Te fundit
Arrestohen memaljotët e tmerrshëm, dyshohen për mashtrim, rrëmbim dhe plagosje
8 Korrik 2017, 10:49Kronika
TEMA
Ishin shpallur në kërkim për mashtrim, por sot u arrestuan nga policia.
Dy memanliotë dyshohet se pasi i kanë marrë hua të majme shtetasit E.K nga Gjirokastra, e kanë shantazhuar, rrëmbyer dhe madje plagosur edhe të atin.
Oficerët e sektorit për Hetimin e Krimit Ekonomik dhe Financiar të Drejtorisë së Policisë Gjirokastër kanë vendosur në pranga mëngjesin e sotëm dy persona nga Memaliaj.
“Të arrestuarit janë Jani (Juljan) Zhupa, 38 vjeç dhe Arbër Zhupa, 33 vjeç, banues në Memaliaj”, thuhet në komunikatën e policisë.
Gjykata kishte caktuar për ta masa e sigurisë “arrest në burg” për kryerjen e veprës penale të “mashtrimit”. Në bazë të këtij vendimi Prokuroria e Gjirokastrës, ka lëshuar më 4 korrik 2017 edhe urdhrat e ekzekutimit.
“Masa e sigurisë për këta persona është caktuar pasi dyshohen se të dy shtetasit e mësipërm në bashkëpunim me persona të tjerë nga viti 2009 e në vijim, i kanë marrë nëpërmjet mashtrimit një shumë prej 15 000 000 lekë, shtetasit E. K., banues në Gjirokastër”, vijon policia.
Kanë qenë dëshmitë e E.K ato që kanë fundosur dy të arrestuarit.
E.K pretendon se më 19 maj të vitit 2014, persona të paidentifikuar kanë tentuar ta marrin peng. Ndërsa babai i tij H.K, u plagos nga persona të paidentifikuar më 15 shkurt të 2012 me armë zjarri.
Lini një Përgjigje
Më të lexuarat
24 oret e fundit
Javen e fundit
Blog Tema
