Te fundit
Vijojnë konsultat publike, zv/Kryeministrja Mesi dhe Ministrja Qato vizitë në një sipërmarrje
14 Tetor 2017, 17:40Politika
TEMA
Në kuadër të procesit të nisur të konsultimeve dhe dëgjesave publike me qytetarët dhe sipërmarrjen në vend, Zv/Kryeministrja Senida Mesi dhe Ministrja për Mbrojtjen e Sipërmarrjes Sonila Qato vizituan një biznes nga industria e përpunimit të peshkut në Qarkun e Vlorës.
Gjatë vizitës në punishten dhe magazinat e ndërmarrjes, Zv/Kryeministrja Mesi dhe Ministrja Qato u takuan me administratorët dhe punonjësit e këtij biznesi, me të cilët u diskutuan problematikat kryesore që prekin këtë industri, si dhe mundësitë e ndryshme për zhvillimin e saj të mëtejshëm.
Gjatë vizitës, Znj. Mesi u ndal tek rëndësia e proceseve te ristrukturimit dhe deregullimit, si pjesë e zotimit të Qeverisë Shqiptare për të lehtësuar barrën burokratike jo vetëm mbi shpatullat e qytetarëve, por edhe të sipërmarrjes. Njekohësisht, ajo nënvizoi gatishmërinë e Qeverisë Shqiptare për të patur gjithmonë një bashkëpunim të hapur dhe energji pozitive me sipërmarrjen me çdo biznes në vend.
Ndërsa Ministrja Qato, u fokusua kryesisht tek rëndësia e eksportit për rritjen e konkurrueshmërisë, “Standardizimi i produkteve dhe kontrolli i qeverisë sa më konform normave të Bashkimit Europian është një nga hapat kyç në të cilët do të fokusohemi gjatë këtij mandati me qëllim rritjen e konkurrueshmërisë së prodhimit vendas në rajon’, theksoi ajo.
Qeveria Shqiptare, koalicionin me qytetarët e zakonshëm dhe sipërmarrjen në vend, e shikon si një domosdoshmëri dhe nevojë të patjetërsueshme për përmirësimin e mirëqënies, rritjes së standardeve dhe klimës së biznesit në vend.
1 komente në “Vijojnë konsultat publike, zv/Kryeministrja Mesi dhe Ministrja Qato vizitë në një sipërmarrje”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo per mbeshtetjen dhe suportin maksimal ndaj sipermmarjeve si njesi te rendesishem te ekonomise, besoj se do beni me te miren duke i ndihmuar ne lehtesimin e metejshem te punes dhe gjetjen e zgjidhjes per problematikat qe ato hasin, suksese.