Si e sollëm ne Shqiperi të arrestuar diplomatin Vullnet Thanasi, nipin e Hysni Kapos

Nga Hajro Limaj *

Ishte fundi i gushtit 1987.Ndodhesha me shërbim në Stamboll. Në bregdetin e Bosforit po bisedonim me konsullin e Përgjithshëm të Shqipërisë, Ali Ymeri.

Kur po mbaronim bisedën , radisti më solli një radiogram teper sekret, të shifruar. Pasi e deshifrova, rezultoi se  urdhërohesha nga qendra në Tiranë se me mbërtjen në Konstancë të Rumanisë, duhej t’i bashkohesha operacionit të drejtuar nga Nikollaq Ziu, zëvëndës drejtor i Zbulimit Politik në Ministrinë ë Punëvë të Jashtme. Se çfarë operacioni ishte nuk më thuhej asnjë fjalë. Të nesërmen mbasdite anija me të cilën udhëtoja u ankorua në kalatat e portit më të madh të Ballkanit, në Kostancë.  Sa për kuriozitet, ky  port  pothuajse shumicën e kohës është i mbuluar nga mjergulla.

Me kapitenin e anijes shkuam në agjensinë përkatëse dhe dorëzuam dokumentet e nevojshme. Këtu pinim edhe kafetë e mirseardhjes që na ofronin autoritetet portuale.   Sapo u kthyem në hyrje të portit mbërritën dy makinat diplomatike të ambasadës tonë nga Bukureshti. Hipëm të shtrënguar tek makina  e dytë. Kur arritëm tek shkallët e  lëvizshme të anijes, nga makina e parë zbriti Nikollaq Ziu, oficeri i ndërhyrjes së shpejtë, Muharrem Abazi,  që kishte ardhur nga Tirana dhe Vullnet Thanasi, i arrestuar, të cilit mbi prangat e duarve i kishin  hedhur xhaketën. Ndërsa nga makina ku hipëm ne zbriti bashkëshortja me pranga ne duar dhe dy djemtë e Vullnetit. Për sistemimin e tyre ishin rregulluar dy dhoma te posacme.

Në njerën u vendos i vetëm Vullneti, ndërsa në tjetrën bashkëshortja me dy djemtë. Për Vullnetin u morën masa të rrepta sigurie. I arrestuar, me pranga në duar, në kokë helmetë çeliku dhe i shtrirë  në krevat, i lidhur më zinxhira në të dy këmbët dhe të dy duart. Ndërsa bashkëshortja ishte vetëm me duar të lidhura. Masat ishin tepër të rrepta, sikur kishim të bënim me një grup terrorist me rrezikshmëri të lartë globale. Gjatë ditës, dy fëmijët e vegjël ,shume shumë të bukur, qëndronin në kuvertë të anijes.Kur u nisëm për tu rikthyer në atdhe,vecanërisht në ngushticën e Bosforit dhe te Dardaneleve rritem në maksimum masat e vrojtimit dhe te sigurisë,mbasi mendohej se ai mund të ishte një agjent kapital dhe do të ndërhynin shërbimet e huaja  të zbulimit për ta shpëtuar . Te tre ne : Nikollaqi,une dhe Muharremi  kryenim sherbimin prane Vullnetit  nga 4 ore pa nderprerje.Vullnetin,  e njihja në një farë mase, kur ishte në Ministrinë e Punëve të  Jashtme.

E dija mjaft mire qe ishte nipi i Hysni Kapos,sekretarit të Komitetit Qëndror të Partisë së  Punës së Shqipërisë dhe anëtarit të Byrosë Politike.Zvëndësi i parë i Enver Hoxhes në linjë partie, i cili u nda nga jeta më 23 Shtator  1979  nga një smundje e rëndë në një klinikë në Paris  të Francës.Po kështu e dija që për dy vjet kishte qenë sekretar i parë i ambasadës tonë në  Çekosllovaki. I njofja babain dhe nënën,Xha Thanasin dhe Afërditën,mbasi ishin miq me xhaxhain tim, Xhemil Selamin (Limaj) që kishte qenë këshilltar i Hysni Kapos dhe pasataj diplomat në Turqi dhe Egjipt.Ata ishin edhe  komshinjë të mirë.Me lotë ndër sy dhe i drobitur Vullneti më tregoi se ç’ kishte ndodhur me të .Me daten 21 Gusht ne kufirin midis  Austrise dhe Cekosllavakise  , në doganën e Austrisë, në bagazhin e makines diploamtike  nje doganier  i kishin gjetur një sasi  stekash me cigare , për të cilat e kishin bllokuar, si nje veprim kontrabande te asaj kohe. Ishte njoftuar Ministria e Jashtme e Shqipërisë dhe ata kishin urdhëruar dy diplomatët tanë në Vjenë që ta merrnin nga dogana dhe nëpërmjet Austrisë ta sillnin me avion për në Tiranë.Rrugës për në Vjenë ai kishte qëlluar më grusht diplomatin që ngiste makinën ,Kujtim Myzyri ,mbasi  në bisedën që zhvillonte me kolegun e tij  kishte dëgjuar urdhërin e ministrit te Brendshem,Hekuran Isai, që “ta sillnin gjalle a vdekur me cdo kusht në Shqipëri “.

