Te fundit
Gjyqtarja e Durrësit del kundër Erdoganit, liron të kërkuarin ndërkombëtar për terrorizëm dhe...
14 Tetor 2017, 13:44Kronika
TEMA
Gjykata e Durrësit liroi dje nga salla e gjyqit një shtetas turk, i cili me vendim të Gjykatës së Lartë Kriminale turke ishte shpallur në kërkim ndërkombëtar për organizatë terroriste.
Gjyqtarja Eda Kaja shënoi skandalin e radhës, duke e lënë të lirë shtetasin Muhammet Yasir Aydogmus, ndonëse nga zyra e Interpolit, ai rezultoi person në kërkim ndërkombëtar.
Arrestimi i përkohshëm i tij u bë nga Policia e Durrësit më 11 tetor 2017, nga ku më pas do të nisnin procedurat e duhura ligjore me qëllim ekstradimin drejt Turqisë, në sajë edhe të marrëveshjeve që kanë dy shtetet.
Prokuroria e Durrësit kërkoi gjatë seancës të lihej në burg shtetasi Muhammet Yasir Aydogmus, duke argumentuar se autoritetet turke e kanë shpallur atë në kërkim ndërkombëtar, pasi një Gjykatë në Stamboll ka caktuar masën “arrest me burg” për veprën “pjesëmarrje në organizatë terroriste të armatosur”.
Kërkesa e Prokurorisë u argumentua edhe me faktin se ai duhej të ekstradohet që të përballet me akuzat për të cilat rezulton i shpallur në kërkim. Por kjo kërkesë nuk është marrë parasysh nga gjyqtarja Eda Kaja, e cila pavarësisht se e cilësoi të ligjshëm arrestimin e tij, argumentoi se kërkesa për ekstradimin e këtij shtetasi ka motivacion politik, pasi Aydogmus njihet si mbështetës i Gulen, kundërshtarit politik të Presidentit aktual turk, Rexhep Taip Erdogan.
“Gjykata ka marrë vendim në lidhe me masën e sigurisë për shtetasin turk Muhammet Yasir Aydogmus. Gjykata vendosi ta konsiderojë të ligjshëm arrestimin e këtij shtetasi nga Policia Gjyqësore, por rrëzon kërkesën e Prokurorisë për masën “arrest me burg” me qëllim ekstradimin e tij.
Kërkesa për ekstradimin e shtetasit Muhammet Yasir Aydogmus ka motivacion politik, pasi ky shtetasi njihet si mbështetës i Gulen, kundërshtarit politik të Presidentit aktual turk, Erdogan”, deklaroi trupi gjykues me relatore gjyqtaren Kaja. Ky vendim i Gjykatës është konsideruar i padrejtë nga Prokuroria dhe mësohet se do të apelohet.
Muhammed Aydogmus, 39 vjeç, banues në Turqi, u arrestua fillimisht më datë 08.10.2017 dhe filloi procedimi penal në gjendje të lirë në ngarkim të bashkëshortes së tij, pasi së bashku me dy fëmijët e tyre kanë tentuar të kalojnë kufirin në Portin e Durrësit në drejtim të Italisë me pasaporta, të cilat dyshohej se ishin të falsifikuara.
Më datë 11.10.2017, në ngarkim të tij Gjykata vendosi masës e sigurisë “detyrim paraqitjeje dhe lënie garancie pasurore” për veprat penale “falsifikim i letërnjoftimeve, i pasaportave ose i vizave” dhe “kalim i paligjshëm i kufirit shtetëror” parashikuar në nenet 189 dhe 297 të Kodit Penal. Po më datë 11.10.2017, pas njoftimit të marrë nga Interpol Tirana, u kryen procedurat mbi arrestimin e përkohshëm të tij, pasi kërkohej nga shteti turk për organizatë terroriste.(panorama)
2 komente në “Gjyqtarja e Durrësit del kundër Erdoganit, liron të kërkuarin ndërkombëtar për terrorizëm dhe…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky njeriu eshte akuzuar per terrorizem nga regjimi i Erdoganit sepse jepte mesim ne universitet!! Merrni vesh tani cfare shteti ka bere halldupi Erodgan atje.
E kane liruar sepse rrezikon torturat dhe vdekjen ne shtetin e Erodganit
Gjyqtaret tane jane te qelbur po per gazetaret ka disa kufij qe s’duhen kaluar. Gulen, kundershtari politik i Erdoganit qe eshte shallur nga Erdogani si kreu i organizates terrorriste jeton i qete ne SHBA nen mbrojtjen e qeverise amerikane e cila ka refuzuar prere kerkesen e Erdoganit per ekstradim.
Nuk jemi ne me te mire se amerikanet qe i kemi vene ne krye te vetingut per te na pastruar gjyqsorin tone nga qelbesirat qe po na marrin frymen