Te fundit
Nipi i Prek Calit sqaron të vërtetën: Ja se si qëndron çështja e shembjes së kullës në Vermosh
16 Shtator 2017, 17:28Sociale
TEMA
Djali i vajzës së Prek Calit, Ndue Dreshaj, konfirmon qëndrimin e Bashkisë së Malësisë së Madhe, se ky institucion nuk ka lidhje me shembjen e kullës shekullore të dajës së tij, Prek Cali.
Përmes një deklarate për mediat, nipi i Prek Calit thotë se në fillim të muajit gusht është sinjalizuar nga banorë të Vermoshit se disa persona kishin prishur kullën.
Fakt të cilin Dreshaj e ka konstatuar dhe vetë duke shkuar në Vermosh dhe parë nga afër situatën.
“Disa persona kanë prishur kullën e dajës tim Prek Cali me fadromë private dhe kishin filluar ndërtimin e një objekti të ri”.
Ai thotë se me 16 gusht të këtij viti i kishte kërkuar kreut të Bashkisë së Malësisë së Madhe të marrë masa.
Nga ana e kryebashkiakut Tonin Marinaj i është deklaruar se asnjë person fizik apo juridik nuk ka marrë autorizim në bashki as për prishjen dhe as rindërtimin e kësaj kulle.
Nipi i Prek Calit bën thirrje që ngjarja të mos përdoret politikisht ndërsa u kërkon organeve kompetente të vendosin para përgjegjësisë personat që kanë prishur kullën ekzistuese të Prek Calit.
1 komente në “Nipi i Prek Calit sqaron të vërtetën: Ja se si qëndron çështja e shembjes së kullës në Vermosh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vijini flaken krimineleve te luftes