Te fundit
Arben Ahmetaj mesazh për votuesit: Rritëm pagën minimale, më 7 maj dhe 18 qershor votojmë për Shqipërinë që duam
25 Prill 2017, 17:56Politika
TEMA
Ministri i Financave, Arben Ahmetaj shfrytëzoi takimin me punonjës të një fabrike fasoni në Kavajë për të përcjellë dy lajme, sipas tij pozitive, për të gjithë punonjësit, por veçanërisht ata me paga të ulëta.
“Lajmi i parë është rritja e pagës minimale. Lajmi i dytë është rritja e punësimit. Në një vit arritëm të hapim 183 mijë vende pune”, tha Ahmetaj.
Këtë të mërkurë qeveria pritet që të miratojë vendimin që rrit pagën e detyrueshme minimale, nga 22 mijë lekë në 24 mijë lekë.
Rritja e pagës minimale shton të ardhurat për punonjësit me paga të ulëta. Por, për një kategori tjetër, veçanërisht të vetëpunësuarit dhe ata që janë të siguruar me rroga maksimale, ajo sjell rritjen e kontributeve.
Sipas ligjit, sigurimet për të vetëpunësuarit llogariten mbi pagën minimale. Aktualisht pagesa për to është 6556 lekë në muaj. Por, me pagën e re, ajo rritet 9% duke shkuar në 7152 lekë në muaj.
Të vetëpunësuarit nuk janë kategoria e vetme që preken. Rritja e pagës së detyrueshme minimale çon automatikisht edhe në rritjen e pagës maksimale mbi të cilën llogariten sigurimet. Kjo bën që për punonjësit e siguruar me paga maksimale, kontributet të rriten me rreth 2500 lekë në muaj në total, nga të cilat 1500 lekë i paguan ndërmarrja, ndërsa 1 mijë lekë vetë punonjësi.
Në rastin e bizneseve, rritja e pagës minimale prek kompanitë që bazohen tek krahu i lirë i punës, si fasoni apo “call center”-at, pasi shton sigurimet që ato paguajnë për punonjësit e tyre.
Duke folur për situatën aktuale politike, Ahmetaj sërish theksoi se në 7 Maj Kavaja do të shkojë në zgjedhje dhe nuk do të bëhet pjesë e sherrit të politikës së vjetër. Në 7 maj dhe në 18 qershor, qytetarët do të shkojnë në zgjedhje për Shqipërinë që bën shtet, për Shqipërinë që afron punë, për Shqipërinë që garanton mireqenie, tha Ahmetaj.
3 komente në “Arben Ahmetaj mesazh për votuesit: Rritëm pagën minimale, më 7 maj dhe 18 qershor votojmë për Shqipërinë që duam”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
inatcinjt do thojne qe jane rritje elektorale kto
Po iko aadda na rrofsh menderen. Ketij po i ngelen te uritur 2000000 shqiptare ky thote arritje.
Te kene mundesi ikin gjithe shqiptaret
Shqiperia qe duam eshte kjo qe keni filluar duke ndertuar ne 2013. Shqiperia qe nuk duam eshte ajo e saliut ku kishte vec kaos,ku shteti nuk funksiononte per te gjithe por funkisiononte vetem per njerzit prane saliut dhe te tjeret shperfilleshin ne menyre fare bastarde. per te mos harruar te gjitha demet qe i ka sjelle shqiperise ne vitet ku ai ka patur pushtet ne dore.