Te fundit
E vërteta e përfshirjes së Majlinda Bregut në qeverinë “Rama 2” dhe “miqësisë” me Ramën
7 Shtator 2017, 10:16Politika
TEMA
Pak ditë para krijimit të qeverisë “Rama 2”, në disa media pranë PD-së, qarkulloi një lajm, se në qeverinë e socialistëve do të përfshihej edhe Majlinda Bregu.
Gjë që nuk ishte e vërtetë dhe që u mohua kategorikisht nga ana e Bregut.
Sot për këtë spekulim ka folur edhe kryeministri Edi Rama.
“Nuk ka pas asnjë plan imagjinar që të kemi Majlinda Bregut në qeveri.
Për sa i përket negociatorit pastaj ne do ta trajtojmë se kush e bën këtë punë më mirë, por dhe në këtë rast duhet konsensusin e opozitës”, tha Rama.
Rama tha gjithashtu se nuk ka një trajtim të diferencuar të Bregut nga ana e tij, në raport me demokratët e tjerë.
“Unë nuk shoh asnjë trajtim të diferencuar. Është një histori mediatike kjo.
Komisioni i Integrimit ka qenë i opozitës, do të jetë i opozitës.
Opozita do të ketë të drejtën të zgjedhë kryetarin e Komisionit të Integrimit.
Bregu nuk ishte e zgjedhura jonë, por ishte e opozitës. E caktuan ata përfaqësuese në Komision.
Nuk kemi ne “të përkëdhelur”.
Unë flas edhe për Patozin dhe situatën e tij në PD, edhe pse nuk kam asnjë pikëputhje me të.
Ne shpresojmë që edhe kreun e ri të Komisionit të Integrimit ta zgjedhim me konsensus, pasi ky është komision i të gjithëve, jo i një partie”, u shpreh kryeministri Rama.
Rama komentoi edhe një shkrim të Astrit Patozit, që thoshte se mbledhja e djeshme e ministrave në Velipojë, mund të jetë dhe e fundit e tyre.
“S’më bëjnë përshtypje kritikat e tyre, as të Bregut e as të Patozit ndaj qeverisë.
Po t’i shikoni janë të ngjashëm si dy pika uji në kritikat e tyre.
Ata janë në garë me njëri-tjetrin se kush e shan më bukur qeverinë, nuk merren me argument.
Pse, ku do shkojnë ministrat, që nuk do mblidhen më?”, pyeti me ironi Rama.
3 komente në “E vërteta e përfshirjes së Majlinda Bregut në qeverinë “Rama 2” dhe “miqësisë” me Ramën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E ka fjalen per ne Velipoje nuk do mblidhen me se i ka dale pronari!
do dalin ne pension se jane lodh shume respekte
Patozi aludon per qeverine e re te Rames,se eshte lloz nga fiqiri. Ky koke presh nuk di se çfare flete.Nga goditja qe i dha Basha,ai eshte çakorduar fare dhe flete perçarte.Ku e gjene ate te drejte Patozi, te thote se kjo mbledhje e qeverise ne Velipoje eshe te fundit? Mos vall e ka ky ne dore qeverine? Edi Ramen e votoi ne menyre masive populli, aq sa nuk ka ndodhur ndonjehere,mori 74 mandate.Kurse Patozi flet si i dehur me raki kumbulle.