Reagon edhe ministrja e re e Drejtësisë: Një vendim skandaloz i gjyqtarëve, sot i mori jetën një kolegeje të tyre

Ministrja e re e Drejtësisë, Etilda Gjonaj, e cila aktualisht është zv.ministre e Drejtësisë, ka reaguar për vrasjen e gjyqtares Fildese Hafizi.

Reagimi:

Ngjarja e sotshme ishte tragjike, jo vetëm për humbjen e një gruaje profesioniste të mirë, e nënë të përkushtuar, por edhe pasi sërish doli në pah sistemi i kalbur i drejtësisë që ka nevojë urgjente për reformën më të thellë të mundshme në drejtësi.

Autori i krimit makabër të sotshëm ishte ndaluar dy vite më parë nga policia. Krimi i sotshëm ishte shmangur para dy vitesh. Por ç’bëri sistemi gjyqësor? Për veprën penale të armëmbajtjes pa leje që parashikon dënimin deri në 7 vjet burgim dhe veprës penale të dhunës në familje deri në 5 vjet burg, gjyqtarët e dënuan autorin vetëm me 3 vjet burgim në total.

E më pas ai që sot i mori jetën, Fadil Kasemi, u amnistua. Një vendim skandaloz i gjyqtarëve në 2016, sot i mori jetën një kolegeje të tyre.

Ngjarja e sotshme ishte një goditje e rëndë për të gjitha ne gratë me pozitë apo pa pozitë, dhe tregoi edhe njëherë për mosfunksionimin e sistemit të drejtësisë, që kërkon në mënyrë imediate pastrimin nga gjyqtarë dhe prokurorë që keqzbatojnë ligjin.

Duke ngushëlluar familjen e Fildeze Hafizi, i siguroj ata dhe mbarë opinionin publik për angazhimin maksimal të Qeverisë së re, në jetësimin sa më shpejt e me thellësinë e kërkuar të Reformës në Drejtësi. I bëj thirrje organit të akuzës për një hetim të gjithanshëm dhe sa më profesional të ngjarjes së rëndë!

U prehsh në paqe, mikja dhe kolegia jonë e dashur!

Ky mesazh jo vetëm si zv. Ministre e Drejtësisë, por edhe si grua dhe si nënë.

Etilda Gjonaj (Saliu)​

Luan Rama: Fildes Hafizin e vrau shteti, gjyqtarët dhe prokurorët që u bënë ortak në krim me vrasësin

20:43 Kronika

Sali Berisha: Gjyqtaren sot në Tiranë nuk e vrau ish-bashkëshorti…

20:30 Kronika

Andi Bushati flet për kabinetin “Rama 2”: Këto do jenë 4 vite më të këqija se vitet paraardhëse

20:09 Kronika

Burri vrasës rrëfehet pas ekzekutimit të gjyqtares: Jam penduar, por...

19:17 Kronika

Mimoza Hafizi e kishte kushërirë gjyqtaren e vrarë nga i shoqi, ja fjalët e saj të ndjera

18:49 Kronika

Tiranë, gruaja terrorizon të dashurën e djalit, nuk i lejonte të bashkëjetonte me të birin

18:16 Kronika

FAKSMILE/ Si e përfitoi amnistinë vrasësi i gjyqtares dhe i shpëtoi tre viteve burgim

17:31 Kronika

Ekzekutimi i gjyqtares, nëna e viktimës pa skenën makabre të krimit, autori jetonte në një zonë me ish-gruan

16:50 Kronika

Vrasja e gjyqtares, ish-ministri i Drejtësisë: I tronditur nga vrasja makabre, ishte magjistrate e shkëlqyer

15:52 Kronika

FAKSIMILE/ Gjyqtarja e ekzekutuar letër ambasadorit Lu: Burri do më vrasë, më ndihmoni

15:40 Kronika