Te fundit
8 Mars personal për një Burrë e për një Grua/ Urimi i veçantë i ministres Kumbaro dhe një foto e panjohur e fëmijërisë
8 Mars 2017, 11:07Kulturë
TEMA
Ministrja e Kulturës, Mirela Kumbaro u ka kushtuar një urim të veçantë prindërve të saj këtë 8 mars, ku shkruan: se ky është një urim personal “një Burrë e për një Grua-që më përkthyen në shqip kuptimin e 8 Marsi-t jo thjesht si një festë, por si një ditë, ekzistenca e së cilës tregon se rruga drejt qytetërimit është e gjatë;
që më treguan, pa e thënë, se çfarë është një dashuri e madhe mes burrit dhe gruas.
Statusi i plotë i ministres Kumbaro në Facebook:
8 Mars personal për një Burrë e për një Grua.
për të falenderuar nënën time dhe babanë tim, dy të shtrenjtët e mi arsimtarë, që më mësuan se e para ishte Fjala, se sa shumë duhet të luftosh për t’ia dalë me aftësinë e mendjes e me forcën e Fjalës;
që më dhanë, para shkollës, mësimin më të çmuar se nuk ka emancipim të shoqërisë nëse gruaja dhe burri nuk janë bashkë në atë luftë;
që më përkthyen në shqip kuptimin e 8 Marsi-t jo thjesht si një festë, por si një ditë, ekzistenca e së cilës tregon se rruga drejt qytetërimit është e gjatë;
që më treguan, pa e thënë, se çfarë është një dashuri e madhe mes burrit dhe gruas.
U kërkoj ndjesë atij në qiell e asaj në shtëpi, për lëndimet që u shkakton dhuna verbale e fyerjet që bien ndonjëherë mbi vajzën e tyre vetëm pse ka pranuar të jetë në politikë, por duke i bërë të ndjehen krenarë për çdo ditë të punës time, vajzës së tyre.
Të tjerat shkojnë e vijnë…
Të dua shumë Ma!
Bashkë me këtë urim të ndjerë ministrja e Kulturës ka publikuar në rrjetin e saj Facebook edhe një foto të fëmijërisë së saj, ku shihet me të dy prindërit e saj.
1 komente në “8 Mars personal për një Burrë e për një Grua/ Urimi i veçantë i ministres Kumbaro dhe një foto e panjohur e fëmijërisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gezuar 8 Marsin Zonja Kumbaro jeni nje vlere per Shqiptaret bashke me Zonjen Kodheli.
Plot edukate,kulture dhe humanizem nje Bravo te madhe sot qe po na ha injoranca.