Te fundit
FOTOT/ Deputeti “hero” i sulmit të Londrës
23 Mars 2017, 11:39Bota
TEMA
Ky është deputeti hero në Britanin e Madhe, i quajtur Tobias Ellwood, i cili është fotografuar duke i dhënë ndihmën e parë një prej viktimave të sulmit terrorist në Londër, që i mori jetën 4 vetëve.
Deputeti konservator është përpjekur për të frenuar rrjedhjen e gjakut që rridhte nga trupi i oficerit të plagosur, që ndërroi jetë më vonë.
Deputeti tha se ai kishte “humbur shumë gjak”.
Ish-oficeri priti derisa erdhi stafi mjekësor dhe një helikopter për ta shoqëruar të plagosurin në spital.
Deputeti britanik u pa me duar të përgjakur duke folur me punonjësit e policisë në afërsi të vendit të ngjarjes, para se të shkonte tek Zyra e Jashtme e Parlamentit britanik.
“Kjo është një tragjedi e madhe. Unë kam qenë në vendin e ngjarjes.
Pasi kuptova shpejt se çfarë po ndodhte u nisa drejt vendit të ngjarjes.
Unë u përpoqa për të frenuar rrjedhjen e gjakut, teksa po prisnim mjekët për të ardhur.
Unë mendoj se ai kishte humbur shumë gjak.
Ai kishte plagë të shumta nën krah dhe në shpinë”, tha deputeti.
Lini një Përgjigje
Më të lexuarat
24 oret e fundit
Javen e fundit
Blog Tema
