Veliaj prezanton projektet strategjike për Tiranën në Çikago, takim me Komunitetin shqiptar atje

Në ditën e dytë të vizitës së tij në SHBA, në Bienalen e Arkitekturës së Çikagos, kryetari i Bashkisë së Tiranës, Erion Veliaj, prezantoi para arkitektëve dhe urbanistëve pjesëmarrës disa nga projektet më të rëndësishme që do të realizohen në kryeqytetin shqiptar. Ai deklaroi se pas përfundimit të punimeve për ndërtimin e pjesës kryesore të sheshit “Skënderbej”, ka nisur puna për pjesën pas bustit të Heroit tonë Kombëtar, Gjergj Kastrioti Skënderbeu, si dhe sistemimi i hapësirës midis Bibliotekës Kombëtare dhe Kullës së Sahatit.

“Po zgjerojmë pjesën pedonale të sheshit pas “Skënderbeut”, me lulishten klasike, që e mbajmë mend që fëmijë. Mandej, vazhdojmë me atë që quhet Kopshti i Librave, midis Bibliotekës Kombëtare dhe Kullës së Sahatit. Pra, ajo zonë do të kthehet në një mjedis ku mund të marrësh e japësh libra, e lidhur natyrshëm edhe me Bibliotekën Kombëtare”, tha Veliaj. Ndërkaq, për të lehtësuar dhe përmirësuar shërbimin ndaj qytetarëve, pas Pallatit të Kulturës do të ndërtohet stacioni i autobusëve, ku do të jenë të përqendruara në një pikë të vetme të gjitha stacionet që aktualisht janë vendosur rreth zonës së Unazës së Vogël.

“Pas Pallatit të Kulturës do të vazhdojmë me stacionin e autobusëve, si një stacion autobusësh që eliminon gjithë stacionet rreth Unazës së Vogël, duke i sjellë në një pikë të vetme. Këtë vit shtuam flotën në mbi 300 autobusë të rinj për gjithë Tiranën dhe aktualisht kemi 25 linja. Kjo do të thotë që janë integruar edhe shumë prej zonave rurale”, u shpreh ai.

Sa i përket zhvillimit të një plani rregullues për Lumin e Lanës, kryebashkiaku Veliaj sqaroi se aktualisht ka nisur puna për hartimin e një projekti në bashkëpunim dhe me qeverinë japoneze për të eliminuar derdhjen e ujërave të zeza. Veliaj tha se fillimisht projekti do të zgjidhë problemin për 300 mijë familje që ndodhen në pjesën veriore të qytetit, e më pas do të shtrihet edhe në pjesën jugore. “Jemi duke bërë një projekt me qeverinë japoneze, e cila vendos të gjithë kanalizimet e zeza në një kolektor që i shmang nga derdhja në Lanë. Në një farë mënyre, Lana ishte kthyer në kolektorin natyral të Tiranës. Kolektori zgjidh të paktën problemin për 300 mijë familje, pra pjesën veriore të qytetit. Do të duhet të bëjmë të njëjtin investim edhe për pjesën jugore. Brenda 5 viteve nuk do të kemi më ujëra të zeza që derdhen në Lanë, por dy kolektorë që ecin paralelisht”, tha ai.

Plani i Përgjithshëm Vendor do t’i japë Tiranës jo vetëm një infrastrukturë më të mirë, por do të ndikojë edhe në cilësinë e jetës së qytetarëve. Pjesë e këtij plani është ndërtimi i Pyllit Orbital, që sikurse tha kryebashkiaku Veliaj, synon mbjelljen e 2 milionë pemëve të reja deri në vitin 2030. “Pylli Orbital është plan shumë ambicioz. Do fillojmë këtë dimër dhe do të duhet që çdo vit të mbjellim rreth 100 mijë pemë, që të mbajmë këtë ritëm deri në 2030. Deri tani kemi mbjellë nga 50 mijë pemë çdo vit, pra 100 mijë në total. Shumë pjesë të zëna, siç ka qenë pjesa jugore e liqenit, janë pastruar nga ndërtimet pa leje dhe janë pyllëzuar. Tani që po afron Maratona e Tiranës mijëra njerëz dalin çdo ditë nga liqeni për t’u stërvitur, pra e kemi kthyer të gjithë atë energji që më parë shkonte nëpër kafene, baste, në bingo, në një fokus më të madh tek sporti, shëndeti, jeta në natyrë”, theksoi Veliaj.

Kryebashkiaku i Tiranës zhvilloi edhe një takim me komunitetin shqiptar që jeton në Çikago, me të cilët bisedoi rreth transformimit që ka pësuar Tirana gjatë këtyre dy viteve, si dhe mundësinë e bashkëpunimit dhe rritjes së kontributit të emigrantëve shqiptarë në ekonominë shqiptare. Veliaj vlerësoi nismën e marrë nga qeveria shqiptare për rritjen e rolit të diplomacisë ekonomike dhe të krijimit për herë të parë të Ministrisë së Shtetit për Diasporën. Veliaj u shpreh se emigrantët duhet të kenë të drejtën e votës për t’u ndjerë të përfaqësuar edhe politikisht në vendin e tyre.

“Më vjen mirë që gjatë kohës që kam qenë Sekretar i Partisë Socialiste për Emigracionin, një nga gjërat për të cilat kam këmbëngulur ishte nevoja për të pasur një Ministri për Diasporën. Fatmirësisht, qeveria “Rama 2” e ka një Ministri për Diasporën dhe besoj ka ministrin ideal për çështjet e diasporës si Pandeli Majko. Besoj se ai do të vijë këtu, e në Europë, për të ringritur një rrjet, i cili do të na çojë përfundimisht në vendosjen e sistemit të votës për shqiptarët që jetojnë jashtë. Ky është një argument që unë e kam bërë prej 10 vitesh, edhe kur kam qenë në opozitë. Nuk mund t’u kërkosh njerëzve të jenë aktivë ekonomikisht, nëse nuk janë aktivë politikisht”, theksoi ai.

Kryebashkiaku Veliaj theksoi se çdo krizë është në vetvete një mundësi për të përmirësuar diçka dhe se pavarësisht vështirësive, motoja e Bashkisë së Tiranës është çdo ditë një punë konkrete.

Dita pa makina/ Tirana i bashkohet “Javës së lëvizshmërisë”, ja askset që do të bllokohen më 22 shtator

10:39 Sociale

Emigranti shqiptar që me 800 USD krijoi një biznes miliona dollarësh

21:16 Sociale

Ambasadori zviceran në Tiranë: Të mësojmë nga toleranca fetare në Shqipëri, ja ç’na bashkon me këtë vend

20:43 Sociale

FOTOT/ Spiegel: Si po shkatërrohet Vjosa, mrekullia e fundit blu e Europës

19:57 Sociale

FOTOT/ Ndotje masive në plazhin e Durrësit, një anije shkarkon në det sasi të mëdha hidrokarburesh

17:53 Sociale

Nipi i Prek Calit sqaron të vërtetën: Ja se si qëndron çështja e shembjes së kullës në Vermosh

17:28 Sociale

Ndryshon orari i punës? Ja si pritet të jetë...

17:13 Sociale

Express: Pas prishjes së kullës së Prek Calit, fshihet Tom Doshi

17:09 Sociale

Dritan Hila: Prek Cali hero dhe antikomunist? Po që mori pjesë në vrasjen e 36 partizanëve, pse nuk flet njeri

16:36 Sociale

FOTO LAJM/ E ngarkuar me dru si skllave, ja realiteti tjetër i gruas shqiptare

15:06 Sociale