Te fundit
Polakët ironizojnë me Armando Sadikun: Legia ka marrë në skuadër një komunist
14 Korrik 2017, 19:07Sport
TEMA
Transferimi i Armando Sadikut te skuadra e Legias së Varshavës ishte disi i papritur për opinionin sportiv dhe reagimet pas kësaj lëvizjeje nuk munguan.
Pavarësisht se vetë Sadiku u shfaq mjaft i lumtur për skuadrën e re ku do të luajë, në Poloni duket se nuk po e presin me shumë entuziazëm.
Portali polak “Interia” i ka kushtuar sulmuesit një shkrim të veçantë ku diskuton bindjet e tij politike duke e cilësuar si komunist.
Në artikull përmendet mbështetja e hapur e Sadikut për krahun e majtë të politikës shqiptare, më saktësisht Partinë Socialiste, për të cilën ka dalë dhe publikisht duke bërë fushatë.
Me anë të këtij shkrimi, “Interia” informon fansat e Legias së Varshavës se Partia Socialiste e Shqipërisë është pasuesja e Partisë së Punës së drejtuar nga Enver Hoxha, e cila e mbajti vendin nën një sistem diktatorial komunist për 45 vite.
Në këtë shkrim përmendet se përfshirja e Sadikut në fushatën elektorale e tronditi imazhin e tij në Shqipëri, edhe pse ai është një nga heronjtë e kombëtares në EURO 2016 me golin e realizuar ndaj Rumanisë.
Gjithashtu “Interia” përmend transferimin e dështuar të Sadikut në Greqi te skuadra e Panathinaikosit për shkak të videos me Andi Lilën ku talleshin me besimin fetar të krishterë.
Në lidhje me bindjet politike të Sadikut mediat polake kanë pyetur edhe trajnerin e Legias, Jaxhek Magiera, i cili nuk ka dashur të komentojë gjatë duke thënë se interesohet vetëm për aftësitë futbollistike të sulmuesit shqiptar.
3 komente në “Polakët ironizojnë me Armando Sadikun: Legia ka marrë në skuadër një komunist”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
jo e keni gabim ai eshte arqomarksist
Komunist dhe islamist nuk shkojne bashke ? Nga casti qe bullgari Armando Sadikov eshte islamist nuk ka asnje shanc te jete komunist,pasi thjesht komunistet jane ateiste dhe i kane shkerdhyer racen islamit !!!
Me komunistet nuk ka edhe keshtu edhe ashtu …
Keta polaket jetojne me fantazma,perfytyro….sipas tyre Rama ,avangardist liberal eshte komunist ….Sadiku qeka lindur ne vitet 90…po ashtu…,nderkohe qe partia e pare socialdemokrate ne Europen Lindore eshte krijuar ne Poloni…dhe themeluesi i famshem i ÇEKAS…plicise sekrete bolshevike ishte i mbiquajturi polaku i hekurt Xherxhinski,,Sa primitive ,keqardhje