Kryeministri Edi Rama ka takuar sot zëvendës presidentin amerikan Mike Pence në Samitin e Kartës së Adriatikut të mbajtur në Malin e Zi.
Takimin e ka njoftuar vetë shefi i qeverisë Edi Rama i cili përmes një postimi në rrjetin social Facebook ka shpërndarë fotografinë me numrin dy të amerikës duke shkruar “Photo of the day”.
Pence përshëndeti sot përfaqësuesit e të gjithë vendeve të Ballkanit perëndimor të cilët merrnin pjesë në Samitin e Kartës së Adriatikut duke i ftuar që të bashkëpunojnë me njëri-tjetrin për të ardhmen.
Rama shoqërohej në samit nga ministri i jashtëm Ditmir Bushati.