Te fundit
Shans i dytë për maturantët që nuk plotësuan Formularin e Aplikimit
13 Gusht 2017, 14:03Sociale
TEMA
Ministria e Arsimit dhe Sportit i jep një shans të dytë të gjithë atyre maturantëve, të cilët nuk arritën dot të plotësonin në kohë Formularin e Aplikimit për në universitete.
Koha për plotësimin e formularit do të nisë që nga data 15 shtator. Qendra e Shërbimeve Arsimore do të rihapë portalin Online të Maturës Shtetërore, për një raund të dytë regjistrimesh, që do të mbyllet në datën 22 shtator.
Maturantët e interesuar do të mund të kryejnë aplikimet në datat e paracaktuara përmes një kalendari, sipas qarqeve përkatës.
Kandidatët do të kenë të drejtë të zgjedhin deri në 10 preferenca. Ndërkohë që, paraprakisht ata duhet të kryejnë pagesën e tarifës së aplikimit në vlerën e 2 mijë lekëve. Mandati i pagesës së kryer do të dorëzohet në shkollën ku këta kandidatë kanë kryer plotësimin e Formularit A1/A1Z.
Publikimi i librit të transparencës ishte mundësia fundit e konkurrentëve për saktësimin e të dhënave të tyre, të cilat mund t’i penalizonin në listimin e fituesve. Të drejtën për të plotësuar Formularin A1Z e kanë të gjithë kandidatët që kanë përfunduar shkollën e mesme para vitit 2017 dhe që kanë detyrim për të dhënë një ose disa provime të Maturës Shtetërore.
Po ashtu, formulari mund të plotësohet nga kandidatët që kanë kryer arsimin e mesëm jashtë vendit dhe pasi kanë bërë njehsimin e diplomës në komisionin përkatës të MAS, rezulton se kanë detyrim për të dhënë një ose disa provime të Maturës Shtetërore.
Kategoria e tretë që ka të drejtën e plotësimit janë ata kandidatë, që kanë përfunduar shkollën e mesme në Shqipëri ose jashtë vendit, që nuk kanë detyrim për të dhënë provime në Maturën Shtetërore 2017, por që duan të vazhdojnë studimet në Institucionet e Arsimit të Lartë.
Për të plotësuar formularin A1Z, të interesuarit duhet të paraqesin tek mbikëqyrësi një vërtetim të lëshuar nga shkolla ku ka dhënë provimet.
Lini një Përgjigje
Më të lexuarat
24 oret e fundit
Javen e fundit
Blog Tema
