Te fundit
Kontrolli i figurës, ja pse bojkoti i PD shpëton gjyqtarët e inkriminuar
3 Mars 2017, 09:17Politika
TEMA
Përpos verifikimit të ligjshmërisë së pasurive, kontrolli i figurës do të jetë testi i dytë i rëndësishëm, i cili do të përcaktojnë fatin e rreth 800 gjyqtarëve dhe prokurorëve, nëse janë të përshtatshëm për të shërbyer në sistemin e ri të drejtësisë.
Por nëse verifikimi i ligjshmërisë së pasurive kryhet nga ILDKP, në mënyrë të pavarur nga organet e Vetingut, për kontrollin e figurës, ligji përcakton si autoritet përgjegjës institucionet e Vetingut. Në këtë kuadër, bojkoti i Parlamentit nga Partia Demokratike, i cili pritet të djegë afatin e 6 marsit për nisjen e procedurave për ngritjen e organeve të Vetingut, mund të sabotojë kontrollin e figurës së gjyqtarëve dhe prokurorëve për lidhje të papërshtatshme me krimin, duke e futur procesin në një hulli paligjshmërie dhe afatesh të tejkaluara.
Po cili është raporti mes organeve të Vetingut me procesin e kontrollit të figurës? Me këmbënguljen e demokratëve, pika 1 e nenit 36 e ligjit të Vetingut, parashikon që institucionet e rivlerësimit në bashkëpunim me Drejtorinë e Sigurisë së Informacionit të Klasifikuar janë autoriteti përgjegjës për kontrollin e figurës.
Burime të pakonfirmuara thanë për Shqiptarja.com se, DSIK ka nisur procedurat me skanimin dhe kontrollin e formularëve të gjyqtarëve dhe prokurorëve. Kjo drejtori, brenda 60 ditëve nga konstituimi i grupit të punës me përfaqësues të SHISH dhe SHKB, duhet të përfundojë verifikimin e gjyqtarëve dhe prokurorëve, duke përgatitur një raport për gjithsecilin, nëse ka apo jo kontakte të papërshtatshme me krimin.
Plani i sabotimit
Katër janë pasojat e drejtpërdrejta të bllokimi të organeve të Vetingut nga opozita në procesin e kontrollit të figurës. Së pari, nisja procesit të kontrollit të figurës pa u ngritur organet e Vetingut, si institucione përgjegjëse të parashikuara në ligj, mund të përdoret si alibi nga opozita dhe gjyqtarët, për ta kundërshtuar procesin. Së dyti, ligji përfshin edhe institucionet e Vetingut, të cilët për llogari të kontrollit, kanë të drejtë të komunikojë me shtetet e tjera për të marrë informacionin e nevojshëm për personat e përfshirë në krimin e organizuar ose për personat e dyshuar si të përfshirë në krimin e organizuar për qëllim të këtij ligji. Kjo kompetencë nuk mund të ushtrohet për sa kohë institucionet e Vetingut nuk ekzistojnë.
Së treti, kapitulli për kontrollin e figurës përcakton disa afate. Ligji parashikon që, grupi i punës, brenda 60 ditëve nga konstituimi, kryen procesin e verifikimit. Por, DSIK mund t’i kërkojë komisionit të Vetingut zgjatjen e fatit me 30, në kushtet kur komisioni nuk është ngritur nga Parlamenti. Nëse Kuvendi nuk ka ngritur institucionet e Vetingut, DSIK nuk mund të kërkojë zgjatjen e afatit të verifikimit dhe për pasojë procesi mund të dëmtohet. Së katërti, brenda 100 ditëve, Drejtoria e Sigurisë së Informacionit të Klasifikuar, pas përgatitjes nga grupi i punës të dokumentit/raportit, ia paraqet atë komisionit të Vetingut. Por që ky afat të respektohet, duhet që Kuvendi të ngrejë komisionin e Vetingut.
Kushtëzimi
Pavarësisht presionit të Bashkimit Evropian dhe të opinionit publik, Partia Demokratike ka deklaruar se nuk do të votojë ngritjen e organeve të Vetingut, pa largimin e qeverisë “Rama”. Po ashtu, opozita shqiptare ka kërkuar që çështja e Reformës në Drejtësi duhet të trajtohet paralelisht me domosdoshmërinë e garantimit të zgjedhjeve të lira dhe të ndershme. Sipas opozitës, nuk mund të ketë Veting, me një qeveri, të cilën PD e quan të kapur nga krimi. Përfaqësuesit e opozitës kanë paralajmëruar se Vetingu do të votohet vetëm pas rrëzimit të Republikës së Vjetër dhe ngritjes së Republikës së Re.
4 arsyet
1. Institucionet e Vetingut, sipas ligjit, në bashkëpunim me DSIK janë përgjegjës për kontrollin e figurës.
2. Institucionet e Vetingut ka të drejtë të komunikojë me shtetet e tjera për të marrë informacionin e nevojshëm për të kaluarën e prokurorëve dhe gjyqtarëve.
3. Institucionet e Vetingut i japin leje DSIK të zgjasë afatin e verifikimit të gjyqtarëve dhe prokurorëve.
4- Pas 100 ditësh, institucionet e Vetingut duhet të administrojnë raportet e DSIK për kontrollin e figurës së gjyqtarëve dhe prokurorëve.
2 komente në “Kontrolli i figurës, ja pse bojkoti i PD shpëton gjyqtarët e inkriminuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ashtu sic jane te punesuar, njerezit neper firma private dhe institucione shtetrore edhe deputetet jane te punesuar ne parlament me voten e popullit dhe per te bere me te miren per popullin.Mosshkuarja ne parlament per te votuar ligjet e nevojshme them se duhet te zgjidhet me ligje dhe ashtu sikurse nje i punesuar ne cdo institucion apo firme pushohet nga puna per mosshkuarjen ne pune edhe parlamentaret duhet te behet ligj qe te perjashtohen nga jeta parlamentare(pra t’ju hiqet mandati i deputetit)
Akoma merreni me opoziten beini vete te gjitha dhe beni nje refeeendum popullor per perjashtimin e kesaj opozite dhe te ngrihet nje opozite e re pa hajdute e kriminele vetem keshtu behet drejtesi.beini ligjet dhe votoinl ne popull qe nuk mund ta ktheje dote asnje qeveri apo gjukate vetem referendumi popullor bene drejtesi.as ne parlament mos i votoni ligjet qe kane te bejne me drejtesi vetem populli i ve vulen e drejtesise .ku eshte shoqeria civile pse s’kerkon referendum per drejtesine po merret me parqet .kjo eshte shoqeria civile anti popullore turp qe quhet e tille .jane vene ne dispozicion te partive politike per interesa personale dhe jo interesat e shoqerise civile.vetem me referendum popullor mund ti zgjithni te gjitha mosmarrveshjet.te pastrohet njehere shqiperia qe nga presidenti e deri te ushtari me i vogel.tu neneshtrohen hetimeve e verifikimeve deri ne fund .mjafte me me bindjet politike te zgjidhen njeres te afte profesioniste dhe pa parti mos tu neneshtrohen asnje partie.