Te fundit
ISIS kërcon kryeqytetet e Ballkanit me fushatë terrori
9 Qershor 2017, 09:26Rajoni
TEMA
I ashtuquajturi Shteti Islamik është betuar të presë kokat e “të pafeve” kudo në Ballkan, si dhe të vrasë ‘tradhtarët’ serbë dhe kroatë, ndërsa kërcënimi i ri u publikua në versionin boshnjak të revistës së xhihadistëve.
“Jo, i betohemi Allahut, se nuk e kemi harruar Ballkanin,” paralajmëroi versioni boshnjak i revistës së ISIS, Rumiyah, teksa organizata terroriste kërcënoi rishtas rajonin.
Në një artikull të titulluar “Ballkani – Gjak për Armiqtë dhe Mjaltë për Miqtë”, grupi terrorist bën kërcënime të drejtpërdrejta për serbët dhe kroatët në lidhje me rolet e tyre në luftërat e Ballkanit, si dhe për tradhtarët myslimanë ndaj besimit islamik.
“Së shpejti ushtarët e kalifatit do të ecin në Beograd, Zagreb, Sarajevë, Tiranë, Prishtinë, Shkup dhe qytete të tjera, duke prerë kokën dhe duke derdhur gjakun e të pafeve”, paralajmëroi artikulli.
Xhihadistët paralajmërojnë se nuk e kanë harruar që serbët dhe kroatët luftuan kundër myslimanëve boshnjakë në luftën e viteve 1992-95.
“Mendoni se gjithçka që ndodhi mbaroi kur u kthyet në shtëpi me duart e njollosura me gjakun e myslimanëve?” – pyeti grupi terrorist përpara se të paralajmëronte se lufta e viteve 1990 ishte fillimi i fundit.
Artikulli vazhdon duke thënë se të gjithë tradhtarët e besimit islam në Bosnjë, në rajonin e Sanxhakut në Serbi, në Shqipëri, në Kosovë dhe Maqedoni do të “shfarosen” me “shpatë dhe thika”, nëse nuk i kthehen islamit.
“Gjaku juaj është më i vlefshëm dhe më i ëmbël për ne sesa ai i serbëve dhe kroatëve,” thotë artikulli.
Autorët e artikullit gjithashtu i referohen sulmeve të ISIS në Britani, Francë, Gjermani dhe SHBA; vende që sipas tij janë më të forta se Ballkani, por gjithsesi të pambrojtura.
Autorët thanë se ISIS i ka kthyer këto vende nga fuqi që mburren në kombe të poshtëruara dhe të frikësuara.
“Mos mendoni se jeni të sigurt dhe gati,” paralajmërojnë ata.
Versioni boshnjak i revistës ISIS që nga shtatori i vitit të kaluar ka justifikuar sulmet e kryera nga grupi terrorist në të gjithë botën.
Revista botohet në disa gjuhë, përfshirë arabishten, anglishten, turqishten, gjermanishten dhe frëngjishten, nga media e ISIS, Al-Hayat. Emri do të thotë “Roma” dhe supozohet se lidhet me rënien e Perandorisë Romake.
Goran Kovaçeviç, një profesor në Fakultetin e Kriminologjisë dhe Studimeve të Sigurisë në Universitetin e Sarajevës, i tha BIRN nëntorin e kaluar se qëllimi i revistës është t’i bëjë apel myslimanëve të varfër dhe të papunë të Bosnjës.
Sipas të dhënave zyrtare, Bosnja është një nga eksportuesit kryesorë në rajon të xhihadistëve në Lindjen e Mesme.
5 komente në “ISIS kërcon kryeqytetet e Ballkanit me fushatë terrori”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ato fshatrat qe u zbrazen nga serbet “kriminele” ne pjesen myslymane te bosnjes thuhet qe jane mbushur me arape
dmth luftetare lirije e demokracije sipas klintoneve
do ja shikoje sherrin ballkani kesaj heret apo vone
Aman vetem Janulles te mos ti ndodhe gje, per te tjeret vari leshte.
“Garuzhde në brez”, ju terroristët islamik, do shikoni nga Presidenti Trump se sa vleni!
Ballkani nuk do islamizohet nga ju jashqitjet!
Ptu, kriminela terrorista islamik!
shkuan per lesh muslimonet shqipfoles te cilet citohen nga ISIS si te ”pabese” ndaj Allahut……………
E kane fjale per ” Devollistet”.Se jan njerez te pabese ,injorante.Dhe e kane mendjen Qe gjithe burrat e Devollit ti skastroje ndersa grate e Devollit ti bejne “pasterma ” me nji fjale ta mbushin zonen e Devollit me qena.Si ato ” brigadiret ” Qe I zinin grate e kooperatives me zor dhe benin sex neper pyll.