Te fundit
Guido Guidi: Kam gabuar, por nuk jam kriminel
4 Shkurt 2017, 11:38Kronika
TEMA
Guido Guidi, piloti italian i drogës ka folur për të përditshmen italiane “Corriere della Sera”.
Ai thotë se thjesht duhet të vëzhgonte një pistë që ndoshta do të përdorej për drogën, por nuk është kriminel.
“Doni të dini për Ishmin? Kisha fluturuar dhe më parë në Shqipëri. Në Vlorë.
Njoha disa persona, dy shqiptarë në veçanti, murator me objektivin që të bënin para lehtësisht dhe më kishin kërkuar të fluturoja mbi breg dhe të hidhja një sy për ndonjë pistë uljeje, të merrja ngarkesën e drogës dhe të rinisesha.
Gabova. Jam penduar. Por ku rje mësuar me një jetesë të mirë, dhe të mos i mungojë asgjë familjes, dhe gjendesh më pas me një mal me fatura, është e vështirë ta pranosh.
Përkundrazi, nuk e pranon. E kupton?”, thotë piloti 69-vjeçar për gazetarin e “Corriere”
Teksa gazetari këmbëngul se në atë zonë nuk ka pista dhe se priste narkotrafikantët të ngarkonin drogës, Guidi e mohon:
“E gabuar. Droga nuk u gjet. Policia e kërkoi për dy ditë. Ju thashë duhet të shikoja për një pistë. Kishte baltë, nuk arrita të ulem dhe u përplasa”.
Por gazetari vazhdon të këmbëngulë: Kjo nuk do të thotë që skenari mund të ketë qënë ndryshe nga sa thoni. Ji i sinqertë, Guido.
“Nuk kam punë me trafikantët. Po bëjmë shaka? Dy fëmijët e mi janë të terrorizuar… rrezikoj të mos i shoh më kurrë nipërit e mi… ju lutem… trafikantët… Jam kundër drogës. Ose më mirë, hashashi të legalizohet: Shqipëria e prodhon në mënyrë kriminale. E legalizojmë dhe kështu dëmtojmë trafikantët”, është përgjigjur piloti italian.
1 komente në “Guido Guidi: Kam gabuar, por nuk jam kriminel”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lexoni gjithe artikullin per te kuptuar se si eshte trajtuar ky zotni nga autoritetet tona!!Nuk eshte arrestuar por eshte lene ne nje hotel luksoz e levizte i lire.. per disa muaj.. per verifikim..e me ne fund eshte shoqeruar per ne Itali….edhe pse kuptohet qarte per cfar kish ardhur ne Shqiperi!!Kujt ja mbushi xhepin??