Te fundit
Sadiku: Mezi po prisnim të fillonte kjo ndeshje, na mbetet pishman humbja në Elbasan
11 Qershor 2017, 23:43Sport
TEMA
Sulmuesi i kombëtares shqiptare, Armando Sadiku, i cili realizoi dy gola në fitoren 0-3 në Izrael, shprehet se pas një triumfi të tillë mbetet peng humbja në ndeshjen e parë në Elbasan.
Në deklaratën e dhënë për “Supersport”, ai tha se para kësaj ndeshjeje të gjithë lojtarët mezi po prisnin që të zbrisnin në fushë për të dhënë maksimumin.
Për fitoren
“Ishte një ndeshje shumë e rëndësishme, të cilën e përgatitëm shumë mirë. Jemi mbledhur të gjithë dhe kemi folur, trajneri na ka bërë disa mbledhje. Të gjithë mezi prisnim të fillonte kjo ndeshje që të jepnim 100 përqindëshin tonë. Ja kthyem reston Izraelit, por kur shohim që fitojmë kështu, na mbetet pishman ajo humbja në Elbasan. Megjithatë sot jemi shumë të kënaqur.”
Për dy golat
“U mundova të bëj më të mirën time në ato momente. Me fat topi shkoi dy herë në rrjetë dhe ekipi u ndje më i qetë më pas dhe çdo gjë shkoi shumë mirë. Ua dedikoj të gjithë shqiptarëve.”
1 komente në “Sadiku: Mezi po prisnim të fillonte kjo ndeshje, na mbetet pishman humbja në Elbasan”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ju lumte ja kthyet reston israelit dhe albitrave i thate kujdes ne gjykime sepse nuk beni mire vecse prishni futbollin. NUK ka problem dhe mos te kualikoheni sepse dihet historikisht qe spanja dhe italia jane ekipe te forta.