Te fundit
Basha riprezanton programin ekonomik për biznesin e vogël: Nuk është se po bëjmë politikë
15 Tetor 2017, 16:20Politika
TEMA
Kryetari i Partisë Demokratike, Lulzim Basha, takoi sot përfaqësues të biznesit të vogël lidhur me projektin e qeverisë Rama për përfshirjen e tyre në skemën e pagesës së TVSH.
Tregtarët e vegjël me biznes kryesisht familjar, në zonën e Paskuqanit, thanë se futja e tyre në skemën e TVSH do të sjellë kosto shtesë për ta, rritje cmimesh, dhe pamundësi për të mbajtur aktivitetin, pasi edhe me cmimet aktuale ata mezi ia dalin të mbyllin muajin.
“Vijnë e na gjobisin. Ne nuk e çojmë mallin jashtë shtetit. Kontrabandën nuk e bëjmë ne biznesi i vogël. Na vendosin 500 mijë lekë gjobë. E për çfarë?! Për një kupon. Mund ta bësh gabim kuponin nga 200, në 2 mijë lekë por prapë të venë gjobë. Kjo është për të mbyllur dyqanin. Më kanë borxh prej 2 vitesh, skanë lekë të më sjellin”, tha Xhevairi, një pronar i një dyqani materialesh ndërtimi.
“Ke menduar se do të fusin në skemën e TVSH-së?”, pyeti Basha një pronar bari.
“Eshtë një dëm për të dy krahët, për popullin”, tha ai.
“Sa do e shesh kafen po të erdhi 20% TVSH-ja?”.
“Do ngrihet, do shkojë 700 lekë. Populli nuk ka as mundësi ta paguajë as 500 lekë. Zor se e pi një kafe por po tek ushqimet?! Me këtë që është duke bërë ai është skandal. Eshtë fare skandal”, u përgjigj pronari.
“Siç e ka nisur ai këtë punë do e çojë popullin në zero. Ska bukë të hajë tani por do e ulë më poshtë. Nuk e di çfarë do bëjmë. Ndoshta edhe populli shqiptar është paksa naiv. Duhet të çohet populli me këto që bën ai. Duhet të marrë flakë”, u shpreh pronari i barit në lagjen Babrru.
Festimi ka një bar buzë rruge me të cilin jeton. Ai thotë se rritja e TVSh-së do e bëjë të mbyllë lokalin.
“Nëse do rritet TVSh-ja do rris çmimet. Nga 500 lekë që e kam kafen do e çoj 700. Prap populli do e hajë. Po e rrita çmimin ska për të ardhur njeri në lokal. Unë me thënë të drejtën kam qënë i majtë. Nuk jam i kënaqur fare. Nuk ecet më. 27 vite e tani po shkojmë poshtë. Nuk ecët më me mashtrime”, tha Festimi.
“Ne kemi dalë sot t’u dëgjojmë. Ne këtë qendrim kemi që rritja e TVSH-së do shkatërrojë biznesin e do rrisë çmimet. Për këtë arsye jemi kundërvënë, nuk është se po bëjmë politikë”, iu përgjigj Basha.
“Nuk ka politikë. Këtu kemi të bëjmë me bukën”, tha Festimi.
Luljeta, një pronare pastiçerie tha se ajo do detyrohet të rrisë çmimet. “Unë këtë sot e shes 500 dhe nesër do duhet ta shes 600”, tha ajo.
“Por ai të thotë që vere njëherë TVSH-në e pastaj TVSH-në e merr nga shteti mbrapa?”.
“Siç do ta jap nuk ma jep. Ai është borxh që nuk kthehet”, përgjigjet Luljeta.
Lulzim Basha shpjegon projektin e tij. “Ne qeverisë i themi ta bëjë biznesin e vogël me 12 milionë lekë të reja në vit xhiro, ose 120 milionë lekë të vjetra. 120 milionë e poshtë quhet biznes i vogël dhe pa TVSH. Ne jemi kundër rritjes së TVSH-së pikërisht se do rrisë çmimet e do falimentojë biznesi. ”, tha Basha.
Bujar Marku ka një market të vogël.
“Për mendimin tim TVSH-ja është falimentim”, thotë ai. -“Sepse TVSH-ja do sjellë rritje çmimesh dhe do e paguajë populli. Do bjerë konsumi. Nëse është 100 lekë do shkojë 120 lekë”.
Një pronar i një dyqani materialesh ndërtimi thotë se po u vendos TVSH, ai do të ulë qepenat.
“Do ta hap prapë, kur të vijë Lul Basha në pushtet”, shprehet ai.
17 komente në “Basha riprezanton programin ekonomik për biznesin e vogël: Nuk është se po bëjmë politikë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje takse qe nuk duhej hequr asnjehere. Shume mire eshte bere qe eshte vendosur pasi edhe bizneset ne krahet e popullit po I sigurojne te ardhurat, plus qe keto te ardhura shkojne per rruge, shkolle etj ne sherbim te komunitetit.
Po ik mor Luli
Rri fli ti te keqen
Duhet formalizuar ekonomia zoti Basha
Ne komunizem rregullat jane te barabarta per te gjithe, vetem atje . Jam dakort qe biznesi i vogel te ndihmohet por jo duke shmangur totalisht taksat.
PO ne Hollande ka informalitet zoti Basha ?????
Prape dole ti ??! Ishe mire nja 1 muaj me par s ndiheshe fare
Basha duhet ta dije po ndoshta e ka harruar qe kur ishte vete ne pushtet keta te PD e ulen pragun nga 8milopme leke ne 5 milione leke ulja ishte shume e madhe dhe nje pjese e mire e bizneseve u perfshine ne kete proces.
Ore jo qe pellisni per te ashtequajtuerin biznesin e vogel perfshi dhe kete Bashen a e dini qe ne holande nga vjen zoteria se atje rri ai gjithe kohes ketu vjen per pushime nuk ka informlaitet dhe holanda eshte vendi me nivelin me te larte te jeteses ne evrope dhe te gjithe paguajne detyimet si qytetare te pergjegjshem .
Basha kur ishe ne pushtet e doje formalizimin kurse tani se do
Ua zoti basha u cova nga gjumi ti dhe u kujtove per hallet e shqiptareve? Kur ishe ne pushtet na shkrive dhe bere para sa deshe. Hajde ne pushtet dhe pastaj flasim se cfare do besh me biznesin.
Dikush ti thote Bashes qe heqja e pragut te kufirit per regjistrimin e TVSH-se do te ule informalitetin.
duhet dhe sensibilizim I nga Administrata Tatimore per ndergjegjesimin e konsumatorit per marrjen e kuponit tatimor, pasi kjo do te perkthehet ne ulje te borxhit, rritje investimesh ne shkolla, spitale dhe rruge
Kur mesove te besh politik ti? Ndoshta kur ti beje eksperimente me popullin tone.
Lulo perfshirja e te gjitha bizneseve ne tvsh nuk do te kete kosto per biznesin por do te sjelle konkurrencë të ndershme
Interesi primar publik eshte perfshirja ne sistem, gjurmimi i levizjes se mallit dhe detyrimi i biznesit te madh qe te deklaroje te gjithe transksionet e veta. Ky grupim eshte burimi i vertete i evasionit dhe jo biznesi i vogel. Pra venia e TVSH eshte mese e drejte.
Taksa e TVSH fillimisht vendoset per te ulur informalitetin. Pra bizneset qe kane qene korrekte ne deklarimet e tyre nuk kane pse ti druhen kesaj takse. Pasi nuk do ti ule fitimin