Te fundit
Altman: Shqipëria e Madhe ua mbyll shqiptarëve portën për në BE
22 Mars 2017, 16:30Rajoni
TEMA
Ish drejtori i degës për Ballkanin të Institutit të Berlinit për çështje ndërkombëtare dhe të sigurisë, Franz Lothar Altmann, i tha Radios Evropa e Lirë, se ‘shqiptarët [kudo në Ballkan] janë të vetëdijshëm për faktin se sa kundërproduktive për ta është ideja e Shqipërisë së Madhe”.
Altmann, në një bisedë për Radion Evropa e Lirë, Shërbimi për Ballkanin, foli për zhvillimet në gjithë Ballkanin dhe iu referua edhe situatës në Maqedoni, me theks në ‘platformën shqiptare që ka nxitur një reagim në shoqërinë e atjeshme’
“Nëse flisni me shqiptarët do ta shihni se janë shumë të vetëdijshëm për faktin se për ta është shumë kundërprokutive çdo rrëfim për Shqipërinë e Madhe. Do të mund të harronin hyrjen në BE nëse do të ëndërronin krijimin e “Shqipërisë së Madhe”. Gjithashtu, shqiptarët në Maqedoni dhe ata në Kosovë nuk janë shumë të ngazëllyer me idenë që të jenë nën patronatin e Tiranës”, tha Altmann.
Duke iu referuar marrëdhënieve të tendosura ndërmjet Kosovës dhe Serbisë, Altmann tha se ‘asnjëra palë nuk ka treguar vullnetin që të ndihmojë në zbatimin e marrëveshjeve të arritura në Bruksel”.
Sipas tij, asnjëra palë “nuk ka treguar mirëkuptim për domosdonë e normalizimit të marrëdhënieve sepse jetojnë njëri pranë tjetrit”.
“Në vend të kësaj po i theksojnë dallimet”, tha Altmann për Radion Evropa e Lirë.
Franz Lothar Altmann e cilësoi si “të dobët Bashkimin Evropian në këtë moment” meqë, sipas tij, po përballet me “problemin e BREXIT, me gjendjen e rëndë në Hungari, Poloni dhe është në pritje të zgjedhjeve në Francë dhe Gjermani”.
“Prandaj BE-ja më shumë është e përqendruar në çështjet e brendshme se sa në zhvillimet në rrethinën e saj. Kjo natyrisht e ngarkon më tepër gjendjen në Ballkan”, tha Franz Lothar Altmann.
5 komente në “Altman: Shqipëria e Madhe ua mbyll shqiptarëve portën për në BE”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vetëm elitat politike në Kosovë dhe Maqedoni mund të janë kundër bashkimit kurse
POPULLI ËSHTË PËËR BASHKIMIN KOMBËTAR !
ZOTI ATLAN!
Nocioni SHQIPËRI e MADHE është fabrikat i shovenizmit serb.
ILIRIA do mund të trajtohej “SHQIPËRI e MADHE”.
Të bësh nga territori shqipëtar dhurata e të na akuzoni, sikur i bie era hile….
Nuk eshte Shqiperia e madhe, por Shqiperia reale, te cilen ju e masakruat ne 1913 duke kenaqur interesat e fqinjeve.
Ndersa per ngecjen e maredhenieve Serbi-Kosove eshte prap faji juaji qe ushtroni presion vetem mbi palen shqiptare kur serbet nuk njohin ende pavaresine e Kosoves dhe nuk pranojne krimet e kryera atje. Akoma mbajne peng dokumentacionin per Kosoven.
Z. Altmann ka ardhur koha te ndreqni padrejtesite e se kaluares dhe te ndryshoni qendrimin ndaj shqiptareve.
Mjaft me mbeshtetjen e elitave te korruptuara.
po bashkimi i gjermanive porten e kujt mbylli
ta them une… kunder bashkimit te gjermanise u shpreh elita e ddr -s mesa di une jane akoma ne burg
pra e vemja porte qe duhej mbyllur per bashkimin e shqiptareve duhet te jete ajo e qelise se politikaneve qe jane kunder
Duke lexuar përmbajtjen e deklaratës të ish drejtorit të degës për Ballkanin të Institutit të Berlinit për çështje ndërkombëtare dhe të sigurisë, z. Franz Lothar Altmann, e qe ka të bëjë kinse me synimet e shqiptarëve, s’ke se si shpëton e të mos të krijohet përshtypja, se ke përpara një tekst, jo të një deklarate të një ish zyrtari të BE, port ë një falltari apo fallxheshe-mashtrues i të varfërve!
Është për t’u çuditur se si ky far “zotërie” i jep vetës të drejtën që të deklarohet publikisht, se shqiptarët qenkan “shumë të vetëdijshëm për faktin se për ta është shumë kundërprokutive çdo rrëfim për Shqipërinë e Madhe”. Do të mund të harronin hyrjen në BE nëse do të ëndërronin krijimin e “Shqipërisë së Madhe”. Dhe se gjoja “shqiptarët në Maqedoni dhe ata në Kosovë nuk janë shumë të ngazëllyer me idenë që të jenë nën patronatin e Tiranës” (?!)
Se është kundra produktiv, çdo rrëfim për krijimin e një “Shqipëria të Madhe”. Duhet ta kuptoj, përfundimisht edhe ky dërdëllitës, me siguri i paguar nga Beogradi, se termi “Shqipëri e Madhe”, nuk është shpiku nga shqiptarët. Por, kjo është një shpikje nga nazifashistët dhe, shqiptarët e kanë kuptuar me kohë, qysh gjatë Luftës së Dytë Botërore, pa patur nevojë t’ua shpjegoi një shkretan si ky farë Altamani, i cili në ato kohë të vështira ndofta edhe ka mund të jetë i rreshtuar në radhët e “hitlerjunge”!
Ndërsa sa i përket “xhevahirit “ të dytë, të këtij serbofili, se gjoja “shqiptarët në Maqedoni dhe ata në Kosovë nuk janë shumë të ngazëllyer me idenë që të jenë nën patronatin e Tiranës”, nuk duhet të lodhemi shumë për të zbërthye, sepse kjo kuptohet qartë dhe lehtë, se është një llomotitje në favor të idesë titiste apo neo jugosllave, e cila nuk do të jetësohet kurrë!