Pastaj kishte zbritur nga makina ishte rifutur ne Cekosllovaki.Mbas dy ditesh  ishte rikthyer në Pragë pranë familjes. Këtu kishte patur shumë probleme, sidomos arrestimi dhe largimi nga personeli i ambasadës, operacion që e kishte drejtuar Nikollaq Ziu. Mbas dy ditësh largimi nga amabasada , kur ai udhëtonte me familjen drejt aeroportit të Pragës, për t’ u larguar përfundimisht në Suedi, me ndihmën e policisë çekosllovake, ishte arrestuar ne aeroport dhe ua kishin dorezuar autoriteteve shqiptare. Kjo ishte tabloja e kësaj ngarjeje, që u fry dhe  u rrit më shumë nga mënyra se si u komunikua dhe u veprua me të, se sa gabimi i bërë prej tij, i cili sot as që mund të mendohet të trajtohet kështu.Mbas 4 dite e netesh rrugetimi   detar nepermjet Detit te Zi,ngushtices se Bosforit, Marmarase, Detit Egje, me kthese ne fund te Kretes hyme ne ujrat e Detit Jon.Kur kishte nevojat personale therrisnim  Muharremin, oficerin e forcave special I cili e conte ne tualet vetem duke i liruar duart, por pa i hequr helmeten nga koka.

Kur mbërritëm në kalatat e Durrësit na priste zëvëndës ministri i Brendshëm  dhe drejtori i përgjigjthshëm i Sigurimit të Shtetit Zylyftar Ramizi  dhe shumë autoritete të tjera të kësaj fushe.Kur e zbritën nga shkallët e anijes në kalate,Zylyftari e goditi lehtë mbi helmetën e kokës. Për këtë “krim” dhe akuzë gjykata e dënoi Vullnetin me pushkatim, ndërsa presidiumi i Kuvendit Popullor, i drejtuar nga Ramiz Alia, ia zbriti me 25 vjet burgim. Ndërsa të shoqen me dy fëmijët i internuan në Burrel. Nëna e tij, Afërdita, motra e Hysni Kapos, pësoi një goditjë të rëndë dhe për pak kohë u nda nga jeta.

Vullneti denimin e vuajti ne burgun e Qaf Barit, rreth 18 km larg qytetit të Pukës i ndërtuar midis grykave të maleve. “ Në këtë burg ishin 500 të burgosur politikë që ishin dënuar mbi 25 vite burg.

Këta të burgosur punonin nëpër galeritë e minierës me tre turne.

Kampi ishte i rrethuar me tre rreshta telash me gjemba, me lartësi mbi 4 metra. Rrethimi kishte rreth 20 kulla vrojtimi në lartësi mbi 8 metra ku ushtarët ishin të pajisur me të gjithë llojet e armatimit.  Në këtë burg ka qenë Moisi Miraka, djali i ministrit te Zogut Kol Miraka, Viktor Stratoberdha (regjisori i filmit Skenderbeu), Dilaver Noka, Vullnet Thanasi (nipi i Hysni Kapos), Gasper Gaspri, këngëtari Sherif Merdani, inxhinierët e grupit armiqësor të naftës të Lipe Nashit etj.”.

Me kaosin e 1997-ës Vullneti doli nga burgu dhe me familje u largua përfundimisht në Suedi.

Ndërsa sot korrupsioni dhe kontrabanda ka pushtuar shtetin dhe politikën.Asnjë qeveritarë apo politikan nuk është arrestuar dhe dënuar nga këto veprimtari të kundraligjëshme, ndërsa në ato kohra Vullneti u ndeshkua aq ashper.

*Ish- zbulues strategjik ushtarak

(TemA)

Duel i arritur mes Merkelit dhe Schulzit

09:09 Politika

Rama: Mirëmëngjes me mozaikët e Butrintit. Qytetari: Nga ty ç’do mbajmë mend, sahati 12-të...!

08:42 Politika

Për të mos thyer traun tjetër të shtëpisë dhe serioziteti i Ramës!

19:32 Politika

Vladimir Putini flet për sundimin e botës, luftërat e ardhshme dhe "jetën" në Mars

17:56 Politika

Të mbyturit gjatë sezonit veror, Berisha publikon hulumtimin personal: Ja bilanci dhe fajtorët

16:46 Politika

Blendi Fevziu i "shqetësuar" për miqësinë me Berishën: Ai nuk më flet më

16:07 Politika

FOTOT/ LSI në plazh, Presidenca “ndan” Monikën me Ilir Metën, Kryemadhi zgjedh kolegët

15:22 Politika

Vrasja e gjyqtares, PD heton ngjarjen: Ja pse ndodhi

15:07 Politika

Inagurimi i Kuvendit në 27 vjet: Hapja, drejtuesit dhe veçoritë kryesore

12:48 Politika

Myslim Pashaj: Kërcënimet e Greqisë të dala boje, nuk ndahet dot nga politika e vjetër. Ja pse s'mund të rikthehet Jugosllavia

12:43 Politika