks Fare” filmoi edhe drekën e nxënësve. Ata hanë fasule, ndërsa në tavolinë të binin në sy edhe gotat e kauçukut.
Gazetarët shkuan në konvikt edhe ditën tjetër. Fëmijët kishin përsëri çaj me djathë në mëngjes dhe fasule në drekë. “Fiksi” pyeti kuzhinieren, por ajo u thotë që kanë edhe ëmbëlsira e fruta.
“Sot qëlloi që nuk kishim”, shprehet ajo, ndërsa nxënësit kanë edhe ankesa të tjera, se kuzhinierja iu merr ushqimin.
5 komente në “Skandali dhe mjerimi i konviktit në Shkodër: Fëmijët hanë fasule çdo ditë, flenë me ‘bomba’ në dhoma”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Katastrofe! Vetem ne vendet e nivelit te dyte ndodhin keto gjera! Deri kur do te vazhdohet keshtu!?!? SOS!!
Ne jemi ne nivelin e trete.
Korrakistan, Rama dan ,Dhi te zgjebosura.
Hane fasule dhe pine çaj! Po ushtaret çfare hane çdo dite? Po ne familjet e vrafera shqiptare çfare hane çdo dite? Po te tjeret çfare hane çdo dite perveç atyre qe kane vilat ne Lalez e Golem? Po pse behi idiota, fasulja eshte ushqimi me i mire dhe numuri nje i shqiptarit. Si mund te iket nga tradita apo se ca filluan te prishin familjet dhe u kthyen ne burdellista dhe duhet te mos hame fasule? Duhet ti prishim te gjitha tradita e rregullat qe i kemi pase per te mira? E po s’keni se ç’te beni me dhe tani merreni me fasulet e pordhet se ashtu jeni gatuar dhe vete.
Dhe mos e beso pastaj se lindita nikolla eshte ministrja me e suksesme e qeverise,mendo si Jane ministrat e tjere.