Te fundit
Sejko prezanton progresin e Shqipërisë: Bashkëpunimi rajonal do të forcojë stabilitetin financiar. Ja sfidat tona
23 Shtator 2017, 09:06Ekonomia
TEMA
Guvernatori i Bankës së Shqipërisë, Gent Sejko, mori dje pjesë në konferencën e organizuar nga Banka Qendrore e Bosnje Hercegovinës, me temë “20 Vitet e Stabilitetit”, në Sarajevë.
Gjatë fjalës së tij, Guvernatori Sejko prezantoi progresin e Shqipërisë në procesin e integrimit europian, duke nxjerrë në pah disa momente kryesore të konvergjencës, si dhe trajtoi sfidat me të cilat përballet vendi ynë në të ardhmen.
Guvernatori Sejko theksoi se e ardhmja politike dhe ekonomike e vendeve të rajonit të Europës Juglindore është e lidhur drejtpërdrejt me procesin e integrimit të këtyre vendeve në Bashkimin Europian.
Ai, gjithashtu, nënvizoi se një treg financiar i shëndetshëm dhe efikas, është një parakusht i domosdoshëm për një rritje afatgjatë, si dhe një faktor i rëndësishëm në procesin e konvergjencës.
“Mendoj se kuadri ynë i politikës monetare, i mbështetur në regjimin e kursit të luhatshëm të këmbimit dhe të inflacionit të shënjestruar është solid dhe i zhvilluar mjaftueshëm për t’i lejuar ekonomisë shqiptare të arrijë objektivat e konvergjencës brenda dekadës tjetër. Nga këndvështrimi institucional, besoj se Shqipëria ka zgjedhur regjimin e duhur të politikave. Përveç përvojave tona pozitive në të shkuarën, duket se ato janë edhe në përputhje me udhëzimet e BEsë.
Sipas Komisionit Europian, ndonëse nuk ka një kuadër të vetëm miks politikash që të përshtatet në çdo kontekst, rruga e parapëlqyer e tyre për anëtarësim në BE do të ishte ajo, e cila ndërthur një regjim me kurs të luhatshëm këmbimi me një politikë monetare të pavarur, që ka për objektiv stabilitetin e çmimeve.
Më tej, rregulli fiskal i prezantuar së fundmi duhet ta forcojë qëndrueshmërinë fiskale dhe të ndihmojë në uljen e primeve të rrezikut në tregjet financiare”, u shpreh Sejko. Guvernatori Sejko vlerësoi se bankat qendrore kanë një rol mjaft të rëndë- sishëm në avancimin e procesit, nëpërmjet ruajtjes së parametrave makroekonomikë dhe forcimit të stabilitetit financiar, duke veçuar se, si politikëbërës, duhet të vazhdojmë të kontribuojmë në drejtim të forcimit të mëtejshëm të bashkëpunimit rajonal.
2 komente në “Sejko prezanton progresin e Shqipërisë: Bashkëpunimi rajonal do të forcojë stabilitetin financiar. Ja sfidat tona”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vleresime z.Sekjo ne marrjen e masave te duhura te cilat kane sherbyer ne rimekembjen ekonomike dhe rritjen modeste te kesaj te fundit, mendoj se eshte bere nje pune e shkelqyer gje qe pohohet edhe nga institucionet fuinanciare nderkomebetare.
bravo nje mundesi shume e mire pjesemarrja ne te tilla evente te cilat sherbejne per tu njohur me mire me progresin e vendit por mbi te gjitha per arritjet dhe ndryshimet pozitive ne ekonomi duke ngjallur ndryshuar ca imazhin e vendit dhe ngjallur interes tek vende ppotenciale per te ardhur dhe investuar ne Shqiperi tanime me nje klime biznesi te permiresuar ndjeshem ?