Kanë mbetur edhe dy ditë nga dueli mes Spanjës dhe Shqipërisë, teksa interesimi për këtë ndeshje në Alicante i ka kaluar pritshmëritë.
Kombëtarja iberike ka njoftuar se të gjitha biletat e stadiumit janë shitur. Lajmi është publikuar nga faqja zyrtare e Kombëtares spanjolle, ku sipas së cilës, biletat janë shitur të gjitha pasditen e sotme. Stadiumi ka një kapacitet prej 30 mijë vendesh.
Ndeshja do të luhet në “José Rico Pérez stadium” në 6 tetor, në orën 20:45, në Spanjë. Problemet me Katalonjën mund të kenë shtuar edhe më shumë nacionalizmin te spanjollët.