Te fundit
Identifikohet autori që plagosi boksjerin shkodran
7 Maj 2017, 12:01Kronika
TEMA
Policia ka identifikuar aurtorin që plagosi një ditë më parë më armë zjarri boksierin e Vllaznisë, Nelson Hysa, Ai është 21-vjeçari me iniciale V.K. banues në Shkodër.
Boksieri i njohur shkodran u plagos dje rreth orës 14:50 në vendin e njohur si “Ura Dervishbeg” në qytetin e Shkodrës, teksa po dilte nga një berber.
Njoftimi i policisë
Identifikohet dhe shpallet në kërkim autori i dyshuar për plagosjen me armë zjarri të shtetasit N.H, ndodhur më 06.05.2017.
Brenda një kohe të shkurtër policia identifikon dhe shpall në kërkim autorin e dyshuar të ngjarjes së djeshme, ku rreth orës 14:30 në vendin e quajtur “Ura Dervishbeg”, Shkodër është tentuar të vritet me armë zjarri shtetasi N. H., 33 vjeç.
Si rezultat i veprimeve të shpejta proceduriale të kryera nga Specialitët e Sektorit Kundër Krimeve të Rënda në D.V.P.Shkodër në bashkëpunim me Prokurorinë Shkodër, është bërë e mundur identifikimi dhe shpallja në kërkim autorit të dyshuar V.K , 21 vjeç, banues në Shkodër.
Vijon puna për kapjen e tij.
Në vendin e ngjarjes është sekuestruar në cilësinë e provës materiale, një gëzhojë model 54 e kalibrit 7.62 mm.
Materialet i kaluan Prokurorisë së Rrethit Gjyqësor Shkodër për veprat penale “Vrasje me paramendim, e mbetur në tentativë, e kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”, të parashikuara nga nenet 78,22,25 e 278 të Kodit Penal
Ngjarja ndodhi ditën e djeshme rreth orës 14:50 në vendin e njohur si “Ura Dervishbeg” në qytetin e Shkodrës, teksa boksieri i njohur shkodran po dilte nga një berber.
Lini një Përgjigje
Më të lexuarat
24 oret e fundit
Javen e fundit
Blog Tema
