Te fundit
10 minutat fatale që i morën jetën biznesmenit vlonjat
21 Korrik 2017, 09:09Politika
TEMA
Prokuroria ka ndërtuar skenën e aksidentit të ndodhur në 14 korrik të këtij viti, ku humbi jetën biznesmeni nga Vlora, Bukurosh Malaj.
Në lidhje me këtë aksident, Prokuroria dha masën arrest me burg për 21 vjeçaren, Adela Sinanaj e cila drejtonte automjetin në momentin e aksidentit të biznesmenit.
Bazuar në skenën e ndërtuar nga Prokuroria në bazë të dëshmisë së vajzës rezulton se kemi të bëjmë me një aksident tragjik, dhe jo vrasje siç pretendojnë familjarët.
Policia bën të ditur se është njoftuar rreth orës 10:30 minuta të paradites së 14 korrikut për aksident e rëndë.
Sipas skenës së ndërtuar nga Prokuroria, biznesmeni ka qenë i shoqëruar nga një vajzë e cila i jepte makinës në momentin e aksidentit.
Gjithçka ka ndodhur kur Bukurosh Malaj si pasagjer, ka nxjerrë kokën nga dritarja për të parë gomën e makinës dhe në atë moment është prekur nga karroceria e një kamionçine, shkruan Report TV.
Plagët e rënda në kokë i kanë shkaktuar vdekjen biznesmenit vlonjat.
Ja raporti i Prokurorisë:
“Bukurosh Malaj ka qenë duke udhëtuar me makinën e tij mercedez benz me targa AA 184 CE nga Vlora për në një pikë ku shiteshin pajisje të përdorura elektroshtëpiake pasi do të blinin disa gjëra për dyqanin e tij Fast Food.
Së bashku me të në makinë ka qenë dhe e njohura e tij Adela Sinanaj.
Kur kanë arritur afër një karburanti sa kalon fshatin Panaja, Bukuroshin e kanë marrë në telefon dhe ai ka kthyer makinën për tu kthyer në Vlorë.
Në këtë kohë i ka thënë Adelës që nëse kishte dëshirë mund ti jepte makinës.
Adela ka hipur në sediljen e shoferit ndërsa Bukuroshi në sediljen e parë të makinës.
Pasi kanë ecur 5-10 minuta Bukuroshi ka nxjerrë kokën jashtë xhamit për të parë gomën prapa të makinës pasi makina jepte një zhurmë.
Në këtë kohë koka i është përplasur me karrocerinë e një kamioncine të parkuar anës rrugës dhe ai ka rënë brenda në makinë, pa ndjenja dhe i gjakosur.
Adela ka frenuar menjëherë dhe ka kërkuar ndihmë.
Djali i familjes që banonte pranë vendit ku ndodhi aksidenti i ka ardhur në ndihmë duke drejtuar makinën për ta çuar Bukurosh Malaj drejt spitalit,” thuhet në njoftimin e prokurorisë.
Sipas prokurorisë Adela Sinanaj nuk ishte pajisur me leje për drejtimin e automjetit dhe mbi të rëndon akuza për “Shkelje të rregullave të qarkullimit dhe drejtim i automjeteve në mënyrë të paregullt”.
5 komente në “10 minutat fatale që i morën jetën biznesmenit vlonjat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e njoh fare as viktimen,G.Malaj ,e as vajzen me te cilen shoqerohej ai,por njoh mjetet e transportit dhe zanatin e shoferit.C’jane keto budallalleqe qe publikohen?Kush dhe perse i hedh keto shashka?Per mendimin tim,ky problem nuk e ka nxjerre koken akoma,tjeter vend fle lepuri,me vone do te degjojme te tjera variante.Me kete krim media do ushqehet me muaj te tere,sepse ka shume “mjegull”:Sensi i qarkullimit eshte i tille,qe nga krahu pasagjerit nuk behet as nderrimi i mjeteve dhe as parakalimi,kaq gje e di nje kursant qe diten e dyte te kursit.Se pari,ne se nje mjet ben nje veprim te tille eshte kondravajtje.Se dyti,qe mjeti te aksidentoje nje pasagjer qe ka nxjerre koken nga makina,duhet te jete demtuar,ose duhet te kete gjurme demtimi, edhe tek makina e bisnesmenit.Thuajeni te verteten si ka ndodhur ky krim,lerini sofizmat teknike te montuara keq qe te bejne te qeshesh.
Mjeti qe u ” perplas” viktima ishte i parkuar anes rruges, nuk e ke lexuar me vemendje shkrimin.
Megjithate aksidenti duket i dyshimt.
Tani ne bejme ekspertet lere mos nxitohemi.
ha ha kush i beson brockullat tuaja ,dihet qe prokuroria nuk ekziston eshte bere njesh me kriminelet dhe prositutat ,mallkuar qofshi dhe u djegshi ne ferr ju dhe femijet tuaj kriminela te paskrupullt
Po femijet e tyre ca faji kane mor kafshe?
Vrasja eshte pasyruar qarte: G. Malaj eshte vrare nga shoqeruesja e tij, pa dashje, pasi ka parakaluar gabim (fatalisht) kamioncinen qe qendronte ne rruge. G. Malaj ka dashur t’i mesoje makinen shoqes se tij, por me mire t’i jepte leke dhe te regjistrohej ne kurs, se sa te merrte persiper profesionin e te tjereve.