Te fundit
Trajneri i Partizanit, Iuliano: Nuk ndihem i rrezikuar, sot na mungoi fati
2 Tetor 2017, 19:16Sport
TEMA
Partizani nuk arriti as në javën e 4-t të merrte fitoren në kampionat, madje as t’i gëzohej golit të parë për këtë sezon në Superligë.
Të kuqtë barazuan 0-0 ndaj Lushnjes në “Selman Stërmasi”, ndërsa trajneri Iuliano, pas takimit u shpreh: “E dominuam kundërshtarin. Nuk arritëm të shënonim as sot, për fat të keq. Lojtarët bënë maksimumin në fushë, por ai që na mungoi ishte vetëm goli.
Unë si trajner bëra maksimumin për të drejtuar ekipin drejt fitores. E thashë, skuadra bëri maksimumin sot, por nuk patëm fat.
S’më përgjigjet skuadra? Unë nuk e shoh në asnjë vend që skuadra nuk më përgjigjet në fushë. Ne kishim edhe sot shumë raste për gol, ndaj s’mund ta them këtë gjë.
Rreziku për të më shkarkuar? Kur një skuadër nuk arrin rezultatin, atëherë trajneri është i rrezikuar. Kjo dihet. Por i takon drejtuesve të vendosin për këtë gjë. Nëse drejtuesit e marrin vendimin për të më larguar, atëherë e mendojnë për të mirën e skuadrës. Por unë ndjej mbështetjen e klubit dhe punoj në kushte të mira. Çani? Nuk duam të rrezikojmë me aktivizimin e tij. Donim ta kishim sot në fushë, sepse është një lojtar shumë i mirë. Nuk e di saktë se kur do të kthehet, sepse po ndjek një program të veçantë për rikuperimin”, tha trajneri i Partizanit, Mark Iuliano
1 komente në “Trajneri i Partizanit, Iuliano: Nuk ndihem i rrezikuar, sot na mungoi fati”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eshte ne rregull ky ? Golat behen me loje jo me fat. Me qe je pa fat kerkoje fatin ne vend tjeter.