Te fundit
Gara në PD, kandidatët përballë njëri-tjetrit, Selami: Jemi bërë si Partia e Punës. Basha: Ju rrëfej se çfarë bëri Rama me zgjedhjet
18 Korrik 2017, 15:11Politika
TEMA
Lulzim Basha dhe Eduard Selami ishin para demokratëve të Shkodrës, ku përvec analizës së tyre, morën dhe pyetje nga demokratët.
Selami u përqëndrua tek analiza brenda partisë, puna me strukturat ndërkohë edhe shkaqet e humbjes.
Nga ana tjetër, Lulzim Basha solli në vëmendje edhe njëherë arsyet e humbjes më 25 qershor ku bëri përgjegjës kryeministrin Edi Rama.
Edhe pse lideri i ngrirë i opozitës kishte rreth gjysmën e qeverisë teknike nën zotërim, ai theksoi se u deformuan votat dhe nuk u mbrojtën.
Eduard Selami vuri në dukej se nëse duam edhe njëherë ti kthehemi momenteve, ditëve më të mira, ne duhet të funksionojnë në mënyrë demokratike siç nuk kemi funskionuar, ti kthehemi qendrës tonë, filozofisë tonë të djathtë, të hapim një dialog jo vetëm brenda bazës tonë por, edhe me shoqërinë civile.
“Unë jam nga ata që e shoh problemin tek vetja, se kundërshtari këtë punë ka. Jo vetëm kaq por edhe avantazhet që ka kundërshtari. Ne duhet të ulemi dhe të shohim se si duhet tia heqim nga dora. Se në qoftëse ne mendojmë që shitblerja e votes, qe arsyeja kryesore e humbjes, mendoni ju se kjo në zgjedhjet e ardhshme do të bjerë?! Jo. Diskutimi dhe debati ynë duhet të bëhet se si ta shmangim këtë problem. Në këtë pikë unë mendoj që ne duhet të bëjmë një analizë serioze. Po nuk pyete strukturat, po nuk pyete degën, po nuk pyete demokratët, po nuk pyete qytetarët, ti mund të kërkosh votën por nuk merr gjë mbrapa. Zhgënjimi im më i madh ka qënë me modelin Basha që kam mbështetur, që Partia Demokratike ka qënë më pak demokratike, edhe në momentin që e mori, me atë që e la z.Basha. Nëse duam edhe njëherë ti rikthehemi momenteve, ditëve më të mira, ne duhet të funksionojnë në mënyrë demokratike siç nuk kemi funskionuar. Ne krizë emrash dhe liderësh në Partinë Demokratike sepse ne jemi mbyllur. Kemi pushuar së funskionuari si parti demokratike. Jemi bërë vetëm partia e kryetarit. Jemi kthyer në atë kohën e vjetër të Partisë së Punës që po të ikë ky, duket sikur gjithçka merr fund. Jo. Me këtë platformë, unë mendoj se kemi për tu ringritur më të fortë akoma. Nuk është e gjitha por është më e rëndësishmja. Do ti rikthehemi edhe vlerave tona. Do ti kthehemi qendrës tonë, filozofisë tonë të djathtë. Do të hapim një dialog jo vetëm brenda bazës tonë por, edhe me shoqërinë civile. Edhe me rininë, e cila fatkeqësisht na ka braktisur. Hajde të hapim një debat të gjerë që t’u japim shpresë shqiptarëve”, tha Selami.
“Ka katër vite që jemi në betejë të përditshme me një pushtet të bërë njësh me krimin, me një pushtet të ardhur përmes krimit e që sundon bashkë me krimin. Nga dekriminalizimi, tek beteja kundër drogës që është një projekt i pastër politik i Edi Ramës, për të fshehur dështimin e tij ekonomik dhe për të përgatitur tjetërsimin e vullnetit të shqiptarëve, e deri tek beteja për zgjedhje të lira e të ndershme, kauzat tona janë provuar jo vetëm si kauza të drejta e të rëndësishme, por më jetiket sot për Shkodrën e për mbarë Shqipërinë.
25 qershori e provoi këtë katërcipërisht. Si në kohët e Sigurimit të Shtetit, shqiptarët u skeduan familje për familje. Kësaj radhe jo për t’i futur në burg për mendimin e tyre politik, po për t’i përndjekur për votën e tyre; diku listat për ndihmën ekonomike, diku listat për subvencionet, diku listat për legalizimin, diku pagesën apo shtrëngimin e gjobave të OSHEE-së apo të subvencioneve, diku paratë në dorë. Qindra milionë euro të drogës që derdhet lumë edhe sot. Ne e pamë këtë fare mirë, kudo ku ndodheshim në fushatë, ku me plan, me shtrirje kapilare; e para Partia Socialiste, derdhën miliona të shoqëruara nga bandat kriminale për të kapur vullnetin e votuesve. Në Tiranë, vetëm për të mos dalë në votime, plani ka qenë 5 deri 15 familje opozitare për qendër votimi, pagesa 200 mijë lekë për familjar, jo për votues. E kjo është shtrirë anembanë vendit në përmasa dhe forma të ndryshme, por me një synim; me para, me dhunë, me terror, për të tjetërsuar vullnetin e qytetarëve. Ndaj njësoj si në ’91, këto zgjedhje nuk reflektojnë vullnetin e lirë të qytetarëve shqiptarë.
E vetmja forcë politike e cila refuzoi paktin me krimin, që u ofrua, na u ofrua këtu në Shkodër, siç na u ofrua në Vlorë dhe në Durrës e Peqin, por e kemi thënë që; nuk bëjmë e nuk do të bëjmë pakt me krimin për të ardhur në pushtet. Sepse ne jemi vlerat dhe ata janë antivlerat dhe kjo është bardh e zi si asnjëherë në historinë njerëzore, kjo është bardh e zi, nuk ka gri këtu në mes, nuk ka gri. Dhe kjo është një betejë që duhet dhe do të vazhdojë deri në fitore”, tha Basha.
2 komente në “Gara në PD, kandidatët përballë njëri-tjetrit, Selami: Jemi bërë si Partia e Punës. Basha: Ju rrëfej se çfarë bëri Rama me zgjedhjet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur flet Basha për vlerat do të thotë se fletbpër antivlerat. Ky njeri duhet “respektuar”, si njeriu që me veprimet e tij na hoqi qafe atë grupim shoqëror që në vitin 1991 vodhi dhe rrëmbeu padrejtësisht për emrin “demokratike”. Prandaj sot demokratët duhet të.ndahen njiherë e mirë nga ky grupim që vazhdon të mbahet me manipulime dhe mashtrime nga më të poshtrat. Mendoj se diçka mund të korigjojë Patozi, por jo me Besnikët dhe zhelet e deritashme.
Xha Sulua
Fatkeqsia ePD-s nuk eshte Edi Rama por eshte Basha vet.Rama e shpetoi PD-n duke e nxjer nga caderja e vet shuarjes se saj.
Politika e PD-s bazohet tek shpifja pa argument.Populli i shikon,nuk flet shume por ndeshkon fajtorin me vote.
PD-ja nuk shkon cfar ka ber keq qe u ndeshkua nga popuulli dhe ta ndreq por faijin e kerkon jasht saj.
Per kete zgjedhjet Brenda PD-s nuk do te ndryshoje asgje.Basha num kuptoi mesazhin qe I dha Bujar Kafexhiu ne cader:”Po vure Saliun edhe une nuk do te votoje”.Humbja e saj ka kete emer.
Te putht halla ne faqe o’Bashe ziu!!