Te fundit
Ditari i Megi Pjeshkës në çadër: Sot promovuam himin e çadrës
25 Shkurt 2017, 19:01Antena
TEMA
Dita e sotme në çadër ishte pak e zymtë.
Në fakt filloi qysh dje në mbrëmje. Kur Luli u kthye, ishte penduar për deklaratat e paradites.
Donte të kërkonte ndjesë, por unë e ndalova.
-Nuk ke si kërkon ndjesë, i thashë. Ne tani kemi krijuar organizatën që do zbatojë planin e aksionit për veprime guerrile.
-Jo jo, e tepërova, tha. Duhet të kërkoj në një farë mënyrë ndjesë, se janë mërzitur njerëzit.
Nuk e lejuam.
Por sot na doli nga hundët.
E filloi ditën duke kërkuar ndjesë.
Sapo na njoftuan që kanë mbërritur naftëtarët e Zharrëzës, u nisëm për atje. Luli para, ne pas tij.
U afruam tek Ministria. Grupi jonë u shpërnda për të shpuar ndonjë gomë makine, kurse Luli u nis drejt naftëtarëve.
Ne po prisnim që ata të shpërthenin në duartrokitje, kur dëgjuam thirrjet “Uli gishtat”, “S’ke punë këtu” “Shko në çadrën tënde”…
U bëra shenjë grupit të mos vepronin.
Po ndiqnim situatën. Luli mori megafonin dhe filloi të flasë.
-Të nderuar zotërinj naftëtarë. U kërkoj ndjesë ne emër të PD dhe pushtetit të saj, për vuajtjet që u kemi shkaktuar. Kam ardhur këtu t’u kërkoj ndjesë dhe jo të përdor protestën tuaj.
-Shko mor në çadër se s’ta kemi ngenë, i tha një nga protestuesit që rrinte ulur në karrocë.
-T’ia shpojmë rrotën e karrocës, më tha një nga qunat e Laqit.
-Jo jo, i thashë, se nuk ka kamardare ajo, nuk shpohet.
Luli u bë keq. I mërzitur siç ishte, na bëri shenjë të ktheheshim në çadër.
Ju afrova dhe i thashë “ngrije kokën. Mos u mërzit. Ajo që ndodhi ndodhi. Ne do vazhdjmë betejën”.
-Ke të drejtë, më tha.
– Kemi bërë himnin e çadrës, i thashë. Ke qejf ta dëgjosh?
-Patjetër tha, ma lexo.
Himni i çadrës:
O ç’janë kto dallgë, qe po i bjen era
po vjen Lul Basha, o me skiftera.
o Edi Rama dil tek dera
Tek derë e Kryeministrisë
Të njohësh bijtë e Lirisë
O Ed Ram, o pjesë e krimit
si njeh djemat e Kurbinit
Të pastër, si uji burimit
Refreni
O shqipo hallall e paçi.
Ju erdhi fati nga Laçi
Se nuk jena quna koti
nga ne mbahet krejt Miloti
ne nuk rrisim dhi e dele
bëjmë resorte dhe motele
se jena çuna të dalë
tanë Europën kemi parë
me dollape e me sirtare
ne nuk jemi komunista
jemi skifterë dhe mallista
po për lirinë s’durojme
për Lirine e Shqipërisë
Kush s’ka qenë njëherë në burg
nuk ja di vleren Lirisë
O shqipo hallall e paçi.
Ju erdhi fati nga Laçi
3 komente në “Ditari i Megi Pjeshkës në çadër: Sot promovuam himin e çadrës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ua paska bere ai Doc i Docerve Agim leshi se ai ben nga keto bejtet patriotike. Kur duan te bejne dhe djemte e Kurbinit si cuna persembari pse shapet dheu me mire.I shiten me nene e motra u qine dhe ne bythe pe rpara.Njerez pa din e iman .Me keta do behet shqiperia.Me keta mos u befte kurre
Ditari , qe po zhvillon , I dashur Mero , eshte pjesa me e bukur e Antenes . . Ky humor . Kjo proze e rrjedhshme si uje kurbini ( burimi ) , nuk e gjen ne te tera krijimet aktuale humoristike , te marra se bashku . T’u lumte dora dhe mendja ! Edhe “Fiksi ” , qe mbahet , per record humori dhe investigimi , eshte disi me inferior , per indin humoristik , qe trajton .Nuk e di kur do te jete ajo kohe , qe kritika twe vleresoi sipas merites , kete rubrike te Meros . Zgalem
Çadra (Estrada) ne ekran.