Një ngjarje e rëndë është regjistruar mëngjesin e sotëm në SHBA ku të paktën 5 persona kanë humbur jetën si pasojë e disa të shtënave me armë zjarri në Orlando.
Nga policia vendase bëhet me dije se një burrë i armatosur hyri në një kompani private dhe hapi zjarr. Ndëkaq mësohet se autori është neutralizuar nga forcat e rendit.
Zyrtarët thonë se situata është qetësuar tashmë. Por ende nuk publikohen detaje mbi viktimat apo agresorët. Në vendngjarje ka një prani të shtuar të forcave të rendit e sigurisë, ndërsa zona është rrethuar. Zona po kërkohet edhe përmes qenve antieksploziv.