Te fundit
Zv-kryeministrja reagon pas shqetësimit të KQZ: Nuk pengojmë punonjësit e administratës të angazhohen si komisionerë
11 Qershor 2017, 11:17Politika
TEMA
Zëvendës kryeministrja Ledina Mandija ka reaguar pas shqetësimit të ngritur nga KQZ për mos pjesëmarrjen e të zgjedhurve si komisionerë për zgjedhjet e 25 qershorit në detyrat që i janë caktuar.
Përmes një deklarate për mediat, zv kryemistrja thekson se punonjësit e administratës kanë të drejtë të angazhohen si komisionerë në KZAZ, KQV dhe në grupet e numërimit të votave.
“Nuk ka asnjë pengesë nga ministrat teknik për angazhimin e punonjësve të administratës si komisionerë në nivele të ndryshme të administrimit në zgjedhje” –thuhet në deklaratë.
DEKLARATA E PLOTË
Zyra e shtypit e zv/Kryeministres Ledina Mandija deklaron se, nuk ka asnjë pengesë nga ministrat teknik për angazhimin e punonjësve të administratës si komisionerë në nivele të ndryshme të administrimit në zgjedhje.
Nisur nga një lajm se ministrat teknikë po bëhen pengesë për punonjësit, të cilët janë në marrëdhënie pune, si dhe janë të angazhuar edhe si komisionerë ne KZAZ sqaron se, jo vetëm nga ana e ministrave teknik, por asnjë ministër nuk ka dhënë urdhër për të penguar angazhimin e këtyre personave si Komisionerë në KZAZ.
Vendimi i Këshillit të Ministrave nr.473, datë 1.06.2017, në pikën 5, përcakton qartë dhe saktë se punonjësi i administratës ka të drejte të angazhohet si komisioner ne KZAZ, KQV dhe në grupet e numërimit të votave.
Zv/Kryeministrja Mandija përfiton nga rasti t’iu bëjë thirrje të gjithë punonjësve të administratës, të cilët ndeshen me pengesa të kësaj natyre të adresojnë shqetësimin pranë zyrës së zv.kryeministrit dhe ministrive të linjës.
Zv/Kryeministrja Mandija përfiton nga rasti t’iu bëjë thirrje të gjithë titullarëve të institucioneve dhe drejtuesve të administratës të mos paraqesin pengesa për punonjësit, të cilët janë të angazhuar si komisionerë zgjedhorë.
Lini një Përgjigje
Më të lexuarat
24 oret e fundit
Javen e fundit
Blog Tema
