Te fundit
VIDEO/ Kapet i forti i Bulqizës, përplas makinat e Policisë gjatë arrestimit
15 Shtator 2017, 18:13Politika
TEMA
Policia e Dibrës ka kryer një operacion ditën e sotme për kapjen e një personi të cilësuar të rrezikshëm, i cili lëvizte i armatosur.
Ai është Besmir Sula (Zeneli), 31 vjeç.
Zeneli gjatë përpjekjes së parë të Policisë për ta arrestuar ka tentuar të largohet duke përplasur automjetet e policisë. Mirëpo ai është neutralizuar disa minuta më vonë.
Njoftimi i policisë
Në zbatim të Planit Operacional “Vjeshtë 2017” , për kapjen e personave në kërkim , të atyre që qarkullojnë me armë zjarri, apo që janë kthyer në shqetësim për komunitetin, nisur edhe nga shqetësimet e banorëve të zonës së Zerqanit, Bulqizë se një shtetas qarkullon me armë dhe është kthyer në shqetesim për banorët, Efektivat e Komisariatit të Policisë Bulqizë, në bashkëpunim me strukturat e Drejtorisë Vendore të Policisë Dibër , kanë organizuar dhe finalizuar operacionin policor të koduar “Zerqani”.
Bazuar edhe mbi informacionet e marra në rrugë operative se shtetasi Besmir Sula (Zeneli), 31 vjeç, banues në Tiranë, po qarkullonte me një automjet “Land Rover”, me targa false, Tr 95 65 P, në dalje të qytetit Bulqizë , në zonën e quajtur ‘Pishat’, kanë bërë të mundur bllokimin e automjetit me të cilin udhëtonte ky shtetas si dhe kapjen e arrestimin e tij.
Ky shtetas në momentin që ka parë forcat e policisë, ka tentuar të largohet duke goditur makinën e Policisë ku ka vënë në rrezik jetën e punonjësve të policisë.
Reagimi profesional dhe i guximshëm i punonjësve të policisë ka bërë që makina tjetër e policisë ti bllokojë rrugën duke bërë të mundur arrestimin e tij.
Gjatë kontrollit të automjetit janë gjetur 10 fishek pistolete.
Shtetasi Besmir Sula (Zeneli), qëndronte i fshehur në një banesë të gjyshes së tij, në Zerqan , dhe në bazë të informacioneve policore kishte aksione në një fabrikë të pasurimit të kromit në Ternovë të njësisë adminsitrative Zerqan Bulqizë.
Ky person ishte i shpallur në kërkim nga Drejtoria Vendore e Policisë Tiranë për “Vrasje me paramendim mbetur në tentativë” & “Prodhim dhe mbajtje pa leje të armëve luftarake”, pasi:
Më datë 06.05.2017, Besmir Sula (Zeneli), shpallet në kërkim, pasi me datë 04.05.2017 në Rrugën “Kongresi i Manastirit”, është plagosur me armë zjarri shtetasi D. R., ku nga veprimet e para hetimore ka rezultuar se autor i dyshuar i kësaj ngjarjeje është shtetasi Besmir Sula (Zeneli). Vepra penale: “Vrasje me paramendim mbetur në tentativë” & “Prodhim dhe mbajtje pa leje te armëve luftarake”, parashikuar nga neni 78, 278/2 dhe 22 të K.Penal.
Shtetasi i lartpërmendur do ti dorëzohet Drejtorisë Vendore të Policisë Tiranë për veprime të mëtejshme, ku krahas veprave për të cilat është shpallur në kërkim do të procedohet edhe për kundërshtim me dhunë të forcave të policisë si dhe mbajtja pa leje e armëve dhe municioneve luftarake.
d68fcb8d-189f-4fa4-b975-3bd4ccbf7699 (1) by e-d21
2 komente në “VIDEO/ Kapet i forti i Bulqizës, përplas makinat e Policisë gjatë arrestimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te poshtrit, pse e fsheh policija qe e kane dhunuar seksualisht ne menyre brutal tre police ne darken e arrestimit?
Celsat e biruces ne det dhe kjo merr fund dhe populli i thjeshte shpeton nje here dhe mire.Ndryshje vazhdoni avazin e mukes.Kreminele 40 vjeçare dhe poshte qe sote ka me shumice ne tere vendin duhet te zhduken pa meshire o ligjerishte ose me vetegjyqesi se ndryshje nuk po i behet dermani.