Te fundit
“Opozita është e pashpresë dhe nuk ka vënë mend. Gjuha e fortë e Donald Lu ndaj Llallës, s’është personale, por është gjuha e SHBA”
13 Shkurt 2017, 10:11Politika
TEMA
Kreu i FRD, Bamir Topi, shprehet se po negociohet me Partinë Socialiste në funksion të koalicionit për zgjedhjet e 2017-s.
Argumenti kryesor për këtë vendim është zgjerimi i bazës politike të tij për reformat jetike.
I pyetur për gjendjen e opozitës, Topi shprehet:
“Opozita parlamentare është në një rrugëtim pa surpriza. Unë prej kohësh e kam parashikuar trajektoren e saj.
Për fatin e keq të saj opozita aktuale është një institucion që nuk ka nxjerrë mësime nga mënyra si ka bërë politikë me institucionet e shtetit në vitet e qeverisjes së saj.
Është në të njëjtin shtrat të pa ajrosur ku ambiguiteti në mendime dhe sidomos në vendimmarrje, sipas meje nuk jep shpresë për çlirim nga “prangat” e frymës totalitare që mbizotëron në sjelljen e saj”, thotë ish-presidenti për gazetën Mapo.
Ndërkohë, i pyetur për përplasjen Lu-Llalla, Topi thotë se Donald Lu flet në emër të SHBA, jo të tijin personal:
“Nuk mund të interpretoj notat personale të debatit. Për sa unë njoh politikën dhe shtetin kam bindjen se në mënyrën e sjelljes së përfaqësuesve të partnerit tonë kryesor SHBA, asgjë nuk vjen me nota personale.
Është në kulturën politike të atij vendi të madh funksionimi me gjuhë institucionale dhe të fortë e të drejtpërdrejtë.
Miqtë tanë e kanë deklaruar qartë se kanë vendosmërinë të bëjnë Reformën në Drejtësi shpejt, fort dhe pa mëdyshje. Edhe bindja ime është që kjo reformë nuk do të mund të ndalet dhe për asnjë arsye”.
2 komente në ““Opozita është e pashpresë dhe nuk ka vënë mend. Gjuha e fortë e Donald Lu ndaj Llallës, s’është personale, por është gjuha e SHBA””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bamir, o ish president me votat e te djathteve…dhe krushk me bosat e te majtes!!!
Nuk besoj se do votohesh, kur te futesh ne koalicion me Ramen! Te jesh i sigurt.
Po ti vetem politikan nuk ke qene kurre dhe harram vota, qe te kam dhene dikur, kur kandidonje perballe Mrika Kodhelit (Vata)…
Do dalesh deputet? Ne listen e PS, apo ne listen e partise tende? Nuk do marresh vota aq sa duhen, kete e ke te sigurt, sepse te djathtet nuk te votojne me. As vende pune mos u premto atyre, se ti fatin e Skender Gjinushit, Spartak Ngjeles dhe Milos se PDS do kesh.
Mire thone, budallaj budalla ngelet tere jeten!
Ne te miren e vendit,do te ishte me e mire dhe e llogjikeshme,ne krye te opozites djathe duhet te jete partia e Bamir Topit FRD-ja,si parti e moderuar.Kurse pd-ke eshte parti fashiste e cila nuk ka qene kurre per te miren e shqiperise,por vetem per destabilizimin e saj,shkaterrimin e saj.Kur kjo parti eshte e till,per çfare i duhet popullit,dhe per çfare duhet t’a votoi?