Te fundit
Tentuan të trafikojnë për prostitucion një 23 vjeçare italiane, policia prangos tutorin në Tiranë
5 Shtator 2017, 16:22Kronika
TEMA
Një 46 vjeçar është vënë në pranga dhe dy të tjerë janë shpallur në kërkim pasi në bashkëpunim me njëri-tjetrin kanë tentuar të trafikojnë një shtetase italiane me qëllim shfrytësimin e saj për prostitucion.
23 vjeçarja ka bërë kallëzimin në Policinë e Tiranës ku më pas efektivët janë vendosur në lëvizje për të arrestuar personat përgjegjës.
Njoftimi i plotë:
Trafikojnë drejt Shqipërisë me qëllim shfrytëzimi për prostitucion shtetasen e huaj 23 vjeçe, me banim në Itali.
Policia ndalon një shtetas dhe shpall në kërkim 2 të tjerë.
Më datë 04.2017 specialistët e Seksionit për Hetimin e Trafikut të paligjshëm pranë Sektorit për Krimin e Organizuar pranë D.V.P. Tiranë, kanë bërë të mundur ndalimin e shtetasit :
– Bardhok Prenga, 46 vjeç, banues në Tiranë.
Ndërkohë janë shpallur në kërkim policor shtetasit :
– M.Gj., 46 vjeç, banues në Tiranë.
– M.B., 31 vjeç, banues në Tiranë.
Ndalimi i këtij shtetasi është bërë i mundur pasi shtetasia e huaj, 23 vjeçe ka bërë kallëzim në ambientet e D.V.P. Tiranë ndaj shtetasve Bardhok Prenga, 46 vjeç, M.B., 31 vjeç dhe M.Gj, 46 vjeç të cilët e kanë trafikuar nga Italia në Shqipëri me qëllim shfrytëzimi për prostitucion.
Materialet janë referuar pranë Prokurorisë së Rrethit Gjyqësorë Tiranë në ngarkim të shtetasve të lartpërmendur për veprën penale “Trafikim i personave të rritur”, parashikuar nga neni 110/a i Kodit Penal.
Lini një Përgjigje
Më të lexuarat
24 oret e fundit
Javen e fundit
Blog Tema
