Te fundit
HETIMET/ Autori i atentatit i vrau shokun Aldo Bares, vjet tentoi t'i vriste nipin në Lushnjë
12 Tetor 2017, 13:56Kronika
TEMA
Policia e shtetit tha të enjten se autorët e dyshuar të kësaj ngjarje ku mbetën të plagosur edhe dy persona, janë Laert Haxhiu dhe Orges Bilbili, të dy me precedentë penalë të mëparshëm. Në vendin e krimit të dyfishtë u gjetën më shumë se 40 gëzhoja dhe një armë tip pistoletë që dyshohet se i përkiste viktimës Zamir Latifi.
Sipas hetimeve, dyshohet se Orges Bilbili ka drejtuar makinën e autorëve ndërsa Laert Haxhiu ka qëlluar me armë.
Hetuesit kanë zbardhur edhe motivin e atentatit që ndodhi të mërkurën pranë komisariatit të Lushnjes në lagjen “Loni Dhamo”.
“Nga analiza e informacioneve që ka mbledhur grupi hetimor, rezulton se ngjarja e djeshme ka lidhje me krimin e datës 25.09.2016 ndodhur në qytetin e Lushnjes ku është tentuar të vriten me armë zjarri 2 shtetas”, bën me dije policia, duke iu referuar plagosjes së Xhulio Shkurtit një vit më parë, mik dhe i afërm i dy të vrarëve në atentatin e të mërkurës, 11 tetor 2017.
Identifikimi i dy të dyshuarve Laert Haxhiu e Orges Bilbili, të shpallur tashmë në kërkim, është bërë pas këqyrjes së kamerave të sigurisë në vendin e quajtur “Kryqëzimi i Urës së Përroit” pasditen e të mërkurës. Hetuesit kanë zbuluar prova me vlerë edhe në makinën tip Benz, e përdorur nga autorët, cila u gjet e djegur rreth orës 19:15, në parcelat e fshatit Çukas, në krahun e majtë të rrugës nacionale Lushnje-Berat. Në makinë u sekuestruan 3 armë zjarri dhe një fishek i paplasur.
Laert Haxhiu sipas policisë, ka qenë i dyshuar për plagosjen e shtetasit Xhulio Shkurti, nipi i Aldo Bares, i cili i shpëtoi atentatit në shtator 2016.
Haxhiu është dënuar në mungesë me 35 vjet burg për vrasjen e shtetasit Gerti Lala, shok i Aldo Bares, i njohur me nofkën “Iriqi” në vitin 2009.
Pas këtij krimi Laert Haxhiu u lirua nga burgu në fund të vitit 2014-ës, por u arrestua sërish në Qershor të vitit 2015 me akuzat për trafik heroine gjatë operacionit të koduar me emrin “Smart”.
3 komente në “HETIMET/ Autori i atentatit i vrau shokun Aldo Bares, vjet tentoi t’i vriste nipin në Lushnjë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po cfar shuku Aldo Bares thoni..ai nuk kishte lindur kur Aldo Bare drejtonte grupin ,mos ja fusni pordhes kote
te vetmen shpres qe kishim ishte kryeministri basketbollist, edhe ai i korruptum deri ne palc kshuqe ai vend nuk behet me, kush ka tru te iki sa me pare per te shpetuar brezat e ardhshem qe rrin si koqe kanari te blloku, kaq kisha.
Vrau dhe doli nga burgu pas 5 vjetësh. Ça shteti dhe ligje që kemi. Si të mos bëhen kriminelë njerëzit